NGONGUT 13:11 - PIPÏLIA

¹¹ Atolapay asïwan tyontö anka nyo kimi kïpusuno ngwïny. Kitïng kuy odeny cho kilata kuyo wawa makal akïngölonöy le ntara.

NGONGUT 13:11 ပူးပေါင်းရင်းမြစ်များ

DANIEL 7:8

Otini kitomitan orosöy kuyechay, kuchumï kuyöghö anka nyo mïnïng ompö kwenu chay akïkalangta kuy sömök chay kömi tagh. Kimi kuyöghonay konyïn cho lata konyi chi nko kut nyo kingölonöy ngala menotön.

DANIEL 8:3

Asïwan makal ompö sörömu lalwanay nyo tïng kuy odeny cho koghöch. Kikogh anka kïtïl anka. Kikogh nyo kipitï lötï ompö nyinö anka.

MATAYO 7:15

“Orip kegh werkoy pö putintön cho lata kechir otini pkonchinokwa, wölo suyï ompö ori cho köromöch.

RUMI 16:18

ompöwölo möpöghisyechinicha pich cho lata choni Kristo Echotyontenyo wölo pöghisyechini mutïnekwa. Lïsöy chane pich cho tomöcha kïnagh ortïn cho ghach ompö kïnkïno ngalekwa cho onyïn.

2 TESALONIKE 2:4

Mölöy kïgh anka tïkwïl akïsyol kegh kïtïl kïgh nyo soghöy pich, anta nyo kïkïtïngchini kesoghöy. Lïtöy ompö Kö pö Tororöt* akïtöpö ori akwigh kegh lö ochï Tororöt.

NGONGUT 11:7

Wölo otini kamta chane lökoyekwa kumuchö, kïporyö chane tyonyay ngwïno ngwen, akïrïnta akïpar chane.

NGONGUT 12:17

Kïnörekyï nyu ntaranay kamanay nyoman, atolapay akïwö kïporyeghö piko orengwa cho kingötï. Pïchoni kï pich löwïr cho rïpöy Kirurut pö Tororöt akïsöwintönchini man nyo kingongchï Yeso chane.

NGONGUT 13:1

Atolapay asïwan tyony nyo kipusuna nanam nyo kitïng kuy taman nko mötöw mut nko odeny, akitïng kuyöghö anka tïkwïl tentenyi. Kikirchï kaynata kimwoghsyö mötöwechoni.

NGONGUT 13:17

Kimemukönye chi kwal kïgh anta alta kïpoto ato tïng nyinte macheyunoni, nyoni kï kaynata tyonyay pö tagh anta nampa nyo keröy otini mi kaynenyi.

NGONGUT 13:4

Kïsagh chane lapay ntaranay ompöwölo kitö owesyenyi tyonyoni. Kisagh pich tïkwïl tyonyoni kilenchini, “Ngo nyo awes le tyonyï nya? Akï ngo nyo muköy kïporyö tïkwïl?”

NGONGUT 16:13

Atolapay asïwan mïkulis sömök cho ghach cho kilata mnyakaway cho kipkono kuti ntaranay nko kutito tyonyoni nko kutito werkoyontononi pö putintön.

NGONGUT 17:6

Atolapay asïwan lö kitamasa kokononi kisön pö pipö Tororöt nko kisön pö pich cho kikïpar ompöwölo kimöpïstönye kïrïp Yeso. Otini kyasïwan kokononi, atanganyan nyoman.

NGONGUT 17:8

Ki söpote osiswe walaka tyonyoni kesïwenyi, wölo melö tökïsöpote ye. Karich ye kïngetunö nyinte ngwen atökenyar. Töngönyöy pich cho möngöy ngwïny cho tomöcha kekirchï kaynötutkökwa kitapu söpon kïngeta otini le towunöto ngwïny töngönyöy chane ato sïwa tyonyoni ki söpöy osiswe walaka akïma, akwanyï ye söpöy ngat!