NEEMIA 4:2 - PIPÏLIA

² Atolapay kïngalan ompö tawu pikachi nko pipö lïk cho pö Samaria lö, “Lentöy kighöy ne pïchï nyörkölöl pö Yaudi nya? Möchöy so kïtek ngat kanasyantanï? Lentöy so kitötegho atoni amörostin? Muköy kuwany teksyö ompö asis akonga? Lentöy so kïnyorchini koghi teksyö samï cho kikïpel?”

NEEMIA 4:2 ပူးပေါင်းရင်းမြစ်များ

ESRA 4:4

Atolapay kwigh piko korononi pipö Yuda kïmeghö mutïnö akuwöghisyö kïteksyö.

NEEMIA 12:27

Otini kikitïlilöy nayatu Yerusalem, kekurï pipö Lawi löwïr kïpkana wölini kimöngöy atökemïtï chane Yerusalem ompö ichon pö kitïlilöt, ompö tumwöy cho kiyokyinegho sörö nko kwïrkwïris nko pïkantis.

NEEMIA 12:43

Kitötö chane amörostin cho echön asisoni akïngörekyö, ompöwölo kegh Tororöt chane kïngörekyö nyoman. Kingörekyö korï tïkwïl nko monïng ntökelïma ngörekyononi kimi Yerusalem wölo low.

NEEMIA 4:10

Wölo kïlö pipö Yuda, “Kikupöl pich ighisyonï, kïsïtöy samï akwanyï chang. Melö tökemukecha keteke nayatunï ngat.”

NEEMIA 6:15

Kiwany pipö Yaudi nayatunay ompö osis 52 asispa 25 nyo pö arawa Elul.

TUMWÖY 83:4

Mi kïlentöy, “Apkana, ketïpö pipö Israel lökïr, atökewutyeghö kaynengwa kokay ompö ngwïny.”

YEREMIA 26:18

“Kimwochï pipö Yuda löwïr Mika chi pö Moresyet ato ki pöytoghin Esekia nyo pö Yuda lö, ‘Lentöy ECHOTYON Kimuktoghin, kïngoröy Sayon* le par, lïku Yerusalem kïratyan nyo kirulyö korïn kutïkumö akïlïkwï wuw Kö pö Tororöt.’

YEREMIA 33:24

“Tomönye so lïmanyi pich kïlentöy, ‘Kiyon ECHOTYON Israel nko Yuda, pich odeny cho kikïlchï kegh nyinte?’ Nka nyï ye kasas chane piköchan ntömökuyitönye lö pich.

DANIEL 9:25

Kïlenyona nkïtunö akïpköchin lö lïku könyis mut nko odeny kïnyïl mut nko odeny kïngata otini kakïmwowï ketek ngat Yerusalem ntökïtenö kungwïn pöytoghintö nyo kikengot. Kïteköy Yerusalem nko ortïne nko nïyetkö ompö könyis 62 kïnyïl mut nko odeny, wölo osiswo kömpölelyö choni.

APAKUK 3:2

Kyalïman tïkwïn cho kighanyi, we ECHOTYON nka nyoni ighanïn awaghinyi tya. Igha ye nyu ngat ompö osiswecha tïkuchoni kighanyi könyisyok. Inan kisyonchin, we ECHOTYON ompö nörekyengu.

SAKARIA 12:8

Oripan ante ECHOTYON asisoni pich cho möngöy kanasyanta Yerusalem. Lïmchini kegh chi nyo nyarkalal ompö kwenungwa lö otïng owesyö nyo kitïng pöytoghinto Daudi. Ntöghoghchini pipö ara pöytoghin Daudi pipö Yuda le malaykayanta ECHOTYON, anta le Tororöt.

SAKARIA 4:10

Atolapay kïlenchanïn, “Tatïnechoni le mut nko odeny kï konyi ECHOTYON cho le mut nko odeny cho topönöy ngwïny kïmïkul.”

1 KORINTO 1:27

Kisas nyu Tororöt kikïl tïkwïn cho yitöy ngwïnya lö sölwontön atökutö arasï pich cho ngöghomöch, akïkïl tïpö ngwïny cho nyörkölöl atökutö arasï pich cho owesöch.