NGONGUT 18:10 - PIPÏLIA

¹⁰ Ghyongo pöytoghichoni ato low, ompöwölo wöghöy lö nyorwech ana nyarïl pö kanasyantanoni akïlö, “Heywey! Nyarïl nyo tya nya wey ompö kanasyantanï wow pö Papilon! Ompöwölo ketunyi lawel nyarïltangu ompö kirwoko Tororöt!”

NGONGUT 18:10 ပူးပေါင်းရင်းမြစ်များ

ISAYA 21:9

Achï ketï yeteyi! Pkono chane angoletin cho peghotegho odeny odeny. Atolapay kïlö ripintonay, “Kakirultö Papilon! Kakïdïngodïng lömïs körkeyïntineko tororötinechi cho kösoghöy.”

ISAYA 47:9

Wölo ighisyot tïkuchoni kwodeny lawel ompö nyi. Kïrkegh kepöghisyeghenyi ponintön nyo wow lö ne, Kïmegheninyi santengu nko moneku.

YEREMIA 30:7

Purörö! Wechï asis nyoni nyo gha! Möminye anka nyo kimustoy nyoni. Asis pö sönönöt ompö pipö Yakopo wölo kïrkegh nye so, kïsöru nyinte kïchïwït asisoni.”

ESEKEL 32:9

“Osusan mïkulis pö pich cho chang otini kewonyenyi ompö kwenu punton nko koros cho melö kinkïtönyi.

YOEL 1:15

Kikïlekïtit asispa ECHOTYON ato ipu Kimuktoghin kinyarat, Heywey, ghöyitu asisoni kïtya!

AMOS 5:16

Kïlenyona lentöy ECHOTYON, Tororöt Kimuktoghin nyo le Echotyon, anyona rira mi kokwo nko ortïn ompö kanastinekwa löwïr kimwochini pich cho le ngorï kïriryö akemwochï cho chïreröch.

KIYITUT 16:34

Kïryagh pipö Israel löwïr cho kimi atoni otini kilïm riratengwa akïlö, “Keryagha atömelumech ngwïnya tïkwïl!”

NGONGUT 11:8

Ghömu nyu atoni mïntïruch ortïna kanasyantanoni wow, wölo kikïwudochï Echotyontengwa kimurtöwon. Kïkuro kaynata kanasyantanoni Sodoma, anta Misri ompö körkeyïn.

NGONGUT 14:8

Kirïp malaykayanteto odeny nyay pö tagh akimi kïlentöy, “Kikïrul! Kikïrul Papilon nyay Wow! Nyinte nyini kigh pipö punton löwïr kïgha kumichi, kumïn cho ngwonöch cho pö cheporesnanenyi!”

NGONGUT 16:19

Kïkarera kanasyantanay wow kïnyïl sömök akunyorisyö kanastina koros lapay. Melö kiwutyeghö Tororöt metö kanasyantanoni wow pö Papilon sitenyi. Kigh Tororöt Papilon kïgh kikompo dipay* nyo pö nörekyenyi nyo wow.

NGONGUT 17:12

“Kuyechay le taman kesïwenyi, kï pöytoghï taman cho tomöcha kutor kïpayta, wölo kitöni chane owesyö nyo pöytoy nko tyonyoni ompö sa akonga.

NGONGUT 18:18

akïlokyï otini kisïwa kanasyantanoni kïnöghöy akïlö, “Akï kanasyan ne nyo kikongityot nko kanasyantanï wow pö Papilon nya?”

NGONGUT 18:19

Kïlösyï mötöwekwa terït akïlokyö akuteghyö kïlentöy, “Heywey! Nyarïl nyo tya nya wey ompö kanasyantanï wow! Kanasyan nyete nyo kinyorchï mökosyengwa pich cho pochï melin ompö mökosyenyi! Anyï ye lawel kapegha tïku lö weng!”

NGONGUT 18:21

Atolapay kïcheng malaykayan nyo awes kogh nyo wow akïwirchï nanam, akïlö, “Nka nyete wölo kirultoy kanasyantanï wow pö Papilon, amelö tökesïwïyi nyinte ngat.

NGONGUT 18:8

Kïlenyona chumchini nyinte nyarïl asis akonga, sömewut nko sönönöt nko kikar, kïpelöy nyinte ompö ma kuwonyö, ompöwölo awes Tororöt nyo rwokyini nyinte.”