NGONGUT 18:7 - PIPÏLIA

⁷ Kïle wölini kikwol kegh lö ochï wow, akïpagha kegh tïkwïn cho chang, otö nyinte kichopat nko nyarïl nyo wow kïtenö nyoni. Mi nyinte kïmwogho mïkulöwunyi lö, ‘Ochan pöytoghin nyo otöpo ngachar, mochanye mïsïk amönyorwanïnye nyarïl.’

NGONGUT 18:7 ပူးပေါင်းရင်းမြစ်များ

ESTA 6:10

Kïmwochï nyu pöytoghintö Aman lö, “Wïyö lawel aip sïrokö nko angoletö lenyini kemwaghanyi aiwö ighchï Mordekay, chi pö Yaudi nyo töpo kuka pöytoghin tïkuchoni pö konyït, amepakachta kïgh nyo le ompö akonga ompö tïkuchoni kemwaghanyi.”

TUMWÖY 10:6

Lentöy ompö mïkulöwunyi, “Möminye kïgh nyo timtimanïn, möminye kïgh nyo omanïn kokay.”

TUMWÖY 45:9

Kor walaka cho mi katangu kï tipö pöytoghï, kughyongo koko pöytoghin ewungu nyo pö tagh nyo kimina kegh kari koltin cho pïchighöch.

YEREMIA 13:18

Kiyontanïn ECHOTYON omwochï pöytoghin nko kame lö, “Orökunenö ngöcherwekwo pö paytagh, ompöwölo köchïntoy krauninekwa chay pïchighöch.

LOK 1:1

Wechï kalïkwï kïratyan kanasyanta Yerusalem nyo kimangate! Kikonyïtöy nyinte ngwïnya kïmïkul kanasyantanoni, wölo karkegh ye nyu nyinte nko korka nyo le mïsïk. Ki kanasyan Yerusalem nyo konyïtote ompö kanastin löwïr kalïkwï ye sekeyon!

ESEKEL 23:34

Igheghenyi tïkwïn löwïr, möminye kïgh nyo ngötu ompö ori, atolapay ikarer kitiku ompöwölo ani Echotyon TORORÖT nyo kamwaghan.

OPADIA 1:3

Kalïsinyi menötengu, otï kesïwenyi lö kikïtekyï kanasyantengu nyo wow ghat parak, aimöngenyi kutïng nyo kogh. Inonchinenyi kegh lö, ‘Nyorwanïn ngo ntökureytanïn ngwïny nya?’ ”

SEPANIA 2:15

Nka nyete kïgh nyo igho ompö kanasyantanï kip kegh yïm, nyï nonchini kegh lö, “Möminye kanasyan anka nyo karkegh nko ani.” Anyï kalïkwï yenyu kïratyan nyo möngöy tïpö wudïn. Pïrpiröy chi anka möt nyo weröy kanasyantanoni akwotyö nyoman!

1 TIMOTEO 5:11

Wölo mekir mïsïktin cho tökïmïnkech, ompöwölo muköy kïlïmchï kegh machat nyo pö ipöt kïsir kutötö kegh ompö Kristo.*

NGONGUT 18:3

Ompöwölo kikigh pipö punton löwïr kitömesyeghö kumi pïrchin pö cheporesnanenyi. Akikwigh pöytoghi ngwïny cheporesnan nko nyinte, kïmökosöchitunö mïnchïrïs pö ngwïny pïrchinoghtanyi nyo kingwïna mïrö.”

NGONGUT 18:9

Rirchini akïlokyï kanasyantanoni pö Papilon pöytoghi ngwïny cho kigh cheporesnan akïlït lö tïrpïl ngala pïrchin anka tïkwïl nko nyinte ato sïwa ighot kanasyantanoni kïnöghöy.