NGONGUT 18:16 - PIPÏLIA

¹⁶ kïlentöy, “Heywey! Nyarïl nyo tya nya wey ompö kanasyantanï wow! Kikinaghanyi ilokyï kegh sïro pö katani cho pïchighöch cho lata munyantenyi akwa lamay nko cho pïröch, aimineni kegh koltin nko koghïn cho pö olyot nyo wow nko sanay cho pïchighöch!

NGONGUT 18:16 ပူးပေါင်းရင်းမြစ်များ

ESEKEL 28:14

Kyotönön kerupim* kïripinyi, ompö kutïng pö Tororöt nyo tïlil, aiwesteghenyi kwenu koghïn cho kwerkwersot.

NAUM 2:9

Achengena nyu silpeni, achenga koltine! Kinyïghï mökosyö Ninawi lakas! Mi kïgh anka tïkwïl nyo pö olyot nyo wow orinyi.

NGONGUT 17:3

Atolapay kumïtanïn Mïkulögh ntatan surkwen. Osöchan wölini korka nyo kitöpo paraku tyony nyo pïrir nyo kikikir kaynötut pö kimwagh portanyi kïmïkul. Kitïng tyonyoni mötöw mut nko odeny nko kuy taman.

NGONGUT 17:4

Kilach kokononi sïro cho lata munyantengwa akwa lamay nko cho pïröch, akupïchigha kegh koltin nko karïn cho pö olyot nyo wow nko lulun. Kinama ewunyi kikompa nyo pö kikwigha koltin akï nyo kinyïghï tïkwïn cho lilöy pich nko cho le sïmnyon, cho kipka cheporesnanenyi.

NGONGUT 18:18

akïlokyï otini kisïwa kanasyantanoni kïnöghöy akïlö, “Akï kanasyan ne nyo kikongityot nko kanasyantanï wow pö Papilon nya?”

NGONGUT 18:19

Kïlösyï mötöwekwa terït akïlokyö akuteghyö kïlentöy, “Heywey! Nyarïl nyo tya nya wey ompö kanasyantanï wow! Kanasyan nyete nyo kinyorchï mökosyengwa pich cho pochï melin ompö mökosyenyi! Anyï ye lawel kapegha tïku lö weng!”