NEEMIA 6:12 - PIPÏLIA

¹² Osöwan lö, melö köyonwanïn Tororöt Syemaya, wölo kal nyinte Topiya nko Sanpalat kungwïn kïmwowanïn ngalechï.

NEEMIA 6:12 ပူးပေါင်းရင်းမြစ်များ

NEEMIA 6:11

Wölo olenchan, “Melö mïchini chi nyo lenye ani kuperta. Melö olentan towö Kö pö Tororöt lö tawïng kegh. Mowetanye.”

NEEMIA 6:13

Kïlenyona kikyal nyinte lö tökwotyeghenanïn ngalechoni aghan ngokï, atökïkonanïn kaynat nyo gha tökïmïnanïn.

ISAYA 56:11

Karkegh chane nko kukïdin cho le chemutïn, cho möminye omisyö nyo mïchini! Möminye kïgh nyo sïku kintöghoghchini. Ighöy chi anka tïkwïl ompö chane le ato kömököy, akïyörchini kegh wölo siktoy tösunötenyi.

YEREMIA 14:14

Atolapay kuyokwanïn ECHOTYON lö, “Kamwa werkoyichoni putintön ompö kaynenyan. Moyonwanye chane kïpka kïmwa kïgh, amongölonchanye chane nyonikïny. Kïlenyona, pkono ngalechoni mwoghöy werkoy kinonutkökwa opïn akï ngorat nyo le kwïle nyo puryö tösunöt.

YEREMIA 23:16

Lentöy ECHOTYON Kimuktoghin, “Mater ngala werkoy cho mwowokwa ompöwölo konokwa kikönöt nyo pö kwïle. Mwowokwa sïwïyaghpa mötöwöyikwa opïn, melö pkono kutinyan, ani nyo ochï ECHOTYON.

YEREMIA 23:25

Kyalïman putintön nyo mwoghöy werkoy ompö kaynenyan. Lenchini piköchan, ‘Köngölonwanïn Tororöt ompö kirwotïtogh!’

YEREMIA 28:15

Atolapay owan omwochï Anania lenyoni, atasan olenchï, “Tera we Anania! Melö köyonunyi ECHOTYON, akwanyï ye keghanyi pïchï kughan putintön.

ESEKEL 13:19

Kokonanïkwa arasï ompö piköchan, alïs lö tökenyorunö matay kwïle nko makatin tïkwïte aparakwa pich cho kömïchini kïsöpchö, apïstekwa kïsöpchö cho kötomeghot ompö putintönenkwa.”

ESEKEL 13:22

“Kïle wölo kyaghakwa chi pö man kïma mu kïrkegh tomönye aghan nyinte kïma mu, arompörökwa chemwokïyon kïtas tagh nko ortïnechi cho ghach tömösörï kegh.

ESEKEL 13:7

Osïwïyekwa sïwïyaghtina putintön angorakwa putintön otini olentekwa kölö ECHOTYON akwanyï melö kongölonwekwa.”

MIKA 3:11

Rwoko pöytoghichï kanasyanta asoya, netisïyi tïsï töketö ropïyen. Akingorsyö werkoyikwa tökïnyorï ropïyen akwanyï mwoghöy lö kitwoytoy kegh ECHOTYON kïlentöy “Melö mi so ECHOTYON nko acha? Nyo melö mi ghöyityö nyo nyorwecha.”

IGHISYEWUT 20:33

Kimopïrchanye ropïyeni pikö walaka anta koltin, anta sïro.

1 KORINTO 12:10

Kutö chitö anka owesyö nyo igho töngönchin kutö chitö anka owesyö nyo omtoy ngölyonto Tororöt kutö anka owesyö nyo nkïtuno sisïn nyo mi kwenu konut cho pkono Mïkulöwu Tororöt nko cho möpkonocha kutö anka konut nyo ngölonöy ngala pich cho le to, kutö anka owesyö nyo wöghököy ngalechoni.

1 KORINTO 2:15

Wölo muköy chi anka tïkwïl nyo tïng Mïkulöwu Tororöt kunkïtu wölo karamta kïgh anka tïkwïl akï möminye chi nyo muköy kurwokyini nyinte.

1 TIMOTEO 3:3

chi nyo melö ptamasyan anta poryeghin wölo nyo talase akï chi pö kalya, chi nyo melö chömo kegh ropïyen.

TITO 1:7

Ompöwölo kiketö kintöghoghinto kanisa kughyongchï pöghisyo Tororöt, kïmïchini nyinte kïlïkwï chi nyo puryö lelut. Melö mïchini kïlïkwï chi nyo anta kwolöy kegh chi nyo mïrmïr möt, anta tömösin, anta köromit, amelö chi nyo pïrchini ropïyen.

1 PETRO 5:2

ayakwïya lasiny kechiryo Tororöt cho mi morikwa, ompö chamatenkwa kegh amelö ompöwölo mi chi nyo köyumchokwa agha lenyoni. Amagh pöghisyononi, lö tökesïkenö ropïyen wölo ompö mïkulöwunkwa kïmïkul.

2 PETRO 2:3

Ompö pïrchintöngwa nyo pö tïkwïn sïkenokwa chane kïgh otini mi kwomwokwa kikorön pö putintön. Wölo kikïtöpö kïpsach nyo kogh Mutinteto ngalekwa akïchïkönöy Kiwurintengwa.

1 YOANA 4:1

Chamankachu, maghan ngala chi kïtïkon nyo lentöy otïngetö Mïkulöwu Tororöt, wölo arosa lasiny tasïwena lö mïkulis ntöghoghchini chane kïpo man anta ewo. Ompöwölo chang werkoyi putintön cho kipestata kïlïtöy wop tïkwïl.

NGONGUT 18:13

Tïku walaka kï ompö kinamon nko tïkwïn cho kyonyïnito omisyewut nko köröstin nko mwagh nyo kiyiltoy nyo ngutoy nyo karam nko dipay* nko mwagh nko pïsya nkanun nko tïch nko kechir nko angoletin nko nkarinekwa nko, sekeykökwa chini le pich söpsot.