NGONGUT 13:18 - PIPÏLIA

¹⁸ Mïchini nyu ompö atoni kïpöghisyeghö chi ngöghomnyö! Anka tïkwïl nyo ngöghom kumuköy kunkïtu nampa nyo pö tyonyoni, ompöwölo poru lö kaynata chi nyoni. Nampanoni kï 666.

NGONGUT 13:18 ပူးပေါင်းရင်းမြစ်များ

TUMWÖY 107:43

Teröy pich cho ngöghomöch ngalechï akunanata chane chomnyo ECHOTYON nyo möwöghökonye. Tum pö Daudi.

DANIEL 12:10

Chang pich cho tïlilöy kegh akwigh kegh kïkaramachitu, wölo ighöy mwokïyis ngokikwa, amöminye ompö akong nyo chïrer, wölo tïng pköchin pich cho ngöghomöch.

OSEA 14:9

Ato mi chi nyo ngöghom, ikany kipköchin ngalechï. Ato mi chi chïrer inkïtï ngalechï. Kï man ortïna ECHOTYON löwïr akirïpöy pipö man, wölo pïtyegho chemwokïyis ortïna ECHOTYON.

MARKO 13:14

“Ato asïwekwa kïgh nyo gha nyo kipolpolöy ketö wölo melö keroko kïmi, nya kïpköchï chi nyo somönöy ngalechï, akany kïryagh pich cho mi Yudea kïpus kutïngkot.

RUMI 3:5

Wölo ekemwoghecha ne nyu ato poru ghöyityö nyo kighecha lö ighöy Tororöt man? Muko kemwaghacha lö kalel Tororöt otini kömungecha? (Olentan mwoghöy pich ataye lenyoni.)

KINONO KIRURUT 3:11

(Ki pöytoghin Ok nyo pö Pasyan onkït nyo kingötunö pipö Repaim. Kagh tökïmi ye santukunoni Rapa, koro pipö Amon. Kingata koghïntanyi miten angwan, kïngata töpesïntanyi miten odeny.)

NGONGUT 1:3

Soyönote chi nyo somönöy kitapunï akusoyönote pich cho lïmöy ngalechï pö werkoynön akïrïpöy lenyini kikikirchï orinyi, ompöwölo kikïlekïtit ato ighisyot ngalechï.

NGONGUT 15:2

Atolapay asïwan kïgh nyo lata nanampa kiyo nyo kikikulkulyö nko ma. Asïwan tïkwïl pïchanya kirïnta tyonyanye nko körkeyïntanyi akï nyo kikïmwowunö kaynenyi ompö nampa. Kighyongo pïchoni nanampa kiyo akinömöy pïkantis cho kitö Tororöt.

NGONGUT 17:9

“Möchöy ye nyu ngölyontonï chi nyo ngöghom akïtïng pköchin. Mötöwechoni le mut nko odeny, kï kutïngkot mut nko odeny cho töpo korkononi. Mötöwechoni tïkwïl kï pöytoghï mut nko odeny.

NGONGUT 21:17

Kupim tïkwïl malaykayantanay lö kiwö parak kïtya nayatu, kïnyorï lö ki miten 60, kïrïp kegh nko wölo pimtoy pich.