NEEMIA 2:20 - PIPÏLIA

²⁰ Wölo oyokyan chane lö, “Ngörokecha Tororöt nyo kigh yïm kerïntena. Melö otïngetekwa mïlat amelö otïngekwa kïgh Yerusalem.”

NEEMIA 2:20 ပူးပေါင်းရင်းမြစ်များ

2 OTÖPTINO OSIS 26:5

Kikil kegh nyoman Usya kïrïp Tororöt otinö kitökïsöpöy Sakaria nyo kinetöy nyinte kughan akïrip ngala Tororöt. Ompö osiswechoni kighönöy Tororöt, kiperur Tororöt nyinte nyoman.

ESRA 4:3

Wölo kïlenchï Serupapel nko Yoswö nko poyi ortïn chane, “Melö kïtïngecha kïgh akwa ompö teksyo Kö pö Tororötïncha,* kïtekyinecha achane ECHOTYON Tororötïncha lenyini kamwa Sayras pöytoghinto Pasya.”

NEEMIA 1:4

Otini kyalïman ngalechoni, otöpan ngwïny alok, asönön osis cho te, akïrur asoghöy Tororöt

NEEMIA 2:4

Kïlenchanïn pöytoghintö, “Ne ye nyo imökenyi?” Asaghan lenyini Tororöt pö yïm

ESTA 4:11

“Nkït mötwori pöytoghin löwïr nko kirurichi cho mi koros lö, kïtïghöy chi anka tïkwïl nyo mötïny ato kö mïrön anta kö korka nyo wetöy kïlïtöy wölo mi pöytoghinto akïtomönye kekur nyinte. Lenye nyoni wölo kikekirta, kïpoto ato para pöytoghintö chi lïkïnyi nyo kikigha koltin ato kïsöru söpontanyi. Akïtomönye ye kekuranïn owö wölo mi pöytoghintö arawa akonga nyo kakuwer.”

TUMWÖY 102:17

Lïmöy nyinte sowut mey amelö sösöy saghatengwa.

TUMWÖY 122:6

Osoghchinö Yerusalem kïnyorï kalya. “Nya kulet chane cho chöminyi.”

TUMWÖY 20:5

Nya kengörekyenö kelïliy ompö rïntaghtangu akeywalacha sonkol ompö kaynata Tororötïncha. Nya kïkoninyi ECHOTYON möchutköku löwïr.

TUMWÖY 35:27

Nya kïngörekyö cho mököy lö tökirwokyanïn ompö man akuteghyö lö, “Wow tya ECHOTYON! Akïngörökyini pöghisyo mötworintenyi.”

TUMWÖY 51:18

Ighchï nyo karam kanasyanta Sayon* aitek ngat nïyetwo Yerusalem,

WUWÖT 28:29

“Sïtöy Aron kaynötut pö ortïna Israel ompö sïra takat nyo pö kirwok ompö takatunyi, otini wetöy Wölo Tïlil, atökwip chane tawu ECHOTYON ompö kinonut nyo pö chik.

OMTOGHIN 7:18

Mïchini namanyi nyinö pö tagh, amepïstö nyinö pö odeny, ompöwölo choni cho teköy chi nyo wöghöy Tororöt.

ISAYA 56:5

kïnyorunenanïn kïgh nyo karam kïtïl monïng cho le wor nko tipïn, amelö kïwutyegho nyinte.”

LAWIN 2:2

akwipchï tïsï cho pö ara Aron. Chengöy nyu tïsin pïsya römut akonga nko mwada nko tïkuchay löwïr ngutoy cho onyïn, atolapay kïpel kïlïkwï machey nyo pö pïsyechay löwïr ompö ato kïpelo amöros le ropöwon nyo ngutoy nyo karam ompö ECHOTYON.

LAWIN 24:7

Atolapay itö tïkuchay ngutoy cho onyïn parakungwa tökïlïkwï machey nyo pö makatinechay löwïr atökeropchï ECHOTYON ompö Ema.

SAKARIA 6:14

Töpo nyu tentanoni Kö pö Tororöt kïpöyit kinonut nko konyït pö Elday nko Topicha nko Yedaya nko Yosia wero Sepania.”

KIYITUT 10:10

Okutekwa kontin ompö osiswekwa cho pö ngörekyö le ompö Ichon pö Relïn pö Arawa nko ichontinekwa walaka, otini otötokwa ropöwekwa cho kïpelöy nko cho pö pöghisyö. Ongörokekwa nyu. Ochan ECHOTYON Tororöt.”

IGHISYEWUT 10:31

akïlö, ‘Kornelio! Kakilïm Tororöt saghatengu, akakunan pöghisyewutköku cho pö kisyonöt.

IGHISYEWUT 10:4

Kuwagh malaykayantanay kïtöngönchï akuyokyï lö, “Ne kitö nya Echotyon?” Kuyokwï malaykayantanay lö, “Kakïtach Tororöt sowutköku nko ighisyewutköku cho pö pöropchö, akakunaninyi.

IGHISYEWUT 8:21

Möminye karerantangu anta ghömïchö nyo itïngetenyi ompö ighisyencha, ompöwölo metenatenye mïkulöwungu ompö tawu Tororöt.