NGONGUT 12:2 - PIPÏLIA

² Kimirsïyi kokononi akwompöwölo kikikwitïta osiswechi cho pö lusyogh, kïrir ompö ngwonïn nko kichïr pö lusyogh.

NGONGUT 12:2 ပူးပေါင်းရင်းမြစ်များ

ISAYA 26:17

Nyi, we ECHOTYON nyo kighecha keriryenö le karka nyo tegho ngwonïn nyo pö lusyogh.

ISAYA 53:11

Lentöy ECHOTYON, “Nyini kewonyö söpon pö kiwongunöt, nyoru nyu mötworintenyan ngat ngörekyö. Nkïtu lö melö kiwir wuw kiwongunötenyi. Ompö ngöghomnyenyi ighöy mötworintenyan nyo ighöy man pich keyityï man. Kösönöy nyinte nyörilwok pö pich cho chang alöstoghchinan chane ngokikwa ompö nyinte.

ISAYA 54:1

Lentöy ECHOTYON, “Tumö korka nyo meyiy, tumö aitegh tya ompö ngörekyö korka nyo mekïgh! Isïkenyi ye nyu monïng cho chang kïsir korka nyo kensyote!

ISAYA 66:6

Atera kiteghat nyo kïlïmo kanasyan! Ngwïno kiteghatanoni Kö pö Tororöt.* Kechop kong ECHOTYON pungkachi nko nyoni pö kiteghatanoni!

MIKA 4:9

Ompö ne toriryenö ompö kiteghat le nyï? Motïngetekwanye so pöytoghin? Kikïma so kirurintenkwa, ntökunka nyï koriryekwa le korka nyo kïghöy?

MIKA 5:3

Kïlenyona pïsyini ECHOTYON pikachi pungkökwa ntökïtenö kulusyö kama monïng nyo kïghöy worö, tökïsorï werkökwa löwïr kïpka kïsörï pikökwa Israel.

MATAYO 24:8

Karkegh tïkuchoni löwïr nko kïghöto lusyogh.

YOANA 16:21

Otini mach korka kïlusyö kïtïng kichïr, ompöwölo ketïta sayenyi, wölo otini kakïlusyö nyinte, kïwutyeghö kichïrtanyi, ompöwölo ngörökyini nyinte monïng nyo kakeyïchï ngwïny.

KALATIA 4:19

Monechu cho mïnkech, otïngetan ngwonïn ompö akwa nyo lata nyo pö kama monïng nyo karich kïlusyö tökïtenö kwitïta ato rumuno Kristo orinkwa!

KALATIA 4:27

Ompöwölo mwoghöy Kikirut lö, “Ngaraka korka nyo ichï sonö, nyo kimeyïy monïngo. Tegha airir ompö ngörekyö, nyo kimenyorï ngwonïn pö lusyogh. Ompöwölo chang monïng korka nyo kakityak kïtïl korka nyo mi nko santenyi.”

NGONGUT 12:4

Kuchutö töronkwenyi kareran akonga ompö sömök nyo pö kokel cho kimi yïm akutyorchï ngwïny. Kughyongö tawu kokononi kimököy kïlusïyi atökwam montö panini lawel kakïyi.