NGONGUT 11:11 - PIPÏLIA

¹¹ Wölo nyini kipöghön osis sömök nko nïsï, kungwïna kimïny pö söpon wölo mi Tororöt akïlït oringwa atolapay kughyö chane. Kwotyö nyoman pich cho kisïwa chane.

NGONGUT 11:11 ပူးပေါင်းရင်းမြစ်များ

TOWUNÖT 2:7

Atolapay kwigh ECHOTYON Tororöt chi ompö nyïngwïtyan akumungchï sörunöyichi söpon, kïlïkwï chichay ighan nyo satate.

YEREMIA 33:9

Lïku nyu kanasyanta Yerusalem wölo onyorchinan ngörekyö nko ororyö nko konyït. Potonchot akïmïghyö pipö koros ato lïm ngal cho karamach cho owetan oghchini pipö Yerusalem nko kisoyönöt nyo opchinan kanasyante tïkwïl.”

OSEA 3:5

Wölo söromunyi kimïlisyö ngat pipö Israel akïyar ECHOTYON Tororötïngwa kïmi nko pöytoghin nyo pö ara Daudi. Atolapay kïrïp chane ECHOTYON akïkonyït nyinte atökïtöpö poropchenyi nko chane ompö osis cho tökïpkonöy.

IGHISYEWUT 5:11

Kungwïnchi mïghötö kanise kïmïkul nko pikö walaka cho kilïm ngalechoni kighisyö.

IGHISYEWUT 5:5

Nyini kilïm Anania ngalechoni kupït akïma, kwotyö pich lapay cho kilïm,

RUMI 8:11

Ato mi orinkwa Mïkulöwu Tororöt nyo kigh Yeso kututunö ngwen, kwighöy Tororötnoni kigh Kristo Yeso kututunö ngwen porwöyikwa kïsöpchö, ompö Mïkulöwunoni mi orinkwa.

RUMI 8:2

Ompöwölo kakutyakanïn kirurut nyo pö Tororöt nyo ipkecha söpon, ongetunö kirurutyo ngokï nko meghat, otini kyolinyan nko Kristo Yeso.

YOSWÖ 2:9

akïlenchï, “Onkïtön lö kikïkonokwa ECHOTYON koronï akikemïghyecha ompö akwa. Kimeghö mïkulis piko koronete akwompö akwa.

NGONGUT 11:13

Otini lawel, kurïngring ngwïnya tya nyo kiwur kareran akonga ompö taman nyo pö kanasyantanoni. Kimeghö pich cho le 7,000 ompö korïngringoni pö ngwïny. Kuwöghisyö pikö chinö köngötï tya akïsal Tororöt kïlentöy, “Wow kïtya owesyengu we Tororöt nyo imi yïm!”

NGONGUT 11:9

Pkono pich koros löwïr nko ortïn löwïr nko puntoni nko kutïw löwïr, pkonöy kurosöy mïntïruchoni ompö osis sömök nko nïsï amelö chömchini ketïp.