NGONGUT 18:1 - PIPÏLIA

¹ Kïkany asïwan korkonay kitöpo tyonyay pïrir, asïwan malaykayante anka kirökuno yïm. Kitïng owesyö nyo wow, akulïwchï ororyenyi ngwïny kïmïkul.

NGONGUT 18:1 ပူးပေါင်းရင်းမြစ်များ

ESEKEL 43:2

asïwan ororyo Tororöt pö Israel kungwïno kongasis, kilata kutinyi kighumöto puseryon, akulïwchï ngwïny ompö löpoyïn pö ororyenyi.

LUKA 17:24

Ompöwölo kïle wölo wöchtoy kiryol kuwongwongö ompö yïm, kïlïku nyoni Wero Chi ompö asistanyi.

2 TESALONIKE 2:8

Atolapay kengongwï Mwokïyontononi, wölo ato itï Echotyon Yeso kïtïgho nyinte kimungöteto kutinyi akunyar ompö kwörkwöryeto rumunötenyi.

NGONGUT 10:1

Atolapay asïwan malaykayante anka nyo awes nyo kirökuno yïm. Kikilokyï polta nyinte akemirö kïtompïl mötïnyi. Kikarkegh tokochunyi nko asis, akilata kelyechi pchörino ma.

NGONGUT 17:1

Atolapay kungwïn akong ompö malaykenichay le mut nko odeny kitïng pakulin mut nko odeny akïlenchanïn, “Nyonö atoporun wölo kinyöriltoy kong cheporesyantanay wow, nyoni kï kanasyantanay wow kikïtek wölo lekïto lalwatïn cho chang.

NGONGUT 17:7

Kïtepanïn malaykayantanay lö, “Ompö ne tetöngönyenyi? Omwowunyi kïgh nyo wïnyate ompö kokononi nko tyonyoni tïng mötöw mut nko odeny nko kuy taman kösönöy nyinte.

NGONGUT 21:23

Kimönyorchininye kanasyantanoni löpoyïntanyi asis anta arawa ompöwölo lïwchini nyinte ororyo Tororöt akï tayenyi kï Wawa Kech.