NEEMIA 12:43 - PIPÏLIA

⁴³ Kitötö chane amörostin cho echön asisoni akïngörekyö, ompöwölo kegh Tororöt chane kïngörekyö nyoman. Kingörekyö korï tïkwïl nko monïng ntökelïma ngörekyononi kimi Yerusalem wölo low.

NEEMIA 12:43 ပူးပေါင်းရင်းမြစ်များ

2 OTÖPTINO OSIS 20:13

Kughyongo pipö Yuda löwïr tawu ECHOTYON nko monekwa cho mïnkech nko korukwa nko monekwa cho echön.

2 OTÖPTINO OSIS 20:27

Kïlenyona kuntöghoghchï Yeosyapat pipö lïkenyi nyo pö pipö Yuda nko Yerusalem kïmïlisyö Yerusalem ompö ngörekyö ompöwölo kirïnta ECHOTYON pungkökwa.

2 OTÖPTINO OSIS 7:10

Ato mi asis nyo pö 23 nyo pö arawa mut nko odeny kïmwochï Solomon pich kïrot kestonikwa ompö ngörekyö nko turönöt ompöwölo köromnyö nyo kighchï ECHOTYON Daudi nko Solomon nko pipö Israel löwïr.

ESRA 3:13

Kimelö kimuköy chi ntökunkïtï kiteghata ngörekyö nko nyo pö lok, ompöwölo kiteghyot pich kelïma wölo low.

NEEMIA 12:27

Otini kikitïlilöy nayatu Yerusalem, kekurï pipö Lawi löwïr kïpkana wölini kimöngöy atökemïtï chane Yerusalem ompö ichon pö kitïlilöt, ompö tumwöy cho kiyokyinegho sörö nko kwïrkwïris nko pïkantis.

NEEMIA 12:42

Kirïpöy chane ompö, Maaseya nko Syemaya nko Eleasar nko Usi nko Yeoanan nko Malkicha nko Elam nko Eser. Kitum tumï cho kintöghoghchini Yesraya kelïma wölo low.

AYUPU 34:29

Ngo nyo gheghchini nyinte ato sï? Anta ato wïny tokochunyi, kï ngo nyo muköy kura, kö kor anta ptangengmöt?

TUMWÖY 27:6

Osyolan möt ompö ngörekyo rïntagh ompö pungköchan cho mi kuwitanïn atöninan amörostino ngörekyö, otumchinan ECHOTYON sölut ompö konyi.

TUMWÖY 28:7

Owesyenyan ECHOTYON akï longenyan. Oghönan nyinte. Konanïn kingörokut akwighanïn oturön. Osölan nyinte ompö tumwöy.

TUMWÖY 9:2

Ongörökan ompö nyi otini otuman. Otumunyi, we Tororöt nyo Töror Tya, tumwöyi sölut.

TUMWÖY 92:4

Konanïn ngörekyö, we ECHOTYON ighisyewutköku, otuman ompö ngörekyö akwompö tïkuchoni keghanyi.

ISAYA 61:3

akïnyorï ngörekyö nko turönöt pich cho riryegho Sayon.* Otöninan tum pö salat nyo kötönyoru kiwongunöt. Kïkuro chane keti kitenat cho kakatkat ECHOTYON atökïnyorchï nyinte ororyö.

YEREMIA 31:13

Pkonöy monekwa cho le tipïn akïnyal ompö ngörekyö akwigh mïrön nko poy kïturonchö. Osoghsoghan chane, awaghach sönönötengwa kïlïkwï ngörekyö, owöghökan nyörilwokökwa kïlïkwï turönö.

YEREMIA 33:11

Wölo tökïsis kelïma woptinechoni tïkwïl roröt nko kutïwa pich cho ngöreksot nko kïlïliyöto pich cho mi ichon pö kensyö. Kïlïmöy tïkwïl cho tumotoy ato ipöy Kö pö Tororöt* ropöwo kiyokyinogh pö sörö. Tumöy ato petöy kïlentöy, ‘Oyokyinö sörö ECHOTYON Kimuktoghin, ompöwölo karam nyinte akï chomnyenyi kïpö kokay nko kokay.’ Operuran korenete kïsïch tïkwïn le cho kitïng tagh. Mwoghöy ECHOTYON.

KIYITUT 10:10

Okutekwa kontin ompö osiswekwa cho pö ngörekyö le ompö Ichon pö Relïn pö Arawa nko ichontinekwa walaka, otini otötokwa ropöwekwa cho kïpelöy nko cho pö pöghisyö. Ongörokekwa nyu. Ochan ECHOTYON Tororöt.”

MATAYO 21:15

Kinörekyö tïsï cho echön nko koneti kirurut otini kisïwa tïkuchini pö töngönchin kighöy nyinte kimi monïngö kïtumöy ompö Kö pö Tororöt kïlentöy, “Nya kïsala Wero Daudi!”

MATAYO 21:9

Kuteghyö söpïchtinö, akonga nyo kimi tawu Yeso nko anka nyo kirïpu löt akulïlighsot kïlentöy, “Nya kïsala Wero Daudi! Nya kusoyön Tororöt nyinte nyo ngwïno kayna Echotyon! Nya kïsala Tororöt nyo mi parak tya.”

YOANA 16:22

Lïku nyoni ompö akwa tïkwïl: omitekwa nko nörekyö otï le ye, wölo osïwïyanïkwa ngat, atökïnyïghï ngörekyö mïkulöwekwa, ngörekyö nyo memuchönye chi ntökïchengenakwa.

EPESO 5:19

Otinö ongölonchinekwa kegh opöghisyeghö ngala sölut nko tumwöy nko tumwöyi mïkulögh. Otumchinö Echotyon tum nyo rïröy ompö mïkuliskökwo.

YAKOPO 5:13

Ekïmi chi kwenunkwa nyo nyörïloy nya? Akanya kïsagh. Ekïmi nyo ngarakate? Akanya kïtum tumwöyi sölut.

1 SAMWEL 4:5

Nyini kitï Santuku Muma ECHOTYON möngot kuteghyö pipö Israel tya kurïngring korö.