NGONGUT 19:10 - PIPÏLIA

¹⁰ Opïtyan kelyechi tasagh nyinte, wölo kïlenchanïn, “Ewo, mesoghanïn! Ochan mötworin nyo karkegh nko nyi nyo pöghisyechini Tororöt nko tupcheniku cho kikesöwintönchï tïkwïl man nyo kingongwech Yeso. Sagha Tororöt!” Ompöwölo kïgh nyo töni werkoy owesyö kwamta ngölyonto Tororöt kï man nyo kingongwï Yeso.

NGONGUT 19:10 ပူးပေါင်းရင်းမြစ်များ

2 PÖYTOGHÏ 17:36

Okonyïtekwa ngalechoni, ochan ECHOTYON nyo kyamïtunekwa koro Misri ompö owesyö nyo wow. Okönyïtanïkwa aropkanïn amörostin cho kïpelöy.

TUMWÖY 45:11

Ighöy pïchighyengu pöytoghin kïpïrchinyi, echotyontengu nyinte, mïchininyi terchinö nyinte.

WUWÖT 34:14

“Mesagh tororöt anka tïkwïl, ompöwölo ochan ECHOTYON, Tororöt nyo le söstoghin ompö tororötin walaka.

DANIEL 2:46

Kïkïtïng Nepukadnesa ompö tawu Daniel akïmwatïta ketö nyinte ropöw akepelchï tïkwïn cho ngutöy cho onyïn.

DANIEL 7:10

Kiyinuna champilwa ma tawunyi. Kïpka pich cho chang cho kipöghisyechï nyinte. Akughyongö tawunyi pich cho makïrar. Kutor kokwö kurwoch, kengany kitapun.

MATAYO 4:10

Kuyokyï Yeso lö, “Wïyö Onyötonï! Ompöwölo kikikir lö, ‘Sagha Echotyon Tororötïngu aipöghisyechï nyinte onkït.’ ”

MARKO 5:22

Kungwïn wowïn pö kö pö saghat,* nyo kikuro kaynenyi Yairo, nyini kïsïwa Yeso kupïtyï kelyechi.

MARKO 7:25

Kungwïn korka lawel lenyini nyo kitïng cheptanyi oy, akupïtyï kelyo Yeso.

LUKA 1:19

Kïlö malaykayantanay, “Ochan Kapriel nyo opöghisyechini Tororöt. Köyonwanïn nyinte angalan nko nyi tomwowunyi ngalechï karamach.

LUKA 24:44

Atolapay kïlenchï, “Ngalechan chete chanya kyomwowokwa atanya kitomitan nko akwa. Kyamwaghan lö, itïtoy nyo mötïny, tïkwïn löwïr cho kikikir ompö parakunyan ompö Kikirut pö Musa nko cho pö werkoy nko kitapu Tumwöy.”

YOANA 5:39

Omitekwa osyoköy Kikirut, amitö olentöy kïsïko söpon pö kokay Kikirutchoni, wölo ngölonenanïn ngalechoni chane!

IGHISYEWUT 10:43

Kïngalana werkoy tïkwïl nyinte, kïmwa lö chi kïtïkon nyo ghönöy nyinte, kelöstoghchini ngokichi ompö kaynenyi.”

IGHISYEWUT 13:27

Ompöwölo menkïtïcha pich cho mönyöy Yerusalem nko kintöghoghikwa nyinte, möpköchïcha ngala werkoy cho kisomönöy ompö asispa Sapato anka tïkwïl. Kupuntö chane ngalechoni otini kirwokyï Yeso kepar.

2 KORINTO 8:7

Otïngetekwa kïgh anka tïkwïl. Kighanat nko owesyö nyo kïngölonöy nko kinkïtöt nko kikilöto kegh nyo oghöy tïkwïn cho karamach ompö acha. Nka nyoni kikönecha olïkunekwa pich cho opöghöy pich ompö ighisyononi pö chomnyogh.

EPESO 5:15

Orip kegh nyu lasiny wölo otöptoy, motïpï le sölwöy, wölo otïpinö le pich cho ngöghomöch.

EPESO 5:33

Wölo mïchini chi anka tïkwïl nyo le ngetat kïcham korkenyi le wölnö chömtoy kegh nyinte, kïmïchini korka kïtekï santenyi.

