NGONGUT 13:10 - PIPÏLIA

¹⁰ Chi nyo kakemutyï kenam akewuw, kenömöy akewuwöy lenyoni nyo mötïny. Akwanka tïkwïl nyo kakemutyï kepara chok, kepöro chok nyo mötïny. Kïlenyona, mïchini pipö Tororöt kïmïkukön ompö kighanat.

NGONGUT 13:10 ပူးပေါင်းရင်းမြစ်များ

ISAYA 14:2

Ngöroköy puntonï pipö Israel kïmïlisyö korengwa nyo kitö ECHOTYON. Pöghisyechini nyu puntonï Israel le sekeyikwa. Nömöy Israel pich cho kinam chane ato le tagh, akïpayta pich cho kichopöy kong chane atö kile tagh.

ISAYA 26:21

Ompöwölo ngwïno ECHOTYON möngenyi nyo mito yïm, atökunyaril kong pipö ngwïny ompö ngokikwa. Kiporu atoni irïmö nyo kikigha ngwïny ompö sison, amelö tökumuköy ngwïnya kïwïngöy pich cho kikïpörchï orinyi.

ISAYA 33:1

Heywey, ochech pich cho le mosï, akï puryö chi nyo kamas chane anta wïchtö! Wölo itïtoy söröm masatengwa nko wïchtoghtöngwa, chane kegh cho wonyegho masat nko wïchtogh.

YEREMIA 15:2

Akwato tepinyi lö kïpetecha onö, ilenchï kamwaghan ante ECHOTYON lö, ‘Chona kikemwa lö wongöy sömewö, kwomöy sömewö! Chona kikemwa lö wongöy ngot, kwomöy ngot! Chona kikemwa lö wongöy kömöy, kuwongöy kömöy! Chona kikemwa lö kïrongöy pïnotön, kerongöy kïpa pïnotön!’

YEREMIA 43:11

Ngwïnöy kïtïpöy koro Misri kuwonyo lömïs. Wongöy sömewö chona kikemwa lö wonyegho sömew, kerang le ratan chona kikemwa lö kïrongöy le ratan akepar chona kikemwa lö wonyegho ngot.

LOK 3:26

Kïlenyona karam tya ompö acha kekönö sörunötenyi ompö mïkukönöt

APAKUK 2:3

Ompöwölo tökïköngöy ngongutyononi osiswechi cho kikïtat. Wölo kelu asisoni lawel akungwïnöy kïyoni oporunyi kïlïku man. Kïkany ato lentöy chi keropï, wölo kanganyi itu nyo mötïny, meropunye.

MATAYO 26:52

Kïlenchï Yeso chichay, “Yokyinö chokengu mïlenyi, ompöwölo chi anka tïkwïl nyo pöghisyegho chok, ketïgho chok.

MATAYO 7:2

ompöwölo kïle wolini orwokyintokwa pikö walaka, kïlenyoni wölo kirwokyintonokwa akepöghisyegho kipimöwontonini opöghisyeghokwa ompö pikö walaka.

LUKA 21:19

Achïchïm nyu lasiny tonyorunö söpon.

KOLOSAY 1:11

Nya kuchïchimakwa Tororöt ompö owesyo ororyenyi kïmïkul atamuka omïkukönö, akamagh kïgh anka tïkwïl ompö ngörekyö.

EPRANIA 6:12

Malïkwï körsong, wölo okil kegh, arïp pich cho kighan akïmïkukön atomi söröm kïnyorï tïkwïn cho kiyomisyï Tororöt chane.

NGONGUT 1:9

Ochan werïnkwa Yoana nyo oghömöy nyarïlwok ompö mïkukönöt nko akwa, cho nyoru pich cho kikïghömö nko Yeso akïpöyit Pöyunötenyi ompö. Kikitönanïn Patmos kor nyo kikwen nanam, ompöwölo kyomtonan ngölyonto Tororöt asöwintönchini Yeso.

NGONGUT 11:18

Kinörekyö pipö punton kumes, Wölo kikwitïta asisto sïngiryengu, akwitïta asis nyo kirwokyini pich cho kimeghö. Kitïta tïkwïl ato iropchinenyi tïkwïn mötworiku ompö werkoy nko pich löwïr cho kikïlanyi nko lapay cho konyïtöy kaynengu, kö echön anta kö mïnkech. Ketïta ato kinyoröy pich cho nyoröy ngwïny!”

NGONGUT 14:12

Akwompö choni, mïchini kïmïkukön pipö Tororöt. Choni kï chane cho rïpöy Kirurut pö Tororöt amötomtomön kughönöy Yeso.

NGONGUT 16:6

Ompöwölo kiyita chane kisönko kïlanköku nko cho pö werkoy, nka nyoni ketönönyi chane kïgha kisön akömïchï lenyoni!”

NGONGUT 17:11

Kïkany tyonyay ki söpöy osiswe walaka wölo melö tökïsöpote ye, kï pöytoghinteto mut nko sömök aki akonga ompö pöytoghichoni pö tagh le mut nko odeny akïmi nyinte kïwetöy atökeyar.

NGONGUT 17:8

Ki söpote osiswe walaka tyonyoni kesïwenyi, wölo melö tökïsöpote ye. Karich ye kïngetunö nyinte ngwen atökenyar. Töngönyöy pich cho möngöy ngwïny cho tomöcha kekirchï kaynötutkökwa kitapu söpon kïngeta otini le towunöto ngwïny töngönyöy chane ato sïwa tyonyoni ki söpöy osiswe walaka akïma, akwanyï ye söpöy ngat!

NGONGUT 2:19

“ ‘Onkïtön ighisyewutköku nko chomnyengu nko kighanatengu nko pöghisyengu nko mïkukönötengu. Okïtön lö imitenyi inoghyot kitïl panto tagh.

NGONGUT 2:2

“ ‘Onkïtön otöptöngu, ankïtön wölo inoghyeghtonyi kïlïkwï nko wölo imïkuköntonyi. Onkïtön lö itöghenyi pich cho le mwokïyis, aityömenyi cho ighöy kegh lö kïchï kiyoktoghï akwachï menkacha, akinkïtunyi lö putï chane!

NGONGUT 3:10

Akwompöwölo keripönyi ngölyontenyan aimïkukön, oripinyi nyu tïkwïl ompö asispa työmut nyo ityini pipö ngwïny kïmïkul atöketyam chane löwïr.

NGONGUT 3:3

Nana nyu ngalechini kikinetinyi nko wölo kilïmtenyi, airïp aikötö ngokiku. Wölo ato mengetanyinye, ongwïnchininyi le chorin amenkïtunenyinye sayanini ongwïnan.