NGONGUT 14:5 - PIPÏLIA

⁵ Kimörumunönye putintön kutïwekwa akimötïngetöcha chane lelut nyonikïny.

NGONGUT 14:5 ပူးပေါင်းရင်းမြစ်များ

TUMWÖY 32:2

Soyönote chi nyo melö tökuyitini ECHOTYON lelut, chi nyo melö tökïtïng lïsat ompö ngalyapunyi.

TUMWÖY 34:13

Nya kïrip chichoni ngalyapunyi mamwa ghöyityö akïkïrö kutinyi putintön.

TUMWÖY 55:11

Möngöy kinyarata ori, möngetonye pïrötö nko lïsat ortïnechi.

NGÖTÏNYÖ 8:8

Pö man ngalechan löwïr cho omwoghan, möminye ngölyon nyo masteghate anta nyo mörkel.

TUM PÖ TUMWÖY 4:7

Ichinyi pïchigh nyoman, chamanenyu, amelö mi lelutyö nyo itïngetenyi.

ISAYA 53:9

Kikitö pïrïm nko mwokïyis, kikitïp nyinte nko pich cho le monkor, Kïrkegh melö kimi kïgh nyo gha nyo kigha anta ngölyonto putintön nyo kimwa.

DANIEL 6:4

Wölo kïyar pïchay or nyo gheghchinegho Daniel ompö ngala paytagh wölo melö kimï kïnyorï lelut nyo kinam Daniel, ompöwölo kighanate akimöminye lelutyö nyo kikïnyorchï nyinte.

OSEA 10:2

Kinyïghï mïkuliskökwa putintön Nyo mïchini kuchen kegh ngongöy nyu Tororöt wölay kïpelö amörostin akuwur pchörinekwa.

SEPANIA 3:13

Melö nyu tökwighöy cho ghach pipö Israel cho kingötï, pïstoy putintön nko lïs. Pöghisïyi chane nyo karam, karkegh nko kechir cho oketïyi akïrusot wölo tïghume, akï puryö kïgh nyo muköy kwotyeghö chane.”

MALAKI 2:6

Kinet chane ngala man, amörumunönye putintön kutïwekwa. Kitïpï chane nko ani nyo karam akïmöngisyö kwighöy man. Melö pat kigh man kïpoto, wölo kimï kurur pich cho chang kïpïstö ara ngokï.

MATAYO 12:34

Akwa moroyutchï, omukekwa lö ne ongölone ngal cho karamach achikwa ghach? Ompöwölo ngölonöy kuti chi tïkwïn cho nyïghïtate mïkulöwunyi.

LUKA 23:4

Kïlenchï Pilato tïsichay echön nko tuyonay, “Monyorwanye lelut nyo ighat chichï.”

YOANA 1:47

Otini kisïwa Yeso Natanael kungwïnchini nyinte, kïlö ompö, “Rose köny! Anyï chi pö Israel nyo pö man nyo möminye lïsata orinyi!”

EPESO 5:27

atökumïtyï kegh kanisa nyo tïng töroryö nyo mötïngnye kemeryan anta nyömpïghöt.

KOLOSAY 1:22

Wölo keghakwa Tororöt kongotichi otï le ye ompö megheto Werïnyi, atökumï kwighakwa alïkuna pich cho tïlilöch, cho puryö lelut anta kigheghchin anka tïkwïl ompö tawunyi.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.

1 PETRO 1:19

wölo ompö kisön pö Kristo cho pö olyot nyo wow. Ki karkegh nyinte nko wawa kech nyo lïpop akutenate.

1 PETRO 2:22

Kimeghnye nyinte ngokï nyonikïny, akimengwïna kutinyi putintön.

1 PETRO 3:10

Kïle wölo mwoytoy Kikirut lö, “Anka tïkwïl nyo mököy kïngörökyini söpon akïpïrchï kïsïwa osiswo köromnyö, kïmïchini kïkïr ngalyapunyi mangalan cho ghach akïpïstö kïngalan putintön.

YUDA 1:24

Nya kïsïch Tororöt ororyö, nyinte nyo muköy kïripokwa tömopïtyö, akumïtakwa ape tawuto ororyenyi ompö ngörekyö kïpuryö lelut, nyinte nyo le Tororöt onkït akï Ghetintenyo ompö Yeso Kristo Echotyontenyo. Nyenyi wowïn nko owesyö nko paytagh kïngeta könyisyok nko ye nko kokay! Amen.