NGONGUT 11:19 - PIPÏLIA

¹⁹ Atolapay keyat Kö pö Tororöt* nyo mi yïm, kesöchï Santuku Muma* ori. Atoni nyu kuryal lö chwatchwat akïtïl akurïngring ngwïnya akïropan nyoman kïchïnu takarïs.

NGONGUT 11:19 ပူးပေါင်းရင်းမြစ်များ

TUMWÖY 105:32

Kiropönchï takarïs nyo kitöropönu pögh nko kiryal nyo kighömï korengwa kïmïkul.

TUMWÖY 18:12

Kïropönï takarïs nko ngöset ompö kiryal nyo kimi tawunyi kurelunö poltoy cho tïwöch.

ISAYA 28:2

Akwanyï tïng ECHOTYON chitö anka nyo le nyakan akwawes, nyo mito kïpsach kïporyeghö chane, chi nyo ngwïnöy le takarïstin, nyo lata rop nyo ipu chepkiriri, nyo lata puseryon nyo awes nyo kighömï kor kïmïkul.

ISAYA 29:6

Sörunyi ECHOTYON Kimuktoghin ompö tïlöto ilat nko potanata ngwïny nko chöghöt nyo wow nko chepkiriri nko lyopöto ma nyo wuröy kor.

ISAYA 30:30

Ighöy ECHOTYON chi anka tïkwïl kïlïmöy kutinyi nyo pö töroryö atökuporchï chane wölo nïkis kïlïkwï nörekyenyi. Kïsïwïyi atoni lyopötin nko kiryal nko takarïstin nko rop nyo ipu chepkiriritin.

ISAYA 32:19

(Wölo ropönchini takarïs wölo le wudïn atökengany kanasyante lö tawanka.)

ESEKEL 13:11

Nyo lenchinö chane rulöy nayatunkwa nyo motïny. Anyona ilat nyo ropönöy takarïs nko yomat nyo wiröy nayatunkwa.

ESEKEL 13:13

Kïlenyona lentöy Echotyon TORORÖT, otyorunan ilat nko takarïs ompö nörekyenyan tökuwurta nayatunï.

ESEKEL 38:22

Omungenan nyinte nko pipö lïkenyi nko koros cho ngöroköy nyinte amal nko mïltaghpa kisön. Oropönchinan takarïs nko ngeset nko ma.

KIYITUT 10:33

Kïwuwö chane Sinay kutïng pö ECHOTYON akïpa rutogh nyo pö osis sömök. Akimi osis lapay Santuku Muma* kuntöghoghchini chane atökïyörchï wölo möngöy.

KIYITUT 4:15

Otini kewang Aron nko werkachi kuyentö Wölay Tïlil nko karichi lapay, otini ketor möngot kïwï, kïpka nyu werpö Koat kïsït tïkuchï, wölo mömïchininye kïswany tïkwïn cho tïlilöch tömömeghö. “Ighisyo werpö Koat nyete chik otini kakiwï Ema.

KIYITUT 4:5

Otini köwu, möngot, kï Aron nko werkachi cho lïtöy Ema akutyak anankanay körtoy Santuku Muma* akuyenö santuku.

YOSWÖ 10:11

Otini kiryagha tawu Israel, kirurtoy Pet Oron, kïropönï ECHOTYON koghi takarïs cho echön ompö yïm cho kiparata chane ntökwit Aseka. Kïmeghö chane cho chang ompö takarïs kïtïl cho kipar pipö Israel chok.

NGONGUT 11:13

Otini lawel, kurïngring ngwïnya tya nyo kiwur kareran akonga ompö taman nyo pö kanasyantanoni. Kimeghö pich cho le 7,000 ompö korïngringoni pö ngwïny. Kuwöghisyö pikö chinö köngötï tya akïsal Tororöt kïlentöy, “Wow kïtya owesyengu we Tororöt nyo imi yïm!”

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

NGONGUT 12:1

Atolapay kïrumunö kïgh nyo pö töngönchin yïm, korka nyo kiloköy asis akukönoghöy kelyechi arawa. Kiloköy ompö mötïnyi tenta kokel cho le taman nko odeny!

NGONGUT 16:1

Atolapay alïman kut nyo wow nyo kingölonunö Kö pö Tororöt kïlenchini malaykenichoni le mut nko odeny, “Ape omïlchinö ngwïny tïkwïn cho mi pakulinechona le mut nko odeny, cho pö nörekyo Tororöt!”

NGONGUT 16:18

Kuchumu kiryaltina nko chöghöt nko tïlöto ilot nko kirïngringöto ngwïny nyo pö otyogh. Kitomönye kelïm kirïngringöto ngwïny nyo lata nyoni kïngeta otini kigh Tororöt ptangengmöt. Nyoni nyo kigha kïsir!

NGONGUT 16:21

Kïropan kïchïnu takarïs cho echön kïchïnchï pich. Ki ngata nïkisyo takarïsyon akonga kilen tömönut mut. Kimwa pïchoni Tororöt ompö nyarïlnoni pö takarïs, ompöwölo ki kinyarilat nyoni nyo wow nyoman.

NGONGUT 19:11

Atolapay asïwan yïm kïyata, atanganyan asïwa angole nyo rel. Kikïkuro chichinö kiwegho angolenoni, “Nyo ghanate akï pö man.” Rwokyini nyinte pich ompö man akïsetöy kïporyegho pungkachi.

NGONGUT 4:1

Kïkany kuwanta kegh ngalechï, asïwan sïwïyagh nyo pö kiyata ompö yïm. Kïlö kut nyo kichögh le kontï nyo kökangölonwanïn tagh, “Pusuna wölï toporun tïkwïn cho ighisyot nyo mötïny.”

NGONGUT 4:5

Kungwïna kiryalata ngacharunini nko tïlöto ilat. Kimi tawu ngacharu paytagh tatïna le mut nko odeny cho kiketam, aki mïkulis pö Tororöt choni cho le mut nko odeny.

NGONGUT 7:15

Nka nyï mi chane kughyongo tawu ngacharu paytaghpa Tororöt, kïpöghisyechini nyinte pöghet nko nangat ompö Konyi. Körtegho nyinte nyo töpo ngacharu paytagh chane emenyi.

NGONGUT 8:5

Atolapay kïcheng malaykayantanay töwïtyonay kïpelo mankoy, akunyïghit ma ompö ato kïpelo amöros, akïwirchï ngwïny. Kwitï tïlötö nko kiteghat nko kiryal nko potanata ngwïny.

NGONGUT 8:7

Kikut malaykayante nyo tagh kontinyi. Kïropönchï ngwïny takarïstina ma cho kituyö nko kisön. Kïnagh kareranpa ngwïny nyo le akonga ompö sömök, kïnöghö kareranpa ket nyo pö sömök nko sus löwïr cho nyörilöch.