NEEMIA 9:10 - PIPÏLIA

¹⁰ Kighchinyi kiporut cho chang nko tïpö töngönchintin Parao nko mötworichi nko piko korenyi löwïr, ompöwölo kisïwenyi wölo kichopta kong papotïnecha. Irïntenyi chane akwororit kaynengu nko ye.

NEEMIA 9:10 ပူးပေါင်းရင်းမြစ်များ

NEEMIA 9:16

Wölo kïmen papotïnecha akwoghïghitu mötöwöy, melö kicham kïter kirurutköku.

NEEMIA 9:29

Kichilanyi chane tökuyokyï kegh kirurutköku, wölo kïtagh chane ompö menotön, akwigh ngokï kïpeny kirurutchoni cho ato rïp chi kïsöpöy. Kipörchinyi patagh ompö tighintön akwoghïghitu mötöwöy amökïterunyicha ngaleku.

TUMWÖY 83:18

Nya kunkïtï chane lö ichinyi ECHOTYON onkït aichï Tororöt nyo Töror Tya, nyo ipöytoy ngwïny kïmïkul. Ompö kintöghoghinto tumï, kïrïp kegh nko kuti Kat. Tum pö werpö Kora.

WUWÖT 18:11

Onkïtön ye nyu lö wow ECHOTYON kïtïl tororötin walaka, ompöwölo kisörunö pipö Israel mori pipö Misri ato kichop kong chane.”

WUWÖT 3:20

Kïlenyona opöghisyeghonan owesyö olïwö koro Misri tïkwïn cho ghach cho pö otyogh. Otinö kewonyö choni, kïpïstokwa nyu ape.

WUWÖT 5:2

Kïlö Parao, “Ngo nyo le ECHOTYON, nyo omukan ater kutinyi apïstö pipö Israel kïpa? Monkïtönye ECHOTYON, amopïstonanye pipö Israel kïpa.”

WUWÖT 7:1

Kïlenchï ECHOTYON, “Oghinyi le Tororöt ompö Parao, lïku werïnkwa Aron werkoyontengu.

WUWÖT 9:16

Kopïstinyi söpö, ompöwölo omökan oporunyi owesyenyan, atökïrumtö kaynenyan ompö ngwïny kïmïkul.

ISAYA 42:20

Kyalïmakwa pipö Israel ngal cho chang wölo möminye kïgh nyo kenyiwekwa! Otïngetekwa yitïn cho olïmo ngal, wölo puryö kïgh nyo kalïmakwa.”

ISAYA 63:12

nyanya kintöghoghchï ompö ewunyi nyo awes akwigh tïkwïn cho echön kuwerï Musa?

ISAYA 63:14

Kïle ato kïrongöy tïch wölo wow suswon, kutö ECHOTYON pikachi kimïny lenyoni. Kintöghoghchï pikachi akutö konyït kaynatenyi.

YEREMIA 32:20

Kighanyi tïpö töngönchin köny ompö koro Misri ateghenyi lenyoni nko ompö nyete le ye ompö koro Israel nko koros walaka. Kïlenyona, kikenkïtunyi ompö wop anka tïkwïl.

ESEKEL 20:9

Wölo olulön kaynenyan kegh, tamalïkwï arasï ompö kwenu puntonichï möngöy nko chane kïsïwïyi opunan pipö Israel kïpkana Misri.

DANIEL 4:37

“Kïlenyona osölan, atöror, akonyït Pöytoghinto yïm, ompöwölo pö man pöghisyewutkachi nko ortïnechi. Reytegho nyinte chi nyo kwolöy kegh.”

DANIEL 5:23

Kisïtönyi kegh yïm kïtïl ECHOTYON nyo pö yïm otini kakipunyi kari Kö pö Tororöt. Igheghsyeghenyi nko chönökopïrtineku nko koruku nko chemïnïngweniku, okwolökwa tororötin cho kikigha silpa nko koltin nko taghoy nko karïn nko ket nko koghi tororötin cho melö rosïtoy anta lïm kïgh anta nkït kïgh. Wölo kimekonyïtönyinye Tororöt nyo mi söpontöngu morichi nko ighisyewutköku löwïr.

DANIEL 9:15

“We Echotyon Tororötïnyo, kiporunyi owesyengu otini kimïtunenyi piköku koro Misri atökenonöy owesyengu nko ye. Kakighecha ngokï nko ghöyityö.

IGHISYEWUT 7:36

Ki nyinte nyoni kimïtuna pich koro Misri, otini kökikwigh kiporut nko töngönchin ompö Misri nko ompö Nanam nyo Pïrir nko ompö sïrkwen ompö könyis tömönut angwan.

RUMI 9:17

Ompöwölo mwochini Kikirut Parao lö, “Kyaghinyi lïkuna pöytoghin, atopöghisyegheninyi aparta owesyenyan atökunkïtï pich kaynatenyan kïghömï ngwïny kïmïkul.”

KINONO KIRURUT 4:34

Anta mi tororöt anka tïkwïl nyo kakumukyï kïchengchï kegh pipö punton akonga kïngetunö piko puntoni walaka? Akïtyamakwa ECHOTYON Tororötïngwo ompö kiporut nko töngönchin nko poryot nko ompö owesyenyi nyo wow anta ompö ighisyewut cho echön cho karkegh nko chanya kyasïwekwa nyinte ompö koro Misri.

KINONO KIRURUT 7:19

Anana työmutchanye echön kyasïwekwa nko kiporut nko töngönchin nko owesyenyi nyo wow nyo kimïtunenokwa nyinte koro Misri. Kïlenyona ighchini ECHOTYON Tororötïnkwa lenyoni punton löwïr cho owöghekwa.

1 PETRO 5:5

Kïlenyoni tïkwïl ompö akwa chumwak, mïchinokwa oterchinö poyi kanisa. Akïmïchinokwa lapay alïkuna pich cho tölose atopöghisyechinö kegh akwane, ompöwölo lentöy Kikirut, “Töghöy Tororöt menot, wölo töni pöropchö pich cho tölose.”