NGONGUT 11:5 - PIPÏLIA

⁵ Ato töp chi anka tïkwïl kumukyï lö onyörilöy chane kong, kungwïno ma kutïwekwa nyo wuröy pungkökwa. Kïlenyona kïpöröy nyo mötïny chi anka tïkwïl nyo mukyini kunyörilöy chane kong.

NGONGUT 11:5 ပူးပေါင်းရင်းမြစ်များ

TUMWÖY 18:8

Kipusta ighöt nyo kingwïna sörunöyichi, kungwïna lyopötö nyo ngwan kutinyi, kingwïtu ngöset cho nöghyot.

ISAYA 11:4

wölo rwokyini mey ompö man akïtiwu pich cho memuktocha kegh. Mungöy ngölyontenyi pipö ngwïny otini kangalan, akïpar mwokïyis ngalanatenyi.

YEREMIA 1:10

Kokoninyi ye owesyö paraku punton nko pöyunötin. Owesyö nyo imukenyi ikalang airultö, Owesyö nyo imukenyi iwur ainyar, Owesyö nyo imukenyi teka aikatkat.”

YEREMIA 5:14

Lentöy ECHOTYON, Tororöt Kimuktoghin, “Ompöwölo kamwa pïchï ngölyontononi, oghan yenyu ngalechan chay komwowunyi we Yeremia, kïlïkwï ma. Lïku pïchoni kwenka, akï pelöy mayoni chane kuwonyö lömïs.

ESEKEL 43:3

Kyasïwan sïwïyagh nyo lata nyo kyasïwan ato kingwïn Tororöt kunyar kanasyanta Yerusalem aki lata nyo kyasïwan ompö lalwa Kepar, apïtyan ngwïny oköpïghtö mu.

OSEA 6:5

Kïlenyona oyokunan werkoyköchan kwipkokwa ngölyontenyan nyo mutmutekwa owonyenö. Itwokwa kirwökötenyan le yekon pö kiwasan.

SAKARIA 1:6

Ayo, melö so kinyorï papotïnekwa sitenyan ompöwölo melö kirïp kirurutköchan cho kyotönön kuwerï mötworichan werkoy? Kïlenyona kïkötö ngokikwa akïlö, ‘Kighwecha ECHOTYON Kimuktoghin kïrïp kegh nko otöptinecha nko ighisyewutköcha akïlenyoni wölo kidecha.’ ”

SAKARIA 2:8

Kiyoktanïn ECHOTYON Kimuktoghin ompö ororyenyi owö omwochï koros cho kirang pikachi kipa pïnotön lö, “Kor anka tïkwïl nyo swongöy piköchan kïlenye ato körïtanïn kong nyini tuw.

NGONGUT 13:13

Kigh töngönchin cho owesöch tyonyoni pö odeny. Kigh ma kirökunö yïm kïrökyï ngwïny ompö tawu pich lapay.

NGONGUT 9:17

Asïwan ompö sïwïyagh angoletinechoni nko pich cho kipegho akï cho kilok kïkarta töketwekwa körin cho töpölöl cho pïroch le ma akworusöch le koghïn cho pö olyot nyo wow akï nyörilöch le salpa. Kilata mötöweko angoletinechoni mötöwo ngötuny akï cho kipkono kutïwekwa ma nko ighöt nko salpa.