NGONGUT 14:10 - PIPÏLIA

¹⁰ kïgheghöy chichoni dipaypa* nörekyo Tororöt, cho matasa chi pögh ekeyin kikompeto nörekyenyi! Kinyörilo chichoni ma, mapa koghïn cho nöghsot ompö tawu malayken cho tïlilöch nko Wawa Kech.

NGONGUT 14:10 ပူးပေါင်းရင်းမြစ်များ

TOWUNÖT 19:24

Kutor ECHOTYON kïropönchï ngeset kanastina Sodoma nko Komora.

AYUPU 18:15

Wuchini chitö anka konyi nyo le kïratyan kïsotsoto möngenyi koghïn cho nöghsot.

AYUPU 21:20

Ne makïkany kutupï kong nyarïl ne makïkany kïchamcham nörekyo Kimuktoghin.

TUMWÖY 11:6

Ropönchini nyinte mwokïyis ngeset nko kiryal atökïlïkwï yomo maral kaplawachtangwa.

TUMWÖY 37:34

Könö ECHOTYON airip kirurutkachi atökïkonyïtïn nyinte akïkonïn kor, atesïwena lö kitulöy mwokïyis.

TUMWÖY 52:6

Otyot pipö man otini kasïwa tïkuchoni, atolapay kïroröchï lö,

TUMWÖY 60:3

Ketönönyi piköku kuwongunö sompïris, kakïkwongkwongisyecha le ptamasis.

TUMWÖY 73:10

Kwigh ompö chini le pipö Tororöt kïwöghökisyö kutang wölo mi chane akughan ngölyon anka tïkwïl nyo mwoghöy.

TUMWÖY 75:8

Mito ewuno ECHOTYON kölöwö nyo kinyïghï dipay* cho kutu. Yintoy atökïgha mwokïyis. Gheghöy chane ntökuchim löwïr.

TUMWÖY 91:8

Isïwïyenyi wölo kichoptoy kong mwokïyis.

ISAYA 29:9

Aleta tagh alïkuna sölwöy! Aleta tagh oköryenö! Otömesyenö akï puryö kumïn cho kaghegh! Okwongkwongisyenö kïrkegh machamcham cho le tïkwïte!

ISAYA 30:33

Kikigh könyisyok wölo kinagha ma nyo wow nyo kïpelo pöytoghinto Asirya. Kiröytö to akïtapes, akenyïghit kwen kutïkumö. Kutini ECHOTYON kimïny nyo ngwïnöy le puseryonto ma nyo pelöy atoni.

ISAYA 34:9

Wöghökisyot lalwatïna Edom kïlïku manka, akïwaghaka nyïngwïtyante kïlïkwï koghïn cho nöghsot. Akïwöghöko kore kïmïkul kïlïku manka nyo nöghöy.

ISAYA 51:17

Chïkana, we Yerusalem! Kutkutö kegh, ainget! Kegheghanyi kölöwo ECHOTYON nyo pö kiwongunöt nyo kikoninyi ghegha ompö nörekyenyi. Kewisanyi aikwangkwanga le ptamasyan.

YEREMIA 25:27

Atolapay kïlenchanïn ECHOTYON, “Lenchinö pïchoni kamwaghan ante ECHOTYON Kimuktoghin, Tororöt pö Israel lö, ‘Aghegha dipay choni, atömesyö, anguntoy, apïtyö nyo momuke ongetyenö, ompöwölo opkokwa poryot.’

YEREMIA 49:12

Lentöy ECHOTYON, “Ato kinyorï sitöt pich cho kimelö kimïchini kemuny, ilenchinenyi kegh ichïwïtöy lö ne? Mechïwïtenyinye kokay! Inyorunenyi sitengu nyo mötïny.

YEREMIA 51:57

Oghan kïtömesyö yetïntinekwa cho pö lïk nko piko lïk tömesyot tïkwïl pikökwa cho ngöghomöch nko kintöghoghï löwïr. Nyoru rïwön nyo mökïngetyonye kokay. Kamwaghan ante nyo ochï Pöytoghin, ECHOTYON Kimuktoghin kaynenyan.

LOK 4:21

Akwa pipö Edom nko cho pö Us cho owökecha! Ne mongörekyö, aturonchö nya? Wölo tomönye kite itwokwa tïkwïl nörekyo ECHOTYON nyo metukokwanye! Otömesyokwa, achïr sïro apa kïchïrutöch ompö arasï!

ESEKEL 20:48

Nkïtu pich löwïr lö ani ECHOTYON nyo kanagh mat amöminye chi nyo muköy kumisöy.”

ESEKEL 38:22

Omungenan nyinte nko pipö lïkenyi nko koros cho ngöroköy nyinte amal nko mïltaghpa kisön. Oropönchinan takarïs nko ngeset nko ma.

APAKUK 2:16

Inyorunenyi arasï nyinö kötenyorunenyi konyït. Ghegha nyu nyinte atekwangkwangena le ptamasyan! Onkowunyi ECHOTYON kölöwononi nömo nyinte ewunyi nyo pö tagh atökerat ororyengu.

MATAYO 20:22

Kuyokyï Yeso lö, “Monkïtökwanye kïgh nyo osomöy! Omukekwa so ogheghone kikompa nyo karich agheghtan?” Kuyokyï lö, “Kimuchecha.”

