NEEMIA 9:37 - PIPÏLIA

³⁷ Wetöy ye nyu sïkönöto kor wölo mi pöytoghï cho kitönönyi kïpaytecha akwompö ngokicha. Tïngeto chane owesyö ompö acha nko kyakicho, kïmicha nyarïl nyo wow.”

NEEMIA 9:37 ပူးပေါင်းရင်းမြစ်များ

ESRA 4:13

Nyo nkïtunö ye, we pöytoghin, lö nyini kateka ngat kanasyantanï nko nïyetkachi kï melö tökïkwöghöy pïchï surï, kwapta nyu mïloto ropïyeni pöytoghin.

ESRA 6:8

Kïlenyona omökan angarakakwa chane ompö teksyononi pö Kö pö Tororöt. Kïghokchini chane panini ompö kaplawachpa pöytoghin ompö surï cho kïkwögho lalwa Yuparet okumpö ta.

ESRA 7:24

Kinonucha akwa lö melö chömunote ompö kirurut kïkwagh tïsï surï nko pipö Lawi nko tumï nko ripï nko mötwori Kö pö Tororöt anta mötwori walaka cho pö Köyoni.

NEEMIA 5:8

alenchan, “Kikimïtucha werköcho cho pö Yaudi cho kikyolchï pipö punton, angetakwa ye nyu agh pikökwo Yaudi kwolwokwa kegh ngat?” Kïsisyö lasay.

LOK 5:5

Kakïlenchecha akasana tïkwïn cho nïkisöch le sïkïröy kökyoghöchecha wölo möpïswechanye chi kemungö.

LAWIN 26:17

Onörekyinokwa akïparakwa pungkökwa, chane chona reyokwa kïpöytonekwa. Okörköritukwa nyo oryöghekwa kwïle kïrkegh melö kayonokwa chi.

YOANA 8:33

Kuyokyï chane lö, “Nyini kïpocha ara Apraam akïtomönye kelïkunacha sekeyi chi nyonikïny. Imwoghenyi ne otï ilentenyi, ‘Talïkuna pich cho tyokote?’ ”

KINONO KIRURUT 28:33

Omöy piko punton walaka cho melö onkïtokwa paghekwa cho kyangorekwa kighotikwo, akuchopekwa kong kïtenö osis.

KINONO KIRURUT 28:39

Okötkötekwa sapipun apïtyï rötökwö, wölo melö opïtekwa akwechi anta aghegh dipayka,* ompöwölo omöy nkut sapipunechoni.

KINONO KIRURUT 28:48

Kïlenyona ye nyu opöghisyechinekwa punkökwo cho yoku ECHOTYON kïporyeghö ompö kömöy nko maral. Opetekwa kïchïrutöch akïrörchinokwa kïgh anka tïkwïl. Chopokwa kong ECHOTYON akuwangekwa lömïs.

KINONO KIRURUT 28:51

Omöy chane kyakikwa nko paghekwa ntökïtenö owonyenökwa lömïs. Möpïswokwanye pagh anta dipay anta mwaghpa arol anta tïch anta kechir ntökïtenö kïparakwa kömöy.