NEEMIA 9:29 - PIPÏLIA

²⁹ Kichilanyi chane tökuyokyï kegh kirurutköku, wölo kïtagh chane ompö menotön, akwigh ngokï kïpeny kirurutchoni cho ato rïp chi kïsöpöy. Kipörchinyi patagh ompö tighintön akwoghïghitu mötöwöy amökïterunyicha ngaleku.

NEEMIA 9:29 ပူးပေါင်းရင်းမြစ်များ

2 PÖYTOGHÏ 17:13

Kökirirchï ECHOTYON pikachi pipö Israel nko Yuda ompö werkoy nko ngorï lö, “Opïstenö ortïnekwa cho ghach, arïp kirurutköchan löwïr lenyini kyomwochan papotïnekwa kuwerï mötworichan werkoy cho kyoyokwan.”

2 PÖYTOGHÏ 17:14

Wölo melö kiter pipö Israel, kyoghïghitu mötöwö le papotïnekwa cho melö kighan ECHOTYON Tororötïngwa.

2 OTÖPTINO OSIS 24:19

Kïyonta ECHOTYON werkoy kïpa kuteghchï chane atökuyoda kegh wölo mi ECHOTYON, wölo machamnye kïrïp ngale werkoychoni.

2 OTÖPTINO OSIS 33:10

Kingölonchï ECHOTYON Manase nko pikachi wölo matercha.

2 OTÖPTINO OSIS 36:15

Kuyoktö ECHOTYON Tororöto papotïnekwa mötworichi wölo mi chane kïnomnyö ompöwölo kisyonchini pikachi nko konyi pö saghat.

NEEMIA 13:15

Asïwan nyu osiswechoni pich ompö koro Yuda cho pïröy pögho sapipun ompö asispa Sapato.* Akïrat sïkïröyikwa kwipö pagh nko dipay nko sapipun nko makany nko sompïris cho nïkisöch, cho kipu chane Yerusalem asispa Sapato, Achilan otini kimi kwoltoy omisyewutchoni.

NEEMIA 9:10

Kighchinyi kiporut cho chang nko tïpö töngönchintin Parao nko mötworichi nko piko korenyi löwïr, ompöwölo kisïwenyi wölo kichopta kong papotïnecha. Irïntenyi chane akwororit kaynengu nko ye.

NEEMIA 9:16

Wölo kïmen papotïnecha akwoghïghitu mötöwöy, melö kicham kïter kirurutköku.

NEEMIA 9:26

“Wölo kïpeny ngaleku akïtaghinyi akïpörchï patagh kirurutköku. Kïpar chane werkoyköku cho kichilöy tökuyokyinyi kegh Kichïpinyi chane kïnomnyö.

NEEMIA 9:30

Kimïkukönönyi könyis cho chang ompö chane airirchinyi ompö Mïkulöwungu kuwerï werkoyköku, wölo kimöterchïcha chane kïlenyona itönönyi mori pipö punton.

WUWÖT 10:3

Kïwö Musa nko Aron wölo mi Parao akïlenchï, “Kölö ECHOTYON Tororöt pö Eprania, ‘Itöghenyi nko oyï su ate ipönyi kegh ngwïny ompö tawunyan? Pïstenö piköchan kïpa, atökïpöghisyeghwanïn.

YEREMIA 17:23

Wölo melö kiter amelö kiyang papotïnekwa ngalechan. Kilïkwï pich cho oghïghe mötöwö, amakïternye ngalechan, amakïrïpnye le wölo kyomwochan chane.

YEREMIA 19:15

“Lentöy ECHOTYON Kimuktoghin, Tororöt pö Israel, Onyoran kanastinechete nko walaka cho lekïtinö, le wölo kamwaghan, ompöwölo kyoghïghöchitu pich mötöwö, amöterönye ngalechan.”

YEREMIA 42:19

Atolapay olenchan ngat chane, “Akwa pipö Yuda cho köngötï, kataghenekwa ECHOTYON lö mapa Misri. Kanya nyu arirwakwa asete

YEREMIA 43:2

kïlenchanïn Asaria wero Osyaya nko Yoanan wero Karea nko pikö walaka cho le menï, “Kemïrönyi put. Melö keyokunyi ECHOTYON Tororötïncha lö nyonö mwowecha lö mapa Misri.

YEREMIA 44:10

Akwompö nyete le ye tomönye arïngakwa kegh, atomönye oporunökwa otyogh anta arïp kirurutköchan cho kyokonokwa atö papotïnekwa.

YEREMIA 7:26

wölo kimayangakwanye ater ngalechan, alïkukwa pich cho oghïghe mötöwö atolapay aghakwa cho ghach tya kïtïl papotïnekwa.

ESEKEL 20:11

kyotönön chane kiyomisutköchan nko kirurutköchan, cho ato ripchi lasiny kïsöpöy.

DANIEL 5:20

Wölo kikwol kegh akwaghïghit mïkulöwunyi, kenategha ompö pöyunötenyi akechenga ororye.

OSEA 6:5

Kïlenyona oyokunan werkoyköchan kwipkokwa ngölyontenyan nyo mutmutekwa owonyenö. Itwokwa kirwökötenyan le yekon pö kiwasan.

LAWIN 18:5

Mïchinokwa oripö kirurutköchan löwïr ompöwölo chi nyo rïpöy kïsöpöy. Ochan ECHOTYON.

MATAYO 19:17

Kïlenchï Yeso, “Ompö ne tetepenaninyi kïgh nyo karam nya? Möminye nyo karam kïpoto Tororöt. Ato imökenyi telïtö söpon ikaman kirurut.”

LUKA 10:28

Kïlenchï Yeso, “Lenyoni nyoman. Ighanyi nyu lenyoni tesïkö söpon pö kokay.”

RUMI 10:5

Kikir Musa akuporï or nyo kiyityinegho pich Tororöt man ato rïp kirurut lö, “Söpöy chi anka tïkwïl nyo rïpöy akwigh lenyini mwoghöy kirurut.”

KALATIA 3:12

Wölo lowöch kirurut nko kighanat, ompöwölo mwoghöy Kikirut lö, “Söpöy chi nyo puntoy kïgh anka tïkwïl nyo mököy kirurut.”

KINONO KIRURUT 31:21

akïnyorï nyörilwokï cho pö otyogh. Wölo kïrkegh kïlenyoni anet pipö Israel atökïlïkwï kïgh nyo rwokyini chane ompöwölo, melö wutyegho monekwa tumoni. Onkïtön kinonutkökwa cho nonöy, kïrkegh ompö nyete le ye kïtomö kwitïta chane koronini kyoyomisyan.”

KINONO KIRURUT 31:27

Onkïtön penyatenkwa nko wölini otïngetekwa mötöw cho ongeröch. Ato openyekwa ECHOTYON le nyï otï tochan satate, ekïlïku ne otinö karapasan?

KINONO KIRURUT 4:26

Okuran yïm nko ngwïny kïlïkwï söwikwa asisete, nyo ato otöpikwa ntapeny ngalechan, owonyokwa lömïs ompö koronete oghchinonekwa lalwa Yordan atachenga. Motïpïyokwanye wöloni osis cho chang, wölo kiwonyokwa lömïs.

KIRWOKÏ 6:10

omwowokwa lö, “Ochan ECHOTYON Tororötïnkwa, masagh tororötino pipö Amori cho omöngekwa korengwa.” Wölo kyapenyakwa ngalechan.’ ”