NGONGUT 1:5 - PIPÏLIA

⁵ nko cho pkono Yeso Kristo, söwin nyo ghanate nyo pö tagh kututunö ngwen akï nyinte nyo pöytoy pöytoghi ngwïny kïmïkul. Chömecha nyinte akutyakecha ompö meghenyi kengetunenö rötut pö ngokicho

NGONGUT 1:5 ပူးပေါင်းရင်းမြစ်များ

TUMWÖY 51:2

Iwunante lasiny ompö ghöyityenyan aitïlilante ompö ngokichan.

TUMWÖY 72:11

Nya kïkonyït pöytoghï löwïr nyinte akïpöghisyechï puntonï löwïr nyinte.

TUMWÖY 89:27

Oghan nyinte kïlïkwï werïnyan nyo le poret, wowitu nyinte kïtïl pöytoghi ngwïny kïmïkul.

NGÖTÏNYÖ 14:5

Mömïrönye put söwin nyo kighönöy, wölo mwoghöy putintön söwin nyo melö kighönöy.

ISAYA 55:4

Kyaghan nyinte kïlïkwï kintöghoghin, akïlïkwï yetïn pö pipö punton, atökunkïtwanïn chane lö ochan ngo.

DANIEL 2:2

Kïlenyona kïmwatïta pöytoghintö kekurï chemöwostin nko ngorï nko ponï nko pipö Papilonia cho ngöghomöch atökïmwochï pöytoghin kirwotïtoghtanyi. Kïpka pïchay akughyongö tawunyi.

DANIEL 7:14

“Ketö nyinte paytagh nko ororyo nko pöyunöt, atökïpöghisyechï pich nko punton nko kutïw löwïr nyinte. Melö weröy paytaghtanyi nyonikïny, amelö wonyot pöyunötenyi.

LAWIN 13:58

Wölo sïra anta menyon nyo kakïmwat amökïnamnye rirïm, kemwötöy ngat amelö sïmnyon.”

SAKARIA 13:1

Lentöy ECHOTYON Kimuktoghin, “Kïyotyini asisoni kompö pögh pipö ara pöytoghin Daudi nko pipö Yerusalem nyo mwötöy ngokï nko sïmnyontengwa.

MATAYO 20:28

le ato melö kingwïn Wero Chi tökepöghisyechï, wölo kingwïn kïpöghisyö akusalta söpontanyi tökutyaka pich cho chang ngokikwa.”

MATAYO 28:18

Kïrich Yeso chane akïlenchï, “Kakekonanïn paytagh kïmïkul ompö yïm nko ngwïny.

YOANA 13:1

Otini kitomönye kwitïta asis nyo wow nyo pö Ichon pö Pasaka* akinkït Yeso lö kikwitïta sayenyi nyo ngeto nyinte ngwïnyinete atökïwö wölini mi Kwanta. Kökicham nyinte osis lapay pich cho le chechi cho mi ngwïnyinete, kicham chane nyoman ntökwit söröm.

YOANA 13:34

Okonokwa kirurut nyo rel lö, achama kegh kïle wölini kyachamtakwa acham kegh akwane.

YOANA 15:9

Kachamakwa kïle wölo chömtonanïn Paponyu, otïpinö chomnyenyan ori.

YOANA 18:37

Kïlenchï nyu Pilato, “Nyo ichinyi ye nyu pöytoghin so?” Kuyokyï Yeso lö, “Kemwaghanyi nyinte lö ochan pöytoghin. Kikïyiyanïn, angwïnan ngwïnyinete ompö makatanoni le akonga, atamuk ngalana man. Chi anka tïkwïl nyo pö man, kïteröy ngalechan.”

YOANA 3:11

Omwowunyi nyoman lö kïmwoghecha kïgh nyo kinkïtöcha akesöwintönchini kïgh nyo kakesïwecha akï möminye chi nyo chömöy söwintönencha.

YOANA 3:16

Ompöwölo kicham Tororöt ngwïny nyoman ntökutö Werïnyi nyo le akonga, atömepot chi anka tïkwïl nyo ghönöy nyinte, wölo tökïsïch söpon pö kokay.

YOANA 3:32

Söwintönchini nyinte kïgh nyo kakïsïwa akïlïm, wölo möminye chi nyo toköy söwintönenyi.

IGHISYEWUT 20:28

Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.

IGHISYEWUT 26:23

lö, kichopöy kong Kristo,* atökïlïkwï nyo tagh nyo tutuno pich cho kimeghö, atökïmwochï pipö Yaudi nko pipö punton lö, kimuköy kesöru chane, köröy kegh nyoni nko löpoyïn ompö chane.”

RUMI 3:25

Kiropï Tororöt nyinte atökïlïkwï meghenyi or nyo löstegho pich ngokï ompö kighanat nyo ghönöy Kristo. Kigh Tororöt kïyoni atökuporï lö pö man nyinte. Ompö mïkukönö osiswechanya pö tagh, Tororöt amökïyangnye kurwokï ngoki ptangengmöt.

RUMI 8:37

Wölo kïrïntonecha tïkuchoni löwïr, ompö kingörokut nyo ngwïno nyinte nyoni kichamecha.

