NGONGUT 18:19 - PIPÏLIA

¹⁹ Kïlösyï mötöwekwa terït akïlokyö akuteghyö kïlentöy, “Heywey! Nyarïl nyo tya nya wey ompö kanasyantanï wow! Kanasyan nyete nyo kinyorchï mökosyengwa pich cho pochï melin ompö mökosyenyi! Anyï ye lawel kapegha tïku lö weng!”

NGONGUT 18:19 ပူးပေါင်းရင်းမြစ်များ

2 SAMWEL 13:19

Kutö Tamar aryon mötïnyi, akïpalpal sïranay kogh kiloköy, akïlokota ompö kut nyo wow akïnömotoy möt kïwetöy.

NEEMIA 9:1

Otini ketïta nyu asispa 24 ompö arawanoni, kïghamït kegh pipö Israel, akïkïrur akulak sarankwachtin akïnyïra kegh terït mötöw kuporï nyarïltangwa.

AYUPU 2:12

Otini kitökïmi chane ato low, kïsïwa Ayupu, wölo melö kipköchï chane lö ki nyinte, wölo otini kipköchï, kutor kïriryö akukik akïkarer sïrokökwa ompö nkwonïn akwistö terït kutang yïm akupispisyï walaka mötöwekwa.

ISAYA 13:19

Pïchigh Papilon kïsir paytagh anka tïkwïl, kwolo kegh pipö Papilonia. Wölo ani ECHOTYON Kimuktoghin nyo oköpïghöy Papilon kïle wölo kyadan Sodoma nko Komora!

LOK 2:10

Tïpisot ngwïny poyi Sayon akïsisyö lasay. Purpuro chane terït mötöwekwa akulak sarankwachtin cho pö sönönöt. Kengïrukisyö tipi Yerusalem kïrich tökechwö ngwïny.

ESEKEL 27:30

Akiriryö nyoman akwompö akwa kilokyö ompö ngwonïn akinyïra kegh terïtyon nko aryon mötöwöy.

YOSWÖ 7:6

Kïkarer Yoswö nko poyi Israel sïrokökwa akutö mötöwekwa terïtyon kuporï nyarïltangwa akïwirchï kegh ngwïny ompö tawu Santuku Muma* ECHOTYON ntökwimön.

NGONGUT 17:16

Reyöy cheporestanoni kuyechay le taman nko tyonyoni kisïwenyi. Chengöy chane cheporesnoni sïro nko kïgh anka tïkwïl nyo tïng akïpïstö nyinte kïchïrut atolapay kwam panyechi akïpela ma portanyi lömïs.

NGONGUT 18:10

Ghyongo pöytoghichoni ato low, ompöwölo wöghöy lö nyorwech ana nyarïl pö kanasyantanoni akïlö, “Heywey! Nyarïl nyo tya nya wey ompö kanasyantanï wow pö Papilon! Ompöwölo ketunyi lawel nyarïltangu ompö kirwoko Tororöt!”

NGONGUT 18:3

Ompöwölo kikigh pipö punton löwïr kitömesyeghö kumi pïrchin pö cheporesnanenyi. Akikwigh pöytoghi ngwïny cheporesnan nko nyinte, kïmökosöchitunö mïnchïrïs pö ngwïny pïrchinoghtanyi nyo kingwïna mïrö.”

NGONGUT 18:8

Kïlenyona chumchini nyinte nyarïl asis akonga, sömewut nko sönönöt nko kikar, kïpelöy nyinte ompö ma kuwonyö, ompöwölo awes Tororöt nyo rwokyini nyinte.”

1 SAMWEL 4:12

Kurïpö chi akong nyo pö ara Penchamen wölay kikïporyegho ntökwit Syilo asisini le akonga. Kipal sïrokachi akutö terïtyon mötïnyi kuporï nyarïltanyi.