NGONGUT 1:3 - PIPÏLIA

³ Soyönote chi nyo somönöy kitapunï akusoyönote pich cho lïmöy ngalechï pö werkoynön akïrïpöy lenyini kikikirchï orinyi, ompöwölo kikïlekïtit ato ighisyot ngalechï.

NGONGUT 1:3 ပူးပေါင်းရင်းမြစ်များ

NGÖTÏNYÖ 8:34

Soyönote chi nyo terwanïn, akïripsïyi ompö kukenyan kïtenö osis, akïkönyisyegho or nyo lïtu konyan.

YEREMIA 51:61

Olenchan nyu Seraya, “Nyini ketanyi Papilon, omökan somönchinönyi pich ngalechï löwïr

MATAYO 24:15

“Ato asïwekwa nyu ‘Ghöyïn pö otyogh pö Kinyarat,’ nyo kimwa werkoyon Daniel kughyongö ato tïlil. (Akanya kïpköchï chi nyo somönöy ngalechï!)

LUKA 11:28

Kuyokyï Yeso lö, “Wölo soyönote tya pich cho lïmöy ngölyonto Tororöt akïrïp.”

RUMI 13:11

Akïmöchonicha opïn, onkïtökwa lö kïmitö osis cho nenach. Osiswechete cho kömïchï kengetena rïwon, ompöwölo kikïlekïtit ye tya sörunötenyo kïtïl atanya kikighanacha.

RUMI 13:12

Kamach kuwonyö oghö, akarich kïyech. Kelastena nyu ighisyewut pö tuwïn akelach kari lïk cho pö löpoyïn.

1 PETRO 4:7

Kikïlekïtit sörömu tïkwïn lapay. Mïchinokwa nyu otïpinö ompö tölosyö nko ripöto kegh atïpï kïpsach atamuka asagha.

2 PETRO 3:8

Wölo mowutyeghö kïgh akonga tupchenichu! Möminye sisïn ompö tawu Echotyon kwenu asis akonga nko könyis elpu akonga, karkegh choni ompö nyinte.

NGONGUT 22:10

Atolapay kïlenchanïn, “Mepïsï ngala werkoynöno kitapunï kïwïngisyö, ompöwölo karich ato ighisyot.

NGONGUT 22:12

Kïlenchanïn Yeso ngat, “Tere! Ongwïnan lawel! Apunan ropöwechu, atotö chi anka tïkwïl kïrïp kegh nko ighisyewutkachi.

NGONGUT 22:20

Mwoghöy nyinte nyete söwintönchini ngalechï lö, “Owöy! Ongwïnan lawel!” Amen. Nyonö Echotyon Yeso!

NGONGUT 3:11

Otunan lawel, kamana lasiny kïyoni itïngetenyi tömösarenin chi konutyengu nyo pö rïntagh.