PILIPI 3:3

Ompöwölo acha cho kïtïng mutat nyo pö man, ompöwölo kïsoghecha Tororöt ompö kingörokutyeto Mïkulöwunyi akemitecha keturonchot ompö söpontönyo nyo mi Kristo* Yeso. Melö kimontonecha kegh por.

1 TESALONIKE 5:15

Asïwa kegh tömeker chi ompö akwa kukerchï chitö anka ghöyityö ompö ghöyityö, wölo akanya kïlïkwï machatengwo nyo oghchini kegh nyo karam kïtenö osis aghchï pich lapay nyo karam.

EPRANIA 1:14

Mömïkulisnye so chane cho kikïyonï kïpöghisyechï pich cho nyoru sörunöt asïyech?

EPRANIA 12:25

Arose kegh nyu tömatagh nyinte nyoni ngölonöy. Ompöwölo ato kimöchïwïtyöcha pich cho kitagh kïlïm ngala chichoni kingwïn ngwïnyinï akuyomisï ngala yïm, ekechïwïtyonecha lö ne nyu ato kïghöpönöcha nyinte nyoni rirwecha ompö yïm?

1 YOANA 5:10

Kïlenyona, anka tïkwïl nyo ghönöy Wero Tororöt kïtïng söwintönonï ompö mïkulöwunyi, wölo anka tïkwïl nyo meghönönye Tororöt kï kegh Tororöt kïlïkwï putin, ompöwölo meghanye kïgh nyo kimwa nyinte parak Werïnyi.

1 YOANA 5:21

Monechu, oripenö kegh tororötino putintön!

NGONGUT 1:1

Achï ngal cho kingongï Yeso Kristo,* cho kitö Tororöt nyinte tökuporchï mötworichi ngal cho ighisyot ato lekït nyo mötïny. Kiyonï Kristo malaykayantenyi atökuporchï mötworintenyi Yoana ngalechoni,

NGONGUT 1:9

Ochan werïnkwa Yoana nyo oghömöy nyarïlwok ompö mïkukönöt nko akwa, cho nyoru pich cho kikïghömö nko Yeso akïpöyit Pöyunötenyi ompö. Kikitönanïn Patmos kor nyo kikwen nanam, ompöwölo kyomtonan ngölyonto Tororöt asöwintönchini Yeso.

NGONGUT 12:11

Kirïnta tupchenicho nyinte ompö kisön pö Wawa Kech nko ompö man nyo kisöwintönchï chane, ompöwölo kicham kïkonï kegh chane kïrkegh kutupuy kong meghat.

NGONGUT 12:17

Kïnörekyï nyu ntaranay kamanay nyoman, atolapay akïwö kïporyeghö piko orengwa cho kingötï. Pïchoni kï pich löwïr cho rïpöy Kirurut pö Tororöt akïsöwintönchini man nyo kingongchï Yeso chane.

NGONGUT 14:7

Kïmwa nyinte ompö kut nyo wow lö, “Okonyïtö Tororöt, asal töroryenyi! Ompöwölo ketïta ato rwokyini nyinte pipö ngwïny. Asagha nyinte nyini kigh yïm nko ngwïny wölo tïyame nko nanam nko kori pöghon!”

NGONGUT 15:4

Ekï ngo nyo mewöghinyinye köny? Akï ngo nyinte nyo töghöy lö taparta owesyengu? Nyi onkït nyo ichï tïlil. Pkonöy puntonï lapay kïsoghinyi, ompöwölo rumteghote ighisyewutköku cho tenote ompö chane löwïr.”

NGONGUT 19:9

Atolapay kïlenchanïn malaykayantanoni, “Kira ngalechï: Soyönote chane cho kakekurchï akorpa kensyo Wawa Kech.” Akïlenchanïn ngat, “Ngala man chete cho kökonï Tororöt man.”

NGONGUT 4:10

kupïtyï poyichay le 24 tawu nyinte nyini töpo ngacharu paytagh akïkïtïngchï nyinte nyini satate kokay nko kokay akïngwïsyï tentenikwa ngwïny tawu ngacharu paytagh akïlö: