NGONGUT 12:4 - PIPÏLIA

⁴ Kuchutö töronkwenyi kareran akonga ompö sömök nyo pö kokel cho kimi yïm akutyorchï ngwïny. Kughyongö tawu kokononi kimököy kïlusïyi atökwam montö panini lawel kakïyi.

NGONGUT 12:4 ပူးပေါင်းရင်းမြစ်များ

WUWÖT 1:16

Kïlenchï, “Otini olusyokwa koru Eprania, asïwekwa lö köyï nyo le weri otïgh, wölo ato yï cheptö opïstö.”

ISAYA 27:1

Pöghisyegho ECHOTYON asisoni chokenyi nyo aghïgh akïwow akwawes atökunyarila kong tyompö pögh nyo kïkuro Lepiyatan, moroy nyo ryönöy kegh akïpar moroy nyo lichegho nanam ori.

YOANA 8:44

Ochikwa moneko papongwo Onyöt. Ki pörin nyinte kïngeta towunöt. Meghyongonye nyinte okumpö man, ompöwölo möminye man orinyi. Otini ngölonöy nyinte ngala putintön, kwighöy lenyoni, ompöwölo putin nyinte akï papoto putintön kïmïkul.

1 PETRO 5:8

Otïpï kïpsach arip kegh ompöwölo mito punyontenkwa nyay le Onyöt kïwestotoy akïmororöy le ngötïny nyo möröy kïgh nyo nyïkwïdoy.

NGONGUT 12:7

Atolapay kïchöghö poryot yïm. Kïporyö Mikael nko malaykenichi, kïporyeghö ntaranay nko malaykenichi.

NGONGUT 12:9

Ketyorchï sany ntaranoni wow. Nyinte kï moroyonanya pö köny kikuro, Onyöt anta Oyin, nyanye kigh pipö ngwïny kïmïkul kwigh ngokï. Kikityorï nyinte kungwïn ngwïny nko malaykenichi löwïr.

NGONGUT 13:2

Kilata möril tyonyoni, wölo kilata kelyechi kelyo chepökerï, kïlata kutinyi nyo pö ngötïny. Atoni nyu kutö ntaranay tyonyoni owesyenyi nko ngacharu paytaghtanyi nko owesyö nyo wow.

NGONGUT 13:4

Kïsagh chane lapay ntaranay ompöwölo kitö owesyenyi tyonyoni. Kisagh pich tïkwïl tyonyoni kilenchini, “Ngo nyo awes le tyonyï nya? Akï ngo nyo muköy kïporyö tïkwïl?”

NGONGUT 16:13

Atolapay asïwan mïkulis sömök cho ghach cho kilata mnyakaway cho kipkono kuti ntaranay nko kutito tyonyoni nko kutito werkoyontononi pö putintön.

NGONGUT 17:18

“Akï kokononi kisïwenyi kï kanasyantanoni wow, akï nyo pöytoy pöytoghintenyi pöytoghi ngwïny löwïr.”

NGONGUT 20:2

Kïnam ntaranay moroyonanya kipö könyisyok, nyaye le Onyöt akï Oyin. Kinam akïrat nyinte könyis elpu akonga

NGONGUT 8:10

Atolapay kïkut malaykayan nyo pö sömök kontinyi. Kïchïnuna yïm kokelyanta nyo wow nyo kinöghöy le ta, akïchïnchï kareran akonga ompö sömök nyo pö lalwatïn nko wölo kosuno pögh.

NGONGUT 8:11

(Kïkuro kaynata kokelyantanoni “Ngwonïn.”) Kïwaghaka kareran akonga ompö sömök nyo pö pögh kïngwonöchitu, kïmeghö pich cho chang cho kigha pöghechoni ompöwölo kiwöghokisyö kïngwonöchitu.

NGONGUT 8:12

Atolapay kïkut malaykayan nyo pö angwan kontinyi. Kïma kareranpa sömök nyo pö asis nko kareranpa sömök nyo pö arawa nko kareranpa sömök nyo pö kokel, kipot nyu kareranpa sömök nyo pö löpoyïntöngwa. Kimöminye löpoyïn asisto sömök nko ogheto sömök tïkwïl.

NGONGUT 8:7

Kikut malaykayante nyo tagh kontinyi. Kïropönchï ngwïny takarïstina ma cho kituyö nko kisön. Kïnagh kareranpa ngwïny nyo le akonga ompö sömök, kïnöghö kareranpa ket nyo pö sömök nko sus löwïr cho nyörilöch.

NGONGUT 8:8

Atolapay kïkut malaykayan nyo pö odeny kontinyi. Kewirchï kïgh nanam nyo ato kiros kïlata kutïng nyo wow nyo kinöghöy. Kïwaghaka kareranpa nanam akong ompö sömök kïlïkwï kisön,

NGONGUT 8:9

kïmeghö kareran akong ompö sömök cho pö tyonkïn cho nanam, akenyar kareran akonga nyo pö sömök nyo pö melin.

NGONGUT 9:10

Kitïng töronkwöy cho kisïro pich le tokolay, ki töronkwöyikwa cho kitö chane owesyö nyo kichopa pich aro mut.

NGONGUT 9:19

ompöwölo mi owesyo angoletin kutïwekwa nko töronkwöyikwa tïkwïl. Lata töronkwöyikwa moroyut cho tïng mötöw cho pöghisyegho kïsïr pich.