NGONGUT 11:17 - PIPÏLIA

¹⁷ akïmwa lö, Kiyokucha nyi sörö, “We Tororöt Kimuktoghin, nyo imitö ye akimitö könyisyok! Ompöwölo kepöghisyeghenyi owesyengu nyo wow aitor ipayta!

NGONGUT 11:17 ပူးပေါင်းရင်းမြစ်များ

TOWUNÖT 17:1

Otini kitïng Apram könyis 99, kuchumchï ECHOTYON akïlenchï, “Ochan Tororöt Kimuktoghin. Tekanïn aitöpö kïpuryö kigheghchin ompö ani.

TUMWÖY 21:13

Kïsölichanyi, we ECHOTYON, ompö owesyengu nyo wow! Kïtumecha akesal owesyengu. Ompö kintöghoghinto tumï. Kïrïp kegh nko tum pö “Cheptirkich pö kiwasan.” Tum pö Daudi.

TUMWÖY 57:11

Nya ketöror wowïntöngu, we Tororöt, ompö mïröt, nko ororyengu ompö ngwïny kïmïkul. Ompö kintöghoghinto tumï kïrïp kegh nko tum pö “Menyar!” Tum pö Daudi.

ISAYA 52:10

Keghïtö ECHOTYON ewunyi nyo tïlil, kïsïwïyi pipö punton löwïr. Sïwïyi pipö ngwïny kïmïkul sörunöto Tororötïncha.

DANIEL 2:23

Osölinyi, ayokunyi sörö, we Tororöt pö papotïnechan, ompöwölo kekonaninyi ngöghomnyö nko owesyö, keporwaninyi kïgh nyo kikïsomöcha aiporwechanyi ngala papotïnecha.”

DANIEL 6:10

Nyini kilïm Daniel lö kikekir ngalechoni, kïwö konyi nyo pö parak akïyat tïrisyen cho kipörtoy Yerusalem, kïkïtïng akïsoghsyö kïnyïl sömök ompö asis akonga akïmwoghöy sörö ompö Tororötïnyi le ato keghöy su.

MATAYO 11:25

Kïmwa nyu Yeso atoni lö, “Paponyu, Echotyonto yïm nko ngwïny! Oyokunyi sörö ompöwölo kewïngenyi pich cho ngöghomöch ngalechi aingongchï nyu tengon.

LUKA 10:21

Ompö atoni kïturön Yeso ompö Mïkulögh nyo Tïlil akïlö, osölinyi, “Echotyonto yïm nko ngwïny, ompöwölo keporchinyi sölwöy tïkwïn cho kewïngenyi pich cho lechini kegh kïchï ngöghomöch anta kïchï chïreröch. Wölo kengongchinyi cho mïnïngitöy kegh le tengon. Nyoman Papo, lenyoni wölini kitatïtenyi ompö pöropchengu.”

YOANA 11:41

Kunategha nyu koghay. Kïtopön Yeso yïm akïlö, “Oyokunyi sörö Paponyu, ompöwölo kelïmanyi ngalechan.

2 KORINTO 2:14

Wölo keyokyinö Tororöt söro nyo ntöghoghwecha kïtenö osis kerïntena poryenyo ompö Kristo! Ighecha nyinte kyamtena man nyo pö Kristo nyo lata sikak kïghömï woptin löwïr.

2 KORINTO 9:15

Keyokyinö nyu Tororöt sörö ompö ropöwontenyi nyo mötïngnye söröm!

1 TIMOTEO 1:12

Oyokyinan sörö Kristo Yeso Echotyontenyo, nyo kökonanïn owesyö agh pöghisyenyi. Oyokyinan nyinte sörö ompöwölo keyitanïn mïchini opöghisyechan nyinte,

NGONGUT 1:4

Ani Yoana nyo kokirchï palalyantanï kanisen mut nko odeny cho mi koro Esya. Nya kïtöpö pöropchö nko akwa nko kalya nyo ngwïno Tororöt nyo mi akï nyo kimi akï nyo tökungwïnöy nko cho pkono wölo mi mïkulis cho le mut nko odeny cho mi tawu ngacharunyi pö paytagh,

NGONGUT 1:8

Mwoghöy Echotyon Tororöt Kimuktoghin, nyo mi akï nyo kimi akï nyo tökungwïnöy lö, “Ochan nyo pö tagh nko nyo pö löt.”

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

NGONGUT 15:3

Kimi chane kïtumöy tum pö Musa, mötworinto Tororöt nko tum pö Wawa Kech kïlentöy, “Echotyon Tororöt Kimuktoghin, wechï echön akï pö töngönchin ighisyewutköku! Nyi nyo ichï pöytoghinto punton löwïr, tenote akï pö man kïtya ortïneku!

NGONGUT 16:14

Mïkulis pö oy chane cho ighöy töngönchin. Petöy mïkulischoni kïsömök wölo mi pöytoghi ngwïny kïmïkul atökutuyö chane löwïr ompö poryot ompö Asis nyo wow nyo pö Kimuktoghin Tororöt.

NGONGUT 16:5

Alïman malaykayan nyo kighyongchini ngala pögh kïlenchini Tororöt, “Pö man kirwokutköku, nyi Nyo Tïlil nyo imi akimitenyi. Ompöwölo kerwokönyi ompö man.

NGONGUT 16:7

Atolapay alïman kut nyo kingölonuno ato kïpelo amöros kïlentöy, “Owöy, Echotyon Tororöt Kimuktoghin! Kinyorï pich nyörilwokchete ompö kirwokengu nyo pö man!”

NGONGUT 18:8

Kïlenyona chumchini nyinte nyarïl asis akonga, sömewut nko sönönöt nko kikar, kïpelöy nyinte ompö ma kuwonyö, ompöwölo awes Tororöt nyo rwokyini nyinte.”

NGONGUT 19:11

Atolapay asïwan yïm kïyata, atanganyan asïwa angole nyo rel. Kikïkuro chichinö kiwegho angolenoni, “Nyo ghanate akï pö man.” Rwokyini nyinte pich ompö man akïsetöy kïporyegho pungkachi.

NGONGUT 19:6

Atolapay alïman kïgh kïchögh le söpïch nyo wow, kichögh le puseryon nyo wow nyo soytegho ghatoy, chöghöt nyo kilata tïlöto ilat nyo wow akï nyo lentöy, “Nya kïsala Tororöt! Ompöwölo pöytoy lapay Echotyon Tororötïncha nyo le Kimuktoghin!