NEEMIA 5:2 - PIPÏLIA

² Kïlö walaka, “Anyï pöroyöch acha korïn kïmökecha omisyö nyo kïnömo monechï.”

NEEMIA 5:2 ပူးပေါင်းရင်းမြစ်များ

TOWUNÖT 41:57

Amöchonicha opïn, kipka piko koroswe walaka Misri wölo mi Yosep tökwal omisyö, ompöwölo kingwanit atoni kömöy tya ompö ngwïny kïmïkul.

TOWUNÖT 42:2

Atï kalïman lö mito pagh koroninö pö Misri. Ape oröytenö wölini tolwecha pagh ompö tömökïmeghö ompö kömöy.”

TOWUNÖT 43:8

Kïlenchï Yuda paponyi Israel, “Pïswante owö nko nyinte tökepe lawel kyala omisyö tömökiwonyö löwïr ompö kömöy, nyi nko acha nko monïnge chï mïnkech.

TOWUNÖT 47:19

Ompö ne tökemeghenöcha ompö tawungu nko kore? Alecha nko korenyo ompö omisyö tökelïkucha mötwori Parao nko kore. Konecha kösïgh tömökïmeghö, tömalïkwï korö kïratyan.”

2 PÖYTOGHÏ 4:1

Kiwö asistanka korka akong nyo le mïsïk ompö koru werkoy wölo mi Elisya akïlenchï, “ECHOTYON, kirapas pontenyan! Ainkïtönyi lö kisoghöy nyinte ECHOTYON kïtenö osis. Kengwïn ye chi nyo kipösönö nyinte ropïyen kïcheng werköchan odeny, atökïlïkwï sekeykachi.”

NEEMIA 5:3

Kïlentöy walaka, “Kakitötecha parenicho nko pareni sapipun nko koricho tökenyorunö omisyö ompö kömöy.”

AKAY 1:6

Kyangorakwa pagh cho chang, olökwa cho ngörï, omisïyekwa amesokwanye tïkwïn, ogheghekwa dipay* amömïchinokwanye. Olokekwa sïro amölölöngchinokwanye, akï kutïtoy kïgh ropïyeni chi anka tïkwïl nyo nömöy ropïyen.

MALAKI 2:2

Mïchini okonyïtanïkwa ompö kïgh anka tïkwïl nyo oghekwa. Mwoghöy ECHOTYON Kimuktoghin. “Wölo ato materanïkwanye, ochïpokwa. Akyochïpokwa ompö nyete le ye, ompöwölo melö kyayangakwa ngal cho kyomwowokwa.

KINONO KIRURUT 23:19

“Akwoto ipösönchï werïngwo chi pö srael ropïyen anta omisyö anta kïgh anka tïkwïl, maghak tösöw.