NGONGUT 12:1 - PIPÏLIA

¹ Atolapay kïrumunö kïgh nyo pö töngönchin yïm, korka nyo kiloköy asis akukönoghöy kelyechi arawa. Kiloköy ompö mötïnyi tenta kokel cho le taman nko odeny!

NGONGUT 12:1 ပူးပေါင်းရင်းမြစ်များ

2 OTÖPTINO OSIS 32:31

Otini kiyokwï pöytoghi Papilon pich kïpka kïtep nyinte ngala töngöchin nyo kigha ompö korononi, kïpïstö Tororöt nyinte onkït kïkarkar atökunkïtï kïgh anka tïkwïl nyo mi mïkulöwunyi.

TUMWÖY 104:2

ilokyinenyi kegh löpoyïn le sïra, aighïtenyi yïm le sïra nyo wow

TUMWÖY 84:11

Ompöwölo ECHOTYON Tororöt kï asis akï longa, soyönecha nyinte ompö tölosyö nko konyït. Mötöghonye ECHOTYON kïgh nyo karam, pich löwïr cho ighöy man.

TUM PÖ TUMWÖY 6:10

“Ngo nyï ato kïtopön kïwow le kiwasan, nyï pïchigh le arawa akulïwu le asis, nyï pö otyogh le setï cho tïng penteren?”

ISAYA 61:10

Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.

ISAYA 62:3

Ilïkunenyi akope nyo pïchigh ompö ewu ECHOTYON, kopiyo paytagh ompö mori Tororöt.

SAKARIA 9:16

Söru chane asisoni ECHOTYON Tororötïngwa ompöwölo chane kï kechiryechi. Kwörkwersot chane ompö korenyi, Lata koghïn cho pö olyot nyo wow ompö tenta nyo kilokyini möt.

MALAKI 4:2

Wölo itwokwa cho okonyïtanïn owesyenyan nyo sörwokwa le asis nyo pusuy akïtïng owesyö nyo sopokwa ompö kelyechi. Opestonekwa adöngonyotoy ompö ngörekyö le mogh cho kökïyotunö pigh.

MATAYO 12:38

Kïlenchï koneti kirurut walaka nko Parisaytin lö, “Konetin, kïmökecha kesïwïye tongönchin nyo ighenyi.”

MATAYO 24:30

Atolapay kïrumunö kiporunöto Wero Chi yïm. Riryöt nyu puntoni ngwïny löwïr otoni söchï Wero Chi kungwïno poltoy nko owesyö nko ororyö nyo wow.

MARKO 13:25

röröku kokel ompö yïm aketimtim pchörino mïröt.

LUKA 21:11

Itu korïngringtinö ngwïny cho echön akwitu kömeywok nko sömewut ompö wop anka tïkwïl. Pkonöy tïkwïn cho otyegho pich nko töngönchin ompö yïm.

LUKA 21:25

“Osïwïyekwa tïkwïn cho pö kwongut ompö asis nko arawa nko kokel. Ngwïnchini nyarïl akïpotonchö pipö koros cho mi ngwïny kïmïkul, ompö kighumöto nanam nko mirtino pögh.

YOANA 3:29

Pö mïrar chito kensyö, akï ngörököy nyoman kongeto chichoni pö kensyö ato ghyongö atoni akïter kutinyi. Lenye nyoni tïkwïl wölo kanyïghï ngörekyenyan kïlïkwï.

IGHISYEWUT 2:19

Oporunan töngöchin ompö parak yïm, nko kiporunöt ompö ngwïny or. Pkonöy kisön nko ma nko awïryo ighöt.

RUMI 13:14

Wölo nya kïlïkwï Echotyon Yeso Kristo* longa nyo ripekwa, amotö porwöyikwa pöroyïn kwigh lenyini köpïrchï kwigh.

RUMI 3:22

Yityini Tororöt pich ma ompö ara kighanat nyo ghönöy Yeso Kristo. Akuyityini lenyoni pich löwïr cho ghönöy Kristo, kïrkegh kechï ngo,

2 KORINTO 11:2

Omchinokwa nyonyintön, le wölo lata Tororöt tïkwïl, ompöwölo alatekwa chepkïltït nyo kakelotokönchï mïrönö akong onkït, nyoni kï Kristo.*

KALATIA 3:27

Ompöwölo kikipötisönchokwa löwïr Kristo alakakwa nyu nyinte.

KALATIA 4:26

Wölo tyakate kanasyanta Yerusalem nyo pö parak akï yoncha nyinte.

KALATIA 6:14

Wölo mokwolonanye kegh kïgh anka tïkwïl, kïpoto kimurtöwonto Echotyontencha Yeso Kristo, ompöwölo kakewudochanïn ngwïny ompö aranoni pö kimurtöwon, kewudö ngwïny ompö ani.

EPESO 5:32

Mi ngölyonto man nyo wïnyate yeteyi wölo pköchinanïn lö ngölono nyete Kristo nko kanisenyi.

NGONGUT 1:20

Anyï nyu wïngutyo kokelyechï le mut nko odeny kesöchinyi ewunyan pö tagh nko kelyechay pö tatïna le mut nko odeny: kokelyechay le odeny, kï kanisen mut nko odeny: kïkany kelyechay le mut nko odeny pö tatïn, kï kanisenichï le mut nko odeny.

NGONGUT 11:19

Atolapay keyat Kö pö Tororöt* nyo mi yïm, kesöchï Santuku Muma* ori. Atoni nyu kuryal lö chwatchwat akïtïl akurïngring ngwïnya akïropan nyoman kïchïnu takarïs.

NGONGUT 12:3

Atolapay kïrumunö töngönchintö anka yïm: ntara wow akï pïrir nyo kitïng mötöw mut nko odeny nko kuy taman akimi tenta mötöwichoni löwïr.

NGONGUT 15:1

Atolapay asïwan kiporunöte anka ompö yïm, kiporunöt nyo wow akï pö töngönchin. Kimi malayken cho le mut nko odeny cho ki acheytangwa kwipchï ngwïny kinyörilut mut nko odeny cho pö söröm, cho lïtitöy nörekyo Tororöt.

NGONGUT 21:14

Kighyongo nayatu kanasyantanoni koghi kitoröt cho le taman nko odeny cho kikikirchï kaynötut taman nko odeny cho pö kiyoktoghi Wawa Kech.

NGONGUT 21:23

Kimönyorchininye kanasyantanoni löpoyïntanyi asis anta arawa ompöwölo lïwchini nyinte ororyo Tororöt akï tayenyi kï Wawa Kech.