NGONGUT 10:1 - PIPÏLIA

¹ Atolapay asïwan malaykayante anka nyo awes nyo kirökuno yïm. Kikilokyï polta nyinte akemirö kïtompïl mötïnyi. Kikarkegh tokochunyi nko asis, akilata kelyechi pchörino ma.

NGONGUT 10:1 ပူးပေါင်းရင်းမြစ်များ

TUMWÖY 104:3

aitek möngengu paraku pögho yïm. Kepöghisyeghenyi poltoy kïlïkwï nkaringu, aiweghö köpepoy pö yomat.

TUMWÖY 97:2

Kiwitwit poltoy nyinte nko tuwïn, chïchïmo paytaghtanyi kitenat nko man.

WUWÖT 16:10

Akï otini kingölonchini Aron söpïch pö pipö Israel, kuros okumpö surkwen. Kïsïwa ororyo ECHOTYON nyo kingwïno polta.

TUM PÖ TUMWÖY 5:15

Karkegh kelyechi nko pchörino senkwet cho ghyongo wölo kikïteka koltin. Karkegh kïtontanyi nko Lepanon pïchigh le tarakit.

ISAYA 19:1

Anyï ngölyon nyo ngölono koro Misri. Itu ECHOTYON koro Misri, akungwïno poltoy cho ryöghöy lawel. Potonchegho körkeyïntinö tawunyi cho soghöy pipö Misri. Wonyegho nyu nyakanat pïchoni pö Misri.

ISAYA 54:9

“Karkegh osiswechete nko osiswo Noa, ato kyaman muma lö, melö tökewuro ngwïny pögh ngat. Kaman yenyu muma lö, melö tonörekyininyi ngat, amelö toteghchinyi.

LOK 3:44

Kiluminyi polto nörekyengu nyo kikarta sowutköcha metunyi.

ESEKEL 1:28

Lenye atay kömirö kïtompïlyö lenye nyoni wölo lata ororyo ECHOTYON.

DANIEL 10:6

Kiköryol portanyi le koghi olyot nyo wow, kirel tokochunyi le kiryal akinöghsot konyïn le ma kikwörkwöre morïn nko kelyön le tay nyo kakïsit kïrelit lönga akïngölonöy nyinte le söpïch nyo wow.

DANIEL 7:13

“Asïwan ompö sïwïyaghpa oghö, kungwïn ompö polta akong nyo lata ptangengmöt akïwö wölo mi nyinte nyo kisöpöy kïngata könyisyok kïtöpö tawunyi.

LAWIN 16:2

Kïlenchï ECHOTYON Musa, “Mwochinö werïnkwa Aron lö melït ananka okumpö ori Wölo Tïlil Tya* kïnomnyö tömemegh, ompöwölo olïtunan ompö polta paraku köröwonto Santuku Muma.*

MATAYO 17:2

Atolapay kuwenga Yeso ompö tawungwa. Kulïwï tokochunyi le asis, kïrelachitu sïrokachi löka.

LUKA 21:27

Atolapay kïsïwa nyu chane Wero Chi kungwïno polta nko owesyö nko ororyö nyo wow.

IGHISYEWUT 26:13

Kyomitan nyu pan otini keghyö asis, pöytoghin, kïnyini kulïwï löpoyïn nyo kitïl löpoyïn pö asis nyo kingwïno yïm nyo kiwitanïn nko pïchay kyowetan tïkwïl.

NGONGUT 1:7

Arose anyinö ngwïno poltoy! Akïsïwïyi chi anka tïkwïl nyinte nko ompö pïchini kipïsïgh nyinte. Teghsot puntoni ngwïny kïmïkul ompö nyinte! Lïku nyoni ngalechï nyo mötïny! Amen.

NGONGUT 18:1

Kïkany asïwan korkonay kitöpo tyonyay pïrir, asïwan malaykayante anka kirökuno yïm. Kitïng owesyö nyo wow, akulïwchï ororyenyi ngwïny kïmïkul.

NGONGUT 18:21

Atolapay kïcheng malaykayan nyo awes kogh nyo wow akïwirchï nanam, akïlö, “Nka nyete wölo kirultoy kanasyantanï wow pö Papilon, amelö tökesïwïyi nyinte ngat.

NGONGUT 20:1

Atolapay asïwan malaykayan kïrökuno yïm nyo kitïng ompö ewunyi yotöwonto ngwen nko sïrïmnyonto karïn nyo anger.

NGONGUT 4:3

Akwoto kiros chichoni kitöpo ngacharunoni, kï kilata pïchighyenyi koghi yaspa nko sardio, akiwit ngacharunoni pö paytagh kïtompïlyö nyo kilata munyanta sumarado.

NGONGUT 5:2

Asïwan malaykayan nyo awes nyo kingalan ompö kut nyo wow lö, “Ngo nyo mïchini kïngötïy möcheywechï akïyat kitapunï?”

NGONGUT 8:13

Atolapay asïwan, alïman sich nyo kipilo kwenu yïm nyo kingölono kut nyo wow tya kïlentöy, “Heywey! Wechï ghöyitu ompö pich cho möngöy ngwïny ato kut malaykenichoni köngötï le sömök kontinekwa!”