NGONGUT 17:14 - PIPÏLIA

¹⁴ Poryegho pöytoghichay nko tyonyay Wawa Kech, wölo rïntoy Wawa Kech nko kïlankachi cho kikur akughönote, ompöwölo Echotyonto echot nyinte, akï pöytoghinto pöytoghï.”

NGONGUT 17:14 ပူးပေါင်းရင်းမြစ်များ

TUMWÖY 110:5

Mi Echotyon ewungu nyo pö tagh, ngïröy nyinte pöytoghï ompö asisto nörekyenyi.

YEREMIA 1:15

ompöwölo okurunan pipö punton nko pöytoghikwa löwïr cho mi onkunoni kïpka. Pkonöy pöytoghikwa kïtïpiyot ngöcherwekwa cho pö paytagh ompö tawu kukoti kanasyanta Yerusalem akuwit nïyetko kanasyantanoni nko cho pö kanastin löwïr ompö koro Yuda.

YEREMIA 1:19

Poryegheninyi chane, wölo mörïntoninyinye ompöwölo omitan nko nyi tosörunyi.” Mwoghöy ECHOTYON.

YEREMIA 50:44

“Arosa! Alatan ngötïny nyo kölïtunö wuw pö Yordan akuchumchï lö tursïs kechir cho oketïyi. Otulan lenyoni pipö Papilon kïpegha korengwa atolapay akïlan pöytoghin nyo kachaman ante ECHOTYON kïpayta korononi. Ompöwölo ngo nyo olentöy okongityo kegh nko ani? Anta ngo nyo lentöy omukanïn? Pöytoghin ne nyo ghyongo tawunyan akïtagh ngalechan?

DANIEL 2:44

Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

DANIEL 2:47

Kïlenchï pöytoghintö Daniel, “Tororötïngu kï Tororöt pö tororötin akï Echotyonto pöytoghï akï ngonginto wïngut nyoman, ompöwölo kemukanyi ntengongwï wïngutyonï.”

DANIEL 7:21

“Otini kitorosan, kïporyeghö kuyöghonay pipö Tororöt akïrïnta.

SAKARIA 2:8

Kiyoktanïn ECHOTYON Kimuktoghin ompö ororyenyi owö omwochï koros cho kirang pikachi kipa pïnotön lö, “Kor anka tïkwïl nyo swongöy piköchan kïlenye ato körïtanïn kong nyini tuw.

MATAYO 22:14

Kuwany Yeso nyu kïmwa lö, “Chang cho kïkukuröy, wölo ngörï cho kïkïlöy.”

MATAYO 25:40

Yokyini nyu pöytoghintonay chane lö, ‘Omwowokwa nyoman lö kïgh anka tïkwïl nyo kyoghchikwa akonga ompö werköcha chï mïnkech, kï kyaghwanïkwa!’

MATAYO 28:18

Kïrich Yeso chane akïlenchï, “Kakekonanïn paytagh kïmïkul ompö yïm nko ngwïny.

YOANA 15:16

Kimakïlanïkwanye, kyakïlakwa acherokwa ape atayina akwa cho chang, akwa cho pö kokay. Atökïkonokwa nyu Paponyan kïgh anka tïkwïl nyo osomekwa nyinte ompö kaynenyan.

RUMI 1:6

Ochikwa tïkwïl löwïr cho kikurok Tororöt alïkuna pipö Yeso Kristo.

RUMI 8:30

Kïlenyona nyu, pïchoni kikïl nyinte kïngeta otini le könyisyok, cho kikïkur, akï pïchoni kikïkur cho kiyityï nyinte man, akï choni kiyityï man cho kitö kïgham ororyenyi.

RUMI 8:37

Wölo kïrïntonecha tïkuchoni löwïr, ompö kingörokut nyo ngwïno nyinte nyoni kichamecha.

1 KORINTO 15:24

Ato wanta kegh, kwitï nyu söröm ato töni Kristo Tororöt Paponyi Pöyunöte, otini kewany Kristo kunategha paytagh anka tïkwïl nko wowïn nko owesyö.

KINONO KIRURUT 10:17

Ompöwölo ECHOTYON Tororötïnkwa, kï Tororöt pö tororötin akï Echotyonto echot. Tororöt nyinte nyo awes nyo kiwöghöy akekonyïtöy nyo melö chomöy pich walaka kïtïl walaka anta cham asoya.

1 TIMOTEO 6:15

Akï Tororöt kisoyönin nyo le pöytoghin nyo mömi anka, pöytoghinto pöytoghï akï Echotyonto echot, nyo poru Kristo otini ketïta osiswechoni.

2 TIMOTEO 2:4

Möminye ataye askaryon nyo otini tökïmi woyöt nyo, wechini kïsïngo pöghisyewut walaka möpönye askarnön, ompöwölo machatenyi nyo wow kï kwigh cho ngörökyini echotyontenyi.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

NGONGUT 1:5

nko cho pkono Yeso Kristo, söwin nyo ghanate nyo pö tagh kututunö ngwen akï nyinte nyo pöytoy pöytoghi ngwïny kïmïkul. Chömecha nyinte akutyakecha ompö meghenyi kengetunenö rötut pö ngokicho

NGONGUT 11:7

Wölo otini kamta chane lökoyekwa kumuchö, kïporyö chane tyonyay ngwïno ngwen, akïrïnta akïpar chane.

NGONGUT 16:14

Mïkulis pö oy chane cho ighöy töngönchin. Petöy mïkulischoni kïsömök wölo mi pöytoghi ngwïny kïmïkul atökutuyö chane löwïr ompö poryot ompö Asis nyo wow nyo pö Kimuktoghin Tororöt.

NGONGUT 2:10

Meway kïgh nyonikïny nyo mach kwipunyi nyarïl. Rosa! Työmokwa Onyötö akïtorchokwa chela, akechopokwa kong osis taman. Alïkwï cho ghönote ompö ani, kïrkegh meghe, ato konok tenta söpon.

NGONGUT 2:13

“ ‘Onkïtön wölo imöngenyi, wölo mi ngacharu Onyöt nyo pö paytagh. Irïpenyi ngalechan nyoman amelö kipïstenyi kighanatengu ompö ani, ompö osiswechanye kipar kipöroy pich Antipa söwintenyan nyo ghanate, kikïpara nyinte kwenunkwa wölini möngöy Onyötö.

NGONGUT 3:21

Otöninan chi cho rïntoy kimukat kïtöpö nko ani ngacharenyan nyo pö paytagh, le wölo karïntan, atöpan nko paponyan ngacharunyi nyo pö paytagh.