NEEMIA 7:2 - PIPÏLIA

² Otönön werïncha Anani nko Anania nyo le wowïn pö lïk kughyongchï Yerusalem, ompöwölo kikonyïtöy Ananiya Tororöt kïtïl pikö walaka.

NEEMIA 7:2 ပူးပေါင်းရင်းမြစ်များ

TOWUNÖT 42:18

Ato mi asisto sömök kïlenchï Yosep chane, “Ompöwölo ochan chi nyo okonyïtöy Tororöt, agh ngölyontonï tosöpchenö.

2 SAMWEL 23:3

Kangalan Tororöt pö Israel, kölenchanïn ghatya Israel, “Ato payta pöytoghintö pich ompö man, akïkonyïtöy Tororöt,

1 PÖYTOGHÏ 18:12

Ato töp Mïkulöwu Tororöt ntökungwïn akumïtinyi kore anka wölo monkïtönye otini koweghan tawungu? Kïkany ato olenchan Aap imitenyi yi, akutomï memitenyinye kïparanïn kïrkegh kowöghan Tororöt kïngeta otini kyochan mïnïng.

1 PÖYTOGHÏ 18:3

Kïlenyona kïkur Aap Opadia nyo kighyongchini kö pö pöytoghin. Kikonyïtöy Opadia ECHOTYON nyoman,

NEEMIA 1:2

Kungwïna chi akong Yuda ompö werköcha nyo kïkuro Anani nko pich walaka. Atepan chane pöghisyo pipö Yaudi cho kingötï kïchïwïtyeghö pïnotön nko wölo lata Yerusalem.

NEEMIA 13:13

Akïlan Syelemia tïsin nko Sadok nyo le kikirin nko Pedaya nyo pö Lawi kughyongchï töpotonichay, akïlan Anan wero Sakur wero Mataniya kungarak chane, ompöwölo ki pich cho ghönote chane. Ki pöghisyengwa kïchöghchï werkökwa pasanichay.

NEEMIA 2:8

Kono tïkwïl palalyan nyo pö Asap ripinto wuw pö pöytoghin tökïkonanïn ket cho kïteko kuka nayatu Kö pö Tororöt* nko nayatu kanasyan nko cho pö kö nyo omöngan.” Kïchömwanïn pöytoghintö lenyini katepan nyinte, ompöwölo kimi Tororöt nko ani.

NEEMIA 5:15

Kitö pröyöntino pöytoghin cho pö tagh pich nïkisyö, ompöwölo kichenga pich omisyö nko dipay nko ropïyeni silpa cho le tömönut angwan, kitö nïkisyö tïkwïl pich ompö chini le mötworikwa. Wölo melö kyaghan lenyoni, ompöwölo kyowöghan Tororöt.

NEEMIA 7:3

Atolapay olenchan chane, “Makany keyat ortïna Yerusalem tökwoghö ntökïtenö kïpusï asis, atolapay kekar akemör nangat otini tökeruyö. Ikïl ripi ompö pïchini möngöy Yerusalem, kïrip anka tïkwïl kukat nyo mi konyi kamas.”

AYUPU 1:1

Kimi chi nyo kimöngöy kor Us nyo kikïkuro Ayupu. Ki chi nyo tenate akikonyïtöy Tororöt akilowito kegh ghöyityö.

TUMWÖY 101:6

Ochöman pich cho ghönote ompö kor, tökïtïpï chane nko ani. Pöghisyewanïn chi anka tïkwïl nyo puryö lelut.

WUWÖT 18:21

Kïla pich cho ngöghomöch ompö pïchï lapay, cho konyïtöy Tororöt akï cho kighönöy melö chengöy asoya, tönö chane kïlïkwï yetïntino pich 1,000 nko 100 nko 50 nko taman.

DANIEL 6:4

Wölo kïyar pïchay or nyo gheghchinegho Daniel ompö ngala paytagh wölo melö kimï kïnyorï lelut nyo kinam Daniel, ompöwölo kighanate akimöminye lelutyö nyo kikïnyorchï nyinte.

KIYITUT 12:7

Wölo sis ompö mötworintenyan Musa, ompöwölo kotönön nyinte kuntöghoghchï piköchan pipö Israel.

MATAYO 24:45

Kulet Yeso tagh kïlö, “Ngo mötworintö nyo ghanate akï ngöghom nyo töni echotyontenyi kïpayta pikachi atökutö mötworichi omisyengwa otini kömïchini ketö?

MATAYO 25:21

Kïlö echotyontenyi, ‘Karam, ichinyi mötworin nyo karam nyo kighönöy. Kelïkunyi chi nyo kighönöy ompö tïkwïn cho ngörï, oghinyi ghyongchinö tïkwïn cho chang. Nyonö kengörekyenö tïkwïl.’

1 KORINTO 4:2

Kïgh nyu ngat nyo kïmöko komönini anka tïkwïl kï kighanat.

2 TIMOTEO 2:2

Neta kinetut chanya kilïmanyi omtonan ompö tawu söwï cho chang, aionkoghchï pich cho ghonote atökumï tïkwïl kunet pikö walaka.