NEEMIA 3:26 - PIPÏLIA

²⁶ nko mötwori Kö pö Tororöt* cho möngöy kamaspa Opel ntökwit Kuka Pögh ato lekïto pchörï nyo kïripsyegho nyo mi okumpö kongasis.

NEEMIA 3:26 ပူးပေါင်းရင်းမြစ်များ

1 OTÖPTINO OSIS 9:2

Pich cho kinya kïmïlisyö wölo mi mïlatengwa kï Israel nko tïsï nko pipö Lawi nko pich cho kipöghisyegho Kö pö Tororöt.*

2 OTÖPTINO OSIS 27:3

Nyinte Yotam nyo kitek kuka Kö pö Tororöt nyo kipörtoy okumpö tagh, akïporyö lasiny kïtek nayatu Opel.

2 OTÖPTINO OSIS 33:14

Nyini kimuchö ngalechoni, kïtas Manase kïtek kutok nayat nyo mi sanypa kanasyanta Daudi, okumpö ta nyo pö Kion, mpöghogh ori ntökwitïta Kuka Kaghagh akuwita Opel, akïtap kïkoghit tya, akïronkyï ngat kintöghoghi lïk kanastina Yuda löwïr cho kikïtek lasiny.

NEEMIA 10:28

Kinget pich löwïr cho kingötï cho le tïsï nko pipö Lawi nko ripi nko tumï nko mötwori Kö pö Tororöt* nko chane löwïr cho kisirö kegh pipö punton kïrïp kegh nko kirurut pö Tororöt, chane nko korukwa nko monekwa löwïr cho kikïchïreröchitu

NEEMIA 11:21

Kïmang mötwori Kö pö Tororöt tïkumwoko Opel nyo mi Yerusalem, akuntöghoghchï chane Siya nko Kispa.

NEEMIA 12:37

Otini kitïta Kuka Kö pö Pögh kïpa kïpus ato kïlongtegho kanasyanta Daudi ompö ato kisyolö nayat ompö kö pö Daudi okumpö kongasis ompö Kuka Pögh.

NEEMIA 3:27

Kïtek pipö Tekoa kareranta anka nyo pö odeny kïngata atotopönöy pchörinay kogh ntökwit nayatu kamaspa Opel.

NEEMIA 8:1

Kïghamïtyï kegh löwïr Kö pö Tororöt* sany tawu Kuka Pögh ompö asispa tagh nyo pö arawanoni, kïmwochï pich Esra kikirin kwipï kitapu Kirurut* pö Musa cho kitö ECHOTYON Israel.

NEEMIA 8:16

Kïlenyona kïpa pïchay kwipï morichay pö ket akïteka tunkunekwa, kïtek chi anka tïkwïl pörketo konyi nko kiroroyikwa nko nyo pö Kö pö Tororöt nko nyo lekïto Kuka Pögh nko Kuka Epraim.

NEEMIA 8:3

Atolapay kusomön ompö atoni kirurut kïngata nyini le tökwoghö ntökughyö asis ompö tawungwa. Kïter pich nyoman ngala kitapu Kirurut.

ISAYA 32:14

Ompöwölo kïpökoktoy kö pö pöytoghin akesurö kanasyante kïtuwit. Kiwuröy keston nko nïyet cho kikïripsyegho akegh kïlïkwï möngot pö tyonkïn kokay. Lïku wölo tisonchegho sïkïröyi wuw akïlïkwï acheypa kechir.