NGONGUT 15:5 - PIPÏLIA

⁵ Otini kimuchö, asïwan lö kiyata Kö pö Tororöt nyo mi yïm akimi ema kiporunöto Tororöt orinyi.

NGONGUT 15:5 ပူးပေါင်းရင်းမြစ်များ

WUWÖT 25:21

Itö köröwonte Santukï parak, atolapay itö kirurut cho okoninyi Santukï ori.

WUWÖT 38:21

Chï kï karïn cho pö Ema nyo mi ECHOTYON wölo kikïrorchini kirurut taman. Kimwa Musa kekir, kukir pipö Lawi cho kintöghoghchini Itamar wero Aron nyo kile tïsin.

KIYITUT 1:50

Wölo tönö Lawi kïrip Ema Santuku Muma* nko karichi löwïr, akïsïtöy Santuku muma nko tïkuchi löwïr, aikany kïmang chane kuwit Ema.

KIYITUT 1:53

Wölo möngöy pipö Lawi kuwit Ema Santuku Muma atökïrïp tömötöp ntökïrik chi akwigh nyölotyenyan kïpar pipö Israel.”

MATAYO 27:51

Kïkarera ananka nyo kiporöy Kö pö Tororöt kïlïkwï odeny, kïngeta parak ntökwit ngwïny. Kurïngring korö akïkörerisyö ghatoy.

EPRANIA 8:5

Lata ighisyononi pö tïsï körkeyïn akïlata rurwö nyo pö tïpö yïm. Karkegh nko wölo kilata Musa ato kimököy kïteköy ema, kïlenchï Tororöt, “Irosïta lasiny aigh kïgh anka tïkwïl kïrïp kegh nko körkeyïnay kisöchinyi kutïng parak.”

NGONGUT 11:19

Atolapay keyat Kö pö Tororöt* nyo mi yïm, kesöchï Santuku Muma* ori. Atoni nyu kuryal lö chwatchwat akïtïl akurïngring ngwïnya akïropan nyoman kïchïnu takarïs.

NGONGUT 13:6

Ompö atoni nyu kutor kumwa Tororöt nko kaynenyi nko wölini möngöy nyinte nko chane löwïr cho möngöy yïm.