NEEMIA 8:17 - PIPÏLIA

¹⁷ Kïtek pïchay kipkana pïnotön löwïr tunkun akïmang, ompöwölo melö kitökwigh pipö Israel lenyoni kïngata osiswo Yoswö wero Nun. Kïnyorï nyu ngörekyö nyo wow.

NEEMIA 8:17 ပူးပေါင်းရင်းမြစ်များ

1 OTÖPTINO OSIS 29:22

Kingörekyö chane asisoni akwomisïyi: akïgheghsïyi ompö tawu ECHOTYON. Nyo pö odeny kïkïl Solomon kïlïkwï pöytoghin. Kuyil nyinte ompö kaynata ECHOTYON kïlïkwï pöytoghintengwa, kïlïkwï Sadok tïsinte.

2 OTÖPTINO OSIS 30:26

Kïlenyona kimi ngörekyö nyo wow Yerusalem, ompöwölo melö kitö kwigha kïgh nyo lenye nyete ompö Yerusalem kïngata osiswo Solomon wero Daudi pöytoghinto Israel.

2 OTÖPTINO OSIS 35:18

Möminye Pasaka nyo lenye nyoni nyo kikyam ompö koro Israel kïngata osiswo werkoyon Samwel, amömicha pöytoghi Israel cho kigh Pasaka nyo lenye nyo kigh Yosia nko tïsï nko pipö Lawi nko pipö Yuda löwïr nko Israel cho kimi atoni nko möngi Yerusalem löwïr.

2 OTÖPTINO OSIS 8:13

Kipel amörostin kïrïp kegh nko Kirurut pö Musa ompö asis anka tïkwïl nyo tïlil, choni kï: Sapatotin* nko Ichontino Relïn pö Arawa nko ichontin sömök cho echön, choni kï: Ichon pö Makatin cho puryö Mumar nko Ichon pö Ilö nko Ichon pö Tunkun.

ESRA 3:4

Atolapay kwam Ichon pö Tunkun lenyini kikikir. Kitötoy osis amörostin cho kïpelöy kïrïp kegh nko amörostin cho kikïtat ompö asis anka tïkwïl.

YOANA 1:14

Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.

KINONO KIRURUT 16:15

Aikonyït ECHOTYON Tororötïngu otini omenyi Ichon pö Tunkun ompö osis mut nko odeny ompö wölini kakïl ECHOTYON kesagha nyinte, ompöwölo soyöninyi nyinte ompö pagheku kïmïkul nko ighisyewutköku, atemuka ngaraka nyoman.

EPRANIA 11:13

Kimeghö pïchoni löwïr kïtïng kighanat kïtomö kïtak ngal cho kiyomisyï Tororöt chane kïrkegh kitökïlowöch ngalechoni wölo kimï chane kïsïwa akïngörökyï, akïmwagha tawu pich lö, to akï rutoghot chane ompö ngwïnyinï.

EPRANIA 11:9

Kigh kighanat nyinte kïmang le ton kor nyo kiyomisï Tororöt. Kimang emen nko Isak nko Yakopo. Kighömöy chane tïkwïl kiyomisötononi pö Tororöt.

EPRANIA 4:8

Ontökitö Yoswö pïchoni kimïny kitömökïminye asistanka nyo kitötökïngölono Tororöt ngat.

YOSWÖ 1:1

Otini kirapas Musa mötworinto ECHOTYON, kïlenchï ECHOTYON Yoswö wero Nun nyo kile kingörokintö Musa,