1 KORINTO 6:11

Kimi pich walaka ompö kwenunkwa cho kighöy le pïchoni. Wölo kikemwatakwa ye aketïlilokwa akelinyokwa nko Tororöt ompö kaynata Echotyon Yeso Kristo* nko ompö ara Mïkulöwu Tororötïnyo.

KALATIA 2:20

Kikïwudochanïn kimurtöwon nko Kristo, wölo ochan ye satate amelö tökwani ngat, wölo Kristo nyo satate ompö orinyan akï söponete otïngetan ye ompö por, otïngetan ompö kighanat nyo ngwïno Wero Tororöt nyo kichamanïn akïkonï söpontanyi ompö ani.

EPESO 2:4

Wölo tïng Tororöt kisyonöt nyo wow. Kichamecha nyinte ompö chomnyogh nyo wow nyoman

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

KINONO KIRURUT 18:2

Akï mönyorucha kor le werkökwa walaka, ECHOTYON nyo lïku kingarakatengwa kïrïp kegh nko ngölyontenyi nyo kimwochï chane.

KINONO KIRURUT 23:5

Wölo melö kïchömchï ECHOTYON Tororötïnkwa Palaam lenyoni, wölo kïwaghach chïpötonay kïlïkwï kisoyönöt, ompöwölo kichamakwa nyinte.

KINONO KIRURUT 7:8

Wölo kigh ECHOTYON lenyoni, ompöwölo chömokwa akimököy kupuntoy kiyomisötenyi nyo kimwochï papotïnekwa. Nkanyoni tökumïtwakwa ECHOTYON ompö owesyenyi akïsörunenokwa kö pö sekeynön ompö mori Parao, pöytoghinto Misri.

KOLOSAY 1:18

Nyinte nyo le mötito portanyi, nyoni kï kanisa. Akï nyinte nyo ngwïno söpon pö por. Nyinte kï towunöt akï poretye nyo kitutunö ngwen atökumï kïlïkwï nyo wow pöroyïnto tagh ompö kïgh anka tïkwïl.

1 TIMOTEO 6:13

Ochilinyi ompö tawu Tororöt nyo töni söpon tïkwïn löwïr nko tawu Kristo Yeso nyo kitötö söwintön nyo pö man ompö tawu Pontio Pilato,

1 TIMOTEO 6:15

Akï Tororöt kisoyönin nyo le pöytoghin nyo mömi anka, pöytoghinto pöytoghï akï Echotyonto echot, nyo poru Kristo otini ketïta osiswechoni.

EPRANIA 10:29

Anane nyu lasiny lö nyarïl nyo ngwan kïtya nyo sïköy pich cho sösöy Wero Tororöt akïsas kisön pö muma Tororöt cho mwöto pich ngokï akuswom Mïkulöwu Tororöt nyo ipu pöropchö.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.

1 PETRO 1:19

wölo ompö kisön pö Kristo cho pö olyot nyo wow. Ki karkegh nyinte nko wawa kech nyo lïpop akutenate.

1 YOANA 1:7

Wölo ato kïpestecha ompö löpoyïn le wölini mi nyinte löpoyïn, kesïkecha achane ghömïchö kwenunyo akïmwötwecha ngokï löwïr kisönko Yeso, Werïnyi.

1 YOANA 4:10

Anyï wölo lata chomnyogh: melö lö acha cho kikïcham Tororöt, wölo nyinte nyo kichamecha akïyonï Werïnyi kungwïn kïlïkwï amöros nyo kïlöstegho ngokï.

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

NGONGUT 11:3

Oyontonan söwichu cho le odeny cho loköy sarankwachtin atökwamta ngölyonto ompö Tororöt osiswechoni le 1,260.”

NGONGUT 17:14

Poryegho pöytoghichay nko tyonyay Wawa Kech, wölo rïntoy Wawa Kech nko kïlankachi cho kikur akughönote, ompöwölo Echotyonto echot nyinte, akï pöytoghinto pöytoghï.”

NGONGUT 19:11

Atolapay asïwan yïm kïyata, atanganyan asïwa angole nyo rel. Kikïkuro chichinö kiwegho angolenoni, “Nyo ghanate akï pö man.” Rwokyini nyinte pich ompö man akïsetöy kïporyegho pungkachi.

NGONGUT 19:16

Kikikir sïrenyi nko kelytanyi kaynanï, “Pöytoghinto pöytoghï akï Echotyonto echot.”

NGONGUT 2:13

“ ‘Onkïtön wölo imöngenyi, wölo mi ngacharu Onyöt nyo pö paytagh. Irïpenyi ngalechan nyoman amelö kipïstenyi kighanatengu ompö ani, ompö osiswechanye kipar kipöroy pich Antipa söwintenyan nyo ghanate, kikïpara nyinte kwenunkwa wölini möngöy Onyötö.

NGONGUT 3:14

“Kirchinö malaykayan nyo mi kanisa Laodikea ilenchï, ‘Anyï ngölyon nyo ngwïno wölo mi nyinte nyo le Amen, nyo ghanate akï söwinto man akï nyinte nyo pöytoy tïkwïn löwïr cho kigh Tororöt.

NGONGUT 7:14

Olenchan, “Monkïtönye echotyon, nyi nyo inkït.” Kïlenchanïn, “Pïchï chay kiwer kiwongunöt nyo ngwan. Kimwata chane sïrokökwa kisön pö Wawa Kech kïrelachitu.