NGONGUT 1:18 - PIPÏLIA

¹⁸ Ochan nyinte nyo satate! Kikyameghan, wölo ochan ye satate kokay nko kokay. Otïngetan owesyö ompö meghat nko ngwen.

NGONGUT 1:18 ပူးပေါင်းရင်းမြစ်များ

AYUPU 19:25

Ompöwölo onkïtön lö söpöy Ghetïntenyan akungwïnöy kwighwanïn man ompö ngwïny.

AYUPU 38:17

Kikengongunyi so kukoti meghat anta kisïwenyi so kukoti wölo tuw lö yïk?

TUMWÖY 18:46

Söpöy ECHOTYON, soyönote köpönenyan nya kïsala Tororöt pö sörunötenyan.

TUMWÖY 68:20

Tororötïncha kï Tororöt nyo pö sörunötö, nyinte kï ECHOTYON, Echotyotencha nyo söru pich ompö meghat.

ISAYA 22:22

Otöninan owesyö nyo ompö paytagh nyo pö ara Daudi. Otöninan nyinte yotöwo paytagh. Yotöy nyinte, amöminye chi nyo köröy, akwotini kakar, möminye chi nyo yotöy.

MATAYO 11:23

Kïkany nyi, Kapernaum! Kemachanyi so syolö kegh ntet yïm? Kirekunyi ntetanyi ngwen! Ompöwölo ntökikigha töngönchintinechoni kikigheninyi Sodoma, kitötökïmi nko nyete le ye!

MATAYO 16:19

Okoninyi yotöwo Pöyunöto Yïm, kïgh anka tïkwïl nyo keratanyi ompö ngwïny keröto yïm tïkwïl, akï kïgh anka tïkwïl nyo kechömchinyi ompö ngwïny, kechömchini tïkwïl ompö yïm.”

LUKA 24:5

Kuwöghisyö koruchay akungïrukisyö ntökwit ngwïny. Kïlenchï pïchay chane, “Ompö ne tomörekwa chi nyo satate ompö kwenu pich cho kimeghö?

YOANA 11:25

Kïlenchï Yeso, “Ochan kitutunöt, achan söpon. Anka tïkwïl nyo ghönanïn, kïsöpöy, kïrkegh kökikïma.

YOANA 14:19

Melö tökïsïwïyanïn ngwïnyinï ngat ato lekït, wölo osïwïyanïkwa, akwompöwölo ochan satate, osöpchokwa tïkwïl.

RUMI 6:9

Ompöwölo kinkïtöcha lö kikitutunö Kristo ngwen, amelö tökïmeghöy ngat, nyo mökïtïngnye meghat owesyö ompö nyinte.

2 KORINTO 13:4

Ompöwölo, kïrkegh kikïwudochï nyinte kimurtöwon ompö nyörkölelyö, wölo satate nyinte ye ompö owesyo Tororöt. Kïchicha tïkwïl nyörkölölech otini kakïtuyecha nko nyinte, wölo kiporecha owesyo Tororöt ompö söpontanyi otini kakïtuyecha nko akwa.

KALATIA 2:20

Kikïwudochanïn kimurtöwon nko Kristo, wölo ochan ye satate amelö tökwani ngat, wölo Kristo nyo satate ompö orinyan akï söponete otïngetan ye ompö por, otïngetan ompö kighanat nyo ngwïno Wero Tororöt nyo kichamanïn akïkonï söpontanyi ompö ani.

KOLOSAY 3:3

Ompöwölo kyomeghekwa, akikewïny söponwekwa nko Kristo orito Tororöt.

EPRANIA 1:3

Nyinte nyo le kwörkwöryö nyo pö ororyo Tororöt akï nyinte nyo le körkeyïn pö Tororöt tighöy tïkwïn löwïr ngölyontenyi nyo pö owesyö kiwö nyinte kïtöpunö ewu tagh nyo pö wowïn pö Tororöt otini kiwany kutïlilöy pich ompö ngokikwa.

EPRANIA 12:2

Ketanga wölo mi Yeso, nyinte nyo le kitorinte akï nyinte nyo puntoy kighanatenyo. Kimïkukönö nyinte kimurtöwon akwompö ngörekyö nyo kimi tawunyi. Wölo kimas arasï nyo pö kuwongunöto kimurtöwon, akï mi ye okumpö tagh nyo pö ngacharu paytaghpa Tororöt.

EPRANIA 7:16

Kimeghnye chi nyinte kïlïkwï tïsin kïrïp kegh nko otöptino pich, wölo ompö owesyo söpon nyo möminye söröm.

EPRANIA 7:25

Kïlenyona, muköy nyinte kïsöru pich kokay cho petöy wölo mi Tororöt kuweröy nyinte ompöwölo söpöy nyinte kokay akïsoghchini chane.

NGONGUT 10:6

akwama muma kaynata Tororöt nyo satate kokay nko kokay, nyo kigh yïm nko ngwïny nko nanam nko kïgh anka tïkwïl nyo mi oringwa. Kïlö malaykayantanoni, “Kikuwonyö osiswö cho kïköngöy lö oyï ato ighöy Tororöt tïkwïn cho kikikïtat!

NGONGUT 15:7

Atolapay kutö akong ompö tyonchay le angwan sötote malaykenichoni le mut nko odeny pakulino koltin mut nko odeny cho kinyïghï nörekyo Tororöt nyoni söpöy kokay nko kokay.

NGONGUT 2:8

“Kirchinö malaykayanta kanisa Smurna lö, ‘Anyï ngölyon nyo ngwïno nyinte nyo pö tagh akï pö löt, Alpa nko Omeka nyo kima akïsöpöy ngat.

NGONGUT 20:13

Atolapay kikonï nanam pich cho kimeghyechï orinyi. Kikonï meghat nko ngwen pich cho kimeghö ompö oringwa. Kikirwokyï nyu löwïr kïrïp kegh nko ighisyewutkökwa.

NGONGUT 20:14

Kewirchï meghat nko ngwen nanamoni pö ma akï nanamoni pö ma kï meghat nyo pö odeny.

NGONGUT 3:7

“Kirchinö malaykayanta kanisa Piladelpia lö, ‘Anyï ngölyon nyo ngwïno wölo mi nyinte nyo tïlil akï pö man, akïtïng yotöwonto Daudi nyo ato kakïyat kukat, kïmöminye chi nyo köröy ato kar nyinte kukat, kïmöminye chi nyo yotöy.

NGONGUT 4:9

Kïpechï tyonchay sötote le angwan kïtumchï tumwöyi ororyö nko konyït nko kisoyönöt nyinte nyini kitöpo ngacharu paytagh, nyinte nyini söpöy kokay,

NGONGUT 5:14

Kuyokyï tyonchoni le angwan sötote lö, “Amen!” Kupïtyï ngwïny poyichay akïsagh.

NGONGUT 6:8

Asïwan, kungwïn angole nyo tolelyo, nyo kikötöy chi nyo kikuro kaynenyi Meghat, akimi ngwen kïrïpu lötunyi. Kikitö chane owesyö kïpayta kareran akonga ompö angwan nyo pö ngwïny tökïpara pich chok nko kömöy nko sömewut nko tïpö wudïn.

NGONGUT 9:1

Atolapay kïkut malaykayan nyo pö mut kontinyi. Asïwan kokelyan nyo kichïnchï ngwïny, ketö nyinte yotöwonto ngwen.

1 SAMWEL 2:6

Tïghöy ECHOTYON akutöni söpon. Reytoy ntökwit ngwen, akungetunö wöloni.