NGONGUT 10:4 - PIPÏLIA

⁴ Akwotini kimuchö tïlonay, amakan akir ngal cho kïmwoghöy tïluchoni wölo alïman kut nyo kingwïno yïm nyo kilö, “Ikany kïwïngisyö ngalechona kamwa tïlutchona le mut nko odeny, mekir!”

NGONGUT 10:4 ပူးပေါင်းရင်းမြစ်များ

ISAYA 29:11

Kïwïngo chane ngölyon anka tïkwïl nyo pö werkoynön. Kikongityot ngölyontononi nko kikirut cho kikïkar lasinchïch ompö chane, nyo ato ipchinyi chi nyo kikusomön aitepanyi kusomönunyi, kïlenchinyi momukanye ompöwölo kikekar lasinchïch.

ISAYA 8:1

Kïlenchanïn ECHOTYON, “Chenga kerony nyo tapes atekirchinö parakunyi ngal cho kimuköy kesomön cho lentöy, ‘Pokyinö Lawel, Ritö Pöröw.’

ISAYA 8:16

Ochikwa rïpankachan, nyo mïchinokwa arïpa kiyomisut cho kökonanïn Tororöt.

DANIEL 12:4

“Wölo nyi Daniel, rora ngalechï, aikar kitapu ntökwit asispa söröm ompöwölo ryöghöy cho chang wöl nko wölnö akïtöso chïreryö.”

DANIEL 12:9

Kïlö, “Wechinö kegh Daniel, ompöwölo kikeror ngalechï, akekar ntökwitïta asispa söröm.

DANIEL 8:26

Sïwïyaghnay pö amörostino nöngötus nko tökwoghötin kïlïku man. Wölo iwïng ngalechï ye, ompöwölo tökïlow ato itïtoy.”

KINONO KIRURUT 29:29

“Mi tïkwïn cho kiwïny ECHOTYON Tororötïncha, wölo köngongwecha nyinte Kirurutkachi atökeripöcha nko monecho kokay.

NGONGUT 1:11

nyo kilentöy, “Kirchinö kitapï ngal cho isïwïyenyi aipchï kanisenichay le mut nko odeny, kanisa: Epeso nko Smurna nko Perkamo nko Tuatira nko Sardis nko Piladelpia nko Laodikea.”

NGONGUT 1:19

Kira nyu tïkwïn cho isïwïyenyi, tïkuchï mi ye nko cho tökïpkonöy ato le löt.

NGONGUT 10:8

Atolapay kïngölonwanïn ngat kutinay kingölonuno yïm lö, “Wïyö aicheng kitapï nyo yatate nyo mi ewu malaykayantaninö ghyongo nanam nko kor wölo tïyame.”

NGONGUT 22:10

Atolapay kïlenchanïn, “Mepïsï ngala werkoynöno kitapunï kïwïngisyö, ompöwölo karich ato ighisyot.