NGONGUT 18:6 - PIPÏLIA

⁶ Oghchinö Papilon le wölo kighchï pikö walaka, mïchini ompö oghokyinö nyinte cho ghach tya kïnyïl odeny chinö kighchï pikö walaka. Ayina kölöwenyi kumïn cho ngwonöch kïnyïl odeny chinö kiryökï pikö walaka.

NGONGUT 18:6 ပူးပေါင်းရင်းမြစ်များ

TUMWÖY 137:8

Heywey, nyi kiwurintonï le Papilon! Soyönote chi nyo ghokunyi ghöyityö nyo kighwechanyi!

TUMWÖY 28:4

Inyaril kong chane kïrïp kegh nko ighisyewutkökwa ompö ghöyityö nyo kigh chane. Ichop kong chane ompö ghöyityengwa. Ighokyï cho mïchini!

ISAYA 40:2

Okilö pipö Yerusalem omwochinö lö, “Kikuwongwï chane nyo kikumuchö akakelöstoghchï ye chane ngokikwa. Kachopan kong chane kïmïchï ompö ngokikwa.”

ISAYA 61:7

Wonyot atoni arasinkwa nko kiratat nyo kikonokwa pich, omöngekwa nyu korengwo kegh, aketösöy sïkönötenkwa kïnyïl odeny. Pöyitu ngörekyenkwa kokay.

YEREMIA 16:18

Otökan chane kïnyorï ngwonïn kïnyïl odeny ompö ngokï nko lelutkökwa cho kesïmnyon korenyan kïghaghit otï kenyïghit tororötino putintön cho mötïng söpon, karkegh nko muntïruch.”

YEREMIA 17:18

Kanya kïnyorï arasï pich cho chopanïn kong, wölo iripante monyorï arasï, we ECHOTYON. Wirena chane potana, wölo iripo monyorï potana. Ipchinö chane nyarïl aityakatyak chane kïlïkwï terït.

YEREMIA 50:15

Okikö kikiköto poryot ompö wop tïkwïl kikïkonï kegh ye nyu Papilon kenam. Kikïrulyö teköwechi kikerultö nïyetuchi. Omitan ante ECHOTYON otökisïyi, oghchinan Papilon lenyini kighchï koros walaka.

YEREMIA 50:29

“Okurunö pich cho nkït kïwutïtoy kotï kïpka kïpar Papilon. Arika kanastinechi lö tïlkwïch ntömömi ompö akong nyo muköy kïchïwït. Otönö chane lenyini kisom, aghchï chane lenyini kighchï pikö walaka. Ompöwölo kïsasanyi ECHOTYON Tororöt pö Israel nyo Tïlil.

YEREMIA 51:24

Lentöy ECHOTYON, “Owetan otököy ghöyïn kïsïwïyi chi anka tïkwïl ompö pipö Papilonia lenyini kighchï Sayon.

YEREMIA 51:49

Akï Papilon nyini kipar tagh pipö ngwïny cho chang wölo körul ye nyu ompöwölo kipar tagh pipö Israel.” Mwoghöy ECHOTYON.

LOK 3:64

“Tökyinö chane, we ECHOTYON ompö ghoyïn nyo kigha morikwa.

SAKARIA 9:12

Akwa we pïnot cho otïng kikönöt, omïlisyenö osorunö wölo oghïpcheghoy. Omwowokwa ye nyu lö, Kyonyorukwa nyörilwok cho chang, wölo osoyönokwa kïnyïl odeny ompö choni.

2 TIMOTEO 4:14

Kighwanïn nyo gha nyoman Aleksanda nyay le kitonginto kari taghoy. Yokyini Echotyon nyinte kïrïp kegh nko ighisyewutkachi.

NGONGUT 13:10

Chi nyo kakemutyï kenam akewuw, kenömöy akewuwöy lenyoni nyo mötïny. Akwanka tïkwïl nyo kakemutyï kepara chok, kepöro chok nyo mötïny. Kïlenyona, mïchini pipö Tororöt kïmïkukön ompö kighanat.

NGONGUT 14:10

kïgheghöy chichoni dipaypa* nörekyo Tororöt, cho matasa chi pögh ekeyin kikompeto nörekyenyi! Kinyörilo chichoni ma, mapa koghïn cho nöghsot ompö tawu malayken cho tïlilöch nko Wawa Kech.

NGONGUT 16:19

Kïkarera kanasyantanay wow kïnyïl sömök akunyorisyö kanastina koros lapay. Melö kiwutyeghö Tororöt metö kanasyantanoni wow pö Papilon sitenyi. Kigh Tororöt Papilon kïgh kikompo dipay* nyo pö nörekyenyi nyo wow.

NGONGUT 17:2

Kigh pöytoghi ngwïny cheporesnan nko nyinte akïtömesyö pipö ngwïny ompö kumiko cheporesnanenyi.”

NGONGUT 17:4

Kilach kokononi sïro cho lata munyantengwa akwa lamay nko cho pïröch, akupïchigha kegh koltin nko karïn cho pö olyot nyo wow nko lulun. Kinama ewunyi kikompa nyo pö kikwigha koltin akï nyo kinyïghï tïkwïn cho lilöy pich nko cho le sïmnyon, cho kipka cheporesnanenyi.

NGONGUT 18:20

Ngaraka yïmö ompö kiwurata Papilon! Ongörekyenö pipö Tororöt, kiyoktoghï nko werkoy! Ompöwölo kakurwokyï Tororöt nyinte ompö tïkwïn cho kighwakwa!