MATAYO 25:41

“Atolapay kïlenchï pïchinö mi ewu löt, ‘Apeghena wölo omitan cho kikechïpok, ape olïte mapa kokay nyo kikengotyï Onyöt nko malaykenichi!

MATAYO 26:39

Kunayta yona kite, kupït akïsagh lö, “Ato muko, Paponyu, ichengenanïn kikomponï pö nyarïl kïlowit ompö ani! Wölo melö ompö machatenyan, wölo machatengu.”

MARKO 8:38

Chi anka tïkwïl nyo lolïyonöy ompö ani nko ngalechan ompö tawu pïchï pö osiswechï le kalomok akïmwokïyis, kïlolïyonchini tïkwïl Wero Chi chane ato ngwïn nko ororyeto Kwanta kïmi nko malaykeni Tororöt cho tïlilöch.”

MARKO 9:44

Wölo mewonyocha nkutyechi amemisonye mat.

IGHISYEWUT 10:22

Kuyokyï chane lö, “Köyonwecha Kornelio nyay wowö askarin akï chi nyo karam nyo soghöy Tororöt akworor nyinte ompö koro Yaudi löwïr. Keporchï nyinte malaykayanta Echotyon nyo tïlil kïyonï pich kïpka kïkurinyi atewïyö katanyi tökïlïmeninyi lökoy.”

KINONO KIRURUT 29:23

Lïku parenikwa ghatoy cho nöghyot le ngeset cho kilum paryan. Puryö kïgh nyo kïkötkötyini akïghya, melö pito ompö cho le ratok. Lïku korenkwa le kanastina Sodoma nko Komora nko Adma nko Sepoim, cho kinyar ECHOTYON kuwonyö ompö nörekyenyi nyo wow tya.

2 TESALONIKE 1:7

akïkonokwa kimungöt nko acha tïkwïl cho kichopech kong ato kïngongunö yïm Echotyon Yeso nko malaykenichi cho owesöch nko lyöpoto ma,

YUDA 1:7

Anan ya kanastina Sodoma nko Komora nko kanastin cho kilekïtinö, cho kipechï pikökwa kwigh tïkwïn cho lata choni kigh malayken, akïpechï kwigh cheporesnan nko takalnan. Kikirwokyï chane kïnyorï nyarïlpa ma nyo pö kokay, tökïlïkwï nyoni kinetut nyo pö pich lapay.

NGONGUT 15:7

Atolapay kutö akong ompö tyonchay le angwan sötote malaykenichoni le mut nko odeny pakulino koltin mut nko odeny cho kinyïghï nörekyo Tororöt nyoni söpöy kokay nko kokay.

NGONGUT 16:19

Kïkarera kanasyantanay wow kïnyïl sömök akunyorisyö kanastina koros lapay. Melö kiwutyeghö Tororöt metö kanasyantanoni wow pö Papilon sitenyi. Kigh Tororöt Papilon kïgh kikompo dipay* nyo pö nörekyenyi nyo wow.

NGONGUT 18:3

Ompöwölo kikigh pipö punton löwïr kitömesyeghö kumi pïrchin pö cheporesnanenyi. Akikwigh pöytoghi ngwïny cheporesnan nko nyinte, kïmökosöchitunö mïnchïrïs pö ngwïny pïrchinoghtanyi nyo kingwïna mïrö.”

NGONGUT 18:6

Oghchinö Papilon le wölo kighchï pikö walaka, mïchini ompö oghokyinö nyinte cho ghach tya kïnyïl odeny chinö kighchï pikö walaka. Ayina kölöwenyi kumïn cho ngwonöch kïnyïl odeny chinö kiryökï pikö walaka.

NGONGUT 19:15

Kichumuna kutinyi chok nyo ngatip nyo kipöghisyeghö kirïnta pipö koros. Pöytoy nyinte chane ompö köromnyö akïpïröy pögho sapipun ompö wölo kïpïro dipay* cho pö nörekyo Tororöt Kimuktoghin.

NGONGUT 19:20

Wölo kenam tyonyay nko werkoyontonay pö putintön, nyay kighöy töngönchin ompö tawunyi. (Ki tïkuchoni pö töngönchin cho kilïsa nyinte pïchay kitïng macheyu tyonyoni nko walaka tïkwïl cho kisagh körkeyïnto tyonyoni.) Kikïnam lenyoni akewirchï kïtökïsöpsot kwodeny nanampa ma nyo ngwan lakat nyo nöghöy nko koghïn cho nöghsot.

NGONGUT 20:10

Atolapay kewirchï Onyöt nyo kilïs pich nanampa ma nyo ngwan lakat, mapa koghïn cho nöghsot. Kikïwirchï wöloni tïkwïl tyonyay nko werkoyontonay pö putintön. Nyörïlyegho chane wöloni pöghet nko nangat, kokay nko kokay.

NGONGUT 20:14

Kewirchï meghat nko ngwen nanamoni pö ma akï nanamoni pö ma kï meghat nyo pö odeny.

NGONGUT 21:8

Wölo cho nyökoröch nko cho melö tökughönöy Kristo* nko cho kisïmnyontön ngokï nko cho le pörï nko cho le cheporestin nko cho le ponï nko cho soghöy körkeyïntin nko putï löwïr. Wölo kimïchï kïpa pich cho lata choni kï nanam nyo nögho ma nko koghïn cho nöghsot akï nyoni kï meghat nyo pö odeny.”