NGONGUT 16:5 - PIPÏLIA

⁵ Alïman malaykayan nyo kighyongchini ngala pögh kïlenchini Tororöt, “Pö man kirwokutköku, nyi Nyo Tïlil nyo imi akimitenyi. Ompöwölo kerwokönyi ompö man.

NGONGUT 16:5 ပူးပေါင်းရင်းမြစ်များ

TOWUNÖT 18:25

Megh kïgh nyo lata nyoni! Mepar pich cho karamach nko cho ghach. Kikongityot chi nyo karam nko mwokïyon! Ewo, megh lenyoni! Meghönye so man kirwokinto ngwïny kïmïkul?”

TUMWÖY 129:4

Pö man ECHOTYON nyo ketyakanïn pörköyi mwokïyis.”

TUMWÖY 145:17

Pö man ECHOTYON ompö ortïnechi, akï talase ompö ighisyewutkachi.

LOK 1:18

“Wölo pö man ECHOTYON, ompöwölo kyapenyan ngalechi. Wölo aterane akwa löwïr cho omi woptin löwïr, arose ngwonïn nyï omitan. Kikïrang monechan, tipi nko werkö, kapa le pïnot koros cho lowöch.

DANIEL 9:14

Kïlenyona, ighanyi kegh tekonecha sitöt, aikonechanyi lenyoni ompöwölo, ighenyi man kïtenö osis wölo melö kikïteruchanyi.

YOANA 17:25

Paponyu nyo chï tenate! Menkïtinyinye ngwïnya, wölo onkïtinyi akunkïtinyi pïchï, lö nyi nyo kiyokwanïn.

RUMI 2:5

Akwompöwölo kelïkunyi tighin, nyo mölïmönye ngal, imitenyi itösini kegh kïngwanit tya sitöt nyo koninyi Tororöt ompö asis nyo poru nyinte nörekyenyi ompö ngokï akurwokï pich ompö man.

RUMI 3:5

Wölo ekemwoghecha ne nyu ato poru ghöyityö nyo kighecha lö ighöy Tororöt man? Muko kemwaghacha lö kalel Tororöt otini kömungecha? (Olentan mwoghöy pich ataye lenyoni.)

NGONGUT 1:4

Ani Yoana nyo kokirchï palalyantanï kanisen mut nko odeny cho mi koro Esya. Nya kïtöpö pöropchö nko akwa nko kalya nyo ngwïno Tororöt nyo mi akï nyo kimi akï nyo tökungwïnöy nko cho pkono wölo mi mïkulis cho le mut nko odeny cho mi tawu ngacharunyi pö paytagh,

NGONGUT 1:8

Mwoghöy Echotyon Tororöt Kimuktoghin, nyo mi akï nyo kimi akï nyo tökungwïnöy lö, “Ochan nyo pö tagh nko nyo pö löt.”

NGONGUT 11:17

akïmwa lö, Kiyokucha nyi sörö, “We Tororöt Kimuktoghin, nyo imitö ye akimitö könyisyok! Ompöwölo kepöghisyeghenyi owesyengu nyo wow aitor ipayta!

NGONGUT 16:4

Atolapay kïmïlchï malaykayanteto sömök tïkwïn cho kimi pakulinyi paraku lalwatïn nko kori pöghon, kïwöghökisyö kïlïkwï kisön.

NGONGUT 16:7

Atolapay alïman kut nyo kingölonuno ato kïpelo amöros kïlentöy, “Owöy, Echotyon Tororöt Kimuktoghin! Kinyorï pich nyörilwokchete ompö kirwokengu nyo pö man!”

NGONGUT 19:2

Ompöwölo pö man akutenate kirwokutkachi! Kakurwokyï nyinte cheporesnay wow kiwura ngwïny cheporesnanenyi. Kechop kong Tororöt ompöwölo kipar nyinte mötworichi.”

NGONGUT 4:8

Kitïng anka tïkwïl ompö tyonchoni sötote le angwan köpepoy mut nko akonga, akighömï konyïn chane le chankonyïn chane kitumöy chane kïpuryö kimïny pöghet nko nangat kïlentöy. “Tïlil, tïlil, tïlil Echotyon Tororöt nyo le Kimuktoghin, nyo kimi akïtökïmi akï nyo tökungwïnöy.”

NGONGUT 6:10

Kuteghyö chane ompö kut nyo wow lö, “Echotyon Kimuktoghin nyo tïlil nyo pö man! Itöponenyi nko oyï irwokyinyi pipö ngwïny chï kaparecha?”