NGONGUT 11:18 - PIPÏLIA

¹⁸ Kinörekyö pipö punton kumes, Wölo kikwitïta asisto sïngiryengu, akwitïta asis nyo kirwokyini pich cho kimeghö. Kitïta tïkwïl ato iropchinenyi tïkwïn mötworiku ompö werkoy nko pich löwïr cho kikïlanyi nko lapay cho konyïtöy kaynengu, kö echön anta kö mïnkech. Ketïta ato kinyoröy pich cho nyoröy ngwïny!”

NGONGUT 11:18 ပူးပေါင်းရင်းမြစ်များ

TUMWÖY 103:11

Le wölo lowtö yïmö ompö ngwïny, kïlata nyoni chomnyenyi ompö pich cho konyïtöy kaynenyi.

TUMWÖY 110:5

Mi Echotyon ewungu nyo pö tagh, ngïröy nyinte pöytoghï ompö asisto nörekyenyi.

TUMWÖY 147:11

wölo ngörokyini pich cho konyïtöy nyinte, chane cho könöy chomnyenyi pö kokay.

TUMWÖY 2:5

Atolapay kïchil chane ompö nörekyö akwotyeghö ompö sïngiryenyi akïlö,

TUMWÖY 85:9

Nyoman söru pich cho konyïtöy nyinte, atökïtöpö ororyenyi korencha.

OMTOGHIN 12:13

Ompö ngalechoni löwïr kelïmanyi, mi kïgh akonga nyo köngötï: Awagha Tororöt, anam kirurutkachi, ompöwölo nyoni nyo le kerötenyi kwighöy ptangengmöt.

OMTOGHIN 8:12

Kïrkegh kegh mwokïyon ngokï cho makïrar akïsöp nyo kogh, wölo onkïtön ighisyot nyo karam ato le löt ompö pich cho mwoghöy Tororöt ompöwölo wöghöy chane nyinte,

DANIEL 11:44

Otyegho nyinte ngal cho pkono kongasis nko okumpö ewu löt, wölo wetöy ompö nörekyö nyo wow akïpar chane cho chang.

DANIEL 7:26

“ ‘Kumpur kokwö akutor kurwokyï nyinte, kesara nyinte paytaghtanyi akenyar kokay.

DANIEL 8:25

Nyoru tösunöt ompö ngala lïsutkachi. Akwip kegh parak ompö kinonutkachi akunyar pich cho chang kïtomö kïchil. Ngetöy kïporyegho Pöytoghinto pöytoghï, wölo kinyoröy nyinte amelö ompö owesyo ptangengmöt.

MATAYO 5:12

Oturonchenö angörekyö, ompöwölo wow ropöwontenkwa nyo mi yïm. Ompöwölo kikichop kong werkoy cho kimi tawunkwa lenyoni.

LUKA 1:50

Akïtöpo kisyonötenyi nko pich cho konyïtöy nyinte ompö pïnwöy löwïr.

EPRANIA 9:27

Kïle otino meghöy chi kïnyïl akonga akwoto lapay kïlïkwï kirwoko Tororöt.

NGONGUT 10:7

Wölo otini kakut malaykayanteto mut nko odeny kontinyi, kupuntö Tororöt tötutyenyi nyo wïngate, le wölini kimwochï nyinte mötworichi cho le werkoy.”

NGONGUT 11:2

Wölo mepim kiroryenyi, ompöwölo kiketö wöloni pipö punton walaka kïtyakatyak Kanasyantanoni Tïlil aro cho le 42.

NGONGUT 13:10

Chi nyo kakemutyï kenam akewuw, kenömöy akewuwöy lenyoni nyo mötïny. Akwanka tïkwïl nyo kakemutyï kepara chok, kepöro chok nyo mötïny. Kïlenyona, mïchini pipö Tororöt kïmïkukön ompö kighanat.

NGONGUT 13:16

Kuchikyï tyonyay pich löwïr, cho echön nko cho mïnkech, monkor nko mey, sekey nko cho melö sekey ketö machey ewunekwa cho pö tagh anta tokochwekwa.

NGONGUT 14:10

kïgheghöy chichoni dipaypa* nörekyo Tororöt, cho matasa chi pögh ekeyin kikompeto nörekyenyi! Kinyörilo chichoni ma, mapa koghïn cho nöghsot ompö tawu malayken cho tïlilöch nko Wawa Kech.

NGONGUT 15:1

Atolapay asïwan kiporunöte anka ompö yïm, kiporunöt nyo wow akï pö töngönchin. Kimi malayken cho le mut nko odeny cho ki acheytangwa kwipchï ngwïny kinyörilut mut nko odeny cho pö söröm, cho lïtitöy nörekyo Tororöt.

NGONGUT 15:7

Atolapay kutö akong ompö tyonchay le angwan sötote malaykenichoni le mut nko odeny pakulino koltin mut nko odeny cho kinyïghï nörekyo Tororöt nyoni söpöy kokay nko kokay.

NGONGUT 18:6

Oghchinö Papilon le wölo kighchï pikö walaka, mïchini ompö oghokyinö nyinte cho ghach tya kïnyïl odeny chinö kighchï pikö walaka. Ayina kölöwenyi kumïn cho ngwonöch kïnyïl odeny chinö kiryökï pikö walaka.

NGONGUT 19:15

Kichumuna kutinyi chok nyo ngatip nyo kipöghisyeghö kirïnta pipö koros. Pöytoy nyinte chane ompö köromnyö akïpïröy pögho sapipun ompö wölo kïpïro dipay* cho pö nörekyo Tororöt Kimuktoghin.

NGONGUT 19:18

Apkana ama panya porwöyi pöytoghï nko cho pö yetïntino askarin nko cho pö nyökon, panya angoletin cho pö pich cho pegho angoletinechoni nko panya pich löwïr, kö sekey anta ewo, kö mïnkech anta kö echön!”

NGONGUT 19:5

Atolapay kungwïna kut ngacharunoni pö paytagh nyo kilö, “Asala Tororöt akwa lapay cho ochï mötworichi, akwa cho ochï pikachi, cho mïnkech nko cho echön, akwa cho okonyïtöy nyinte!”

NGONGUT 20:12

Atolapay asïwan pich cho kikikïmeghö, cho echön nko cho mïnkech kughyongo tawu ngacharu paytagh. Atoni nyu keyat kitapun. Atolapay keyat kitapu anka, nyoni kï kitapu söpon. Kerwokyï chane kïrïp kegh nko tïkwïn cho kigh chane le wölini kikikirta ompö kitapunechoni.

NGONGUT 20:15

Kikïwirchï nanamoni pö ma chi anka tïkwïl nyo kimelö kikïsöchï kaynenyi kukirate ompö kitapu söpon.

NGONGUT 22:12

Kïlenchanïn Yeso ngat, “Tere! Ongwïnan lawel! Apunan ropöwechu, atotö chi anka tïkwïl kïrïp kegh nko ighisyewutkachi.