NEEMIA 2:14 - PIPÏLIA

¹⁴ Atolapay owan tagh alïtön Kuka Kö pö Pögh nko Ngarpïlu pöytoghin. Wölo otini kyatatan atoni melö kimi wölo weröy sïkïryonay kyoweghonan.

NEEMIA 2:14 ပူးပေါင်းရင်းမြစ်များ

2 PÖYTOGHÏ 18:17

Kïyonta pöytoghintonay pö Asirya Tartan nko Rapsaris nko Rapsyake nko lïk nyo wow ompö Lakis, kïpa kïporyö nko Esekia ompö Yerusalem, kintöghoghchini chane lïkononi. Nyini kitïta chane Yerusalem, kughyongö ara pögh nyo kingwïno ngarpïl nyo kimi wölo to, ompö ara mït nyo wetöy kutöngöy wölo kiwuno

2 PÖYTOGHÏ 20:20

Kirote ighisyewut löwïr cho kigh Esekia nko owesyenyi nko wölo kitekta ngarpïl nko ara pögh nyo kip pögh kanasyan kitapu “Otöptino osiswo pöytoghi Yuda.”

2 OTÖPTINO OSIS 32:30

Esekia nete nyay kikar pögho lalwa nyo ngeto Kion kipa kïröyto okumpö kongasis pö kanasyanta Daudi. Kulet tagh nyo karam Esekia ompö ighisyewut kachi löwïr.

NEEMIA 12:37

Otini kitïta Kuka Kö pö Pögh kïpa kïpus ato kïlongtegho kanasyanta Daudi ompö ato kisyolö nayat ompö kö pö Daudi okumpö kongasis ompö Kuka Pögh.

NEEMIA 3:15

Kïtek ngat Syalum wero Kolose nyo le kirwokinto Mispa Kuka Kö pö Pögh akïtekyï pörkö atolapay kïpölchï pölöw kukoti akwighchï möröwe. Atolapay kïtek nayat nyo lekïto para pöytoghin ompö Ngarpïlu Syela ntökwit ato kïröytegho Kanasyanta Daudi.

NEEMIA 3:16

Kïtek kareranta anka Neemia wero Aspuk nyo kile kirwokinto kareranta anka nyo pö Petsur ntökwit möt pö Daudi akïnam ngarpïlu nko kori pipö lïk.

OMTOGHIN 2:6

Kyoghchan kegh ngörpil atocholchï pögh ketichoni kïpityö.