NEEMIA 12:27 - PIPÏLIA

²⁷ Otini kikitïlilöy nayatu Yerusalem, kekurï pipö Lawi löwïr kïpkana wölini kimöngöy atökemïtï chane Yerusalem ompö ichon pö kitïlilöt, ompö tumwöy cho kiyokyinegho sörö nko kwïrkwïris nko pïkantis.

NEEMIA 12:27 ပူးပေါင်းရင်းမြစ်များ

2 SAMWEL 6:12

Kemwochï pöytoghin Daudi lö, “Kesoyön ECHOTYON kö pö Oped Edom nko kïgh anka tïkwïl nyo le nyenyi akwompö Santukunay pö Muma.” Kïwö Daudi kïsïtunö Santukunay kö pö Oped Edom kutöngwï kanasyantenyi ompö ngörekyö.

1 PÖYTOGHÏ 8:63

Kiyenchï tïch 22,000 cho le ropöwo pöghisyö nko kechir 120,000. Kigh lenyoni pöytoghintö nko pipö Israel löwïr otini kisoyönöy Kö pö Tororöt.

1 OTÖPTINO OSIS 13:8

kïmi Daudi nko pich löwïr kïnyolöy akïtumchini ECHOTYON ompö owesyengwa kïmïkul. Akitïng pilimpin nko tokigh nko kayampen nko kontin.

1 OTÖPTINO OSIS 15:12

Kïlenchï pipö Lawi, “Ochikwa kintöghoghi pipö Lawi, ye nyu otïlilö kegh nko pikökwo atosïtunö Santuku Muma nyo pö ECHOTYON Tororöt pö Israel kungwïn wölo kaghan.

1 OTÖPTINO OSIS 15:16

Kïmwochï Daudi kintöghoghi pipö Lawi kïkïl werkökwa cho tumöy tumwöy akïpöghisyegho pilimpin nko kayampen.

1 OTÖPTINO OSIS 15:28

Kwipï pipö Israel Santuku Muma Yerusalem akuteghyot ompö ngörekyö, akïkutöy kontin nko kuy nko toasin nko kurerun.

1 OTÖPTINO OSIS 15:4

Atolapay kïkur monïngo Aron nko cho pö pipö Lawi:

1 OTÖPTINO OSIS 16:42

Kiripöy Eman nko Yedutun tïkwïl kontin nko tasim nko kari walaka cho kïpöghisyegho ato kïtumöy tumwöyi kwolöt. Pipö ara Yedutun cho kikïkïl kïrip kukat.

1 OTÖPTINO OSIS 16:5

Kikïl Asep kïlïkwï kintöghoghinte, kïrïptoy Sakaria nko Yeiel nko Syemiramot nko Yeiel nko Matitia nko Elyap nko Penaya nko Oped Edom nko Yeiel cho kikutöy kurerï, kïpïtöy Asap pïkan,

1 OTÖPTINO OSIS 23:5

Kïripsyö cho le 4,000, kïtumchï ECHOTYON cho le 4,000 akïpöghisyegho kari tumöt cho kikonï pöytoghintö ompö ighisyononi.

1 OTÖPTINO OSIS 26:31

Ki Yeria nyo kile kintöghoghinto monïngo Epron. Kikïyar ara monïngo Epron ompö konyi angwan nyo pö paytaghpa Daudi, kenyorï pich cho pö aranoni cho kimuköy poryot cho kimöngöy Yaser rotyo Kiliad.

2 OTÖPTINO OSIS 29:25

Kutö pöytoghintö Esekia pipö Lawi Kö pö Tororöt kïtïpï cho kitïng tïkwïn cho töpölöl cho ato kirapa kusilyö nko cho kitïng pïkantis nko cho kitïng pkurerun, kïrïpata kegh nko ngölyonto Daudi nko nyo pö Kad nyo kile ngorinto ngala pöytoghin nko nyo pö werkoyon Natan. Ompöwölo kingwïna ngölyontononi ECHOTYON kuwerï werkoykachi.

2 OTÖPTINO OSIS 29:30

Atolapay kïmwochï pöytoghintö Esekia nko yetïntine walak pipö Lawi kïsala ECHOTYON tum pö pöytoghin Daudi nyo kimïn nko nyo pö ngorin Asap, kïtum tum pö sölut ompö ngörekyö, kungïrukisyö akïsölisyö.

2 OTÖPTINO OSIS 5:13

Otini kighömö pich cho kutöy kontin nko cho tumöy, kïlïkwï chöghötengwa akonga möchunchuniöcha. Kisölöy akutöni sörö ECHOTYON. Kïkut kontin kughum akulï karïn cho töpölöl kusilyö nko pïkantis kïsölöy ECHOTYON ompöwölo karam nyinte, pö kokay kiyomisötenyi amöwïrönye chomnyenyi. Kinyïghï polta köyay, Köyoni pö ECHOTYON,

2 OTÖPTINO OSIS 7:6

Kighyö tïsï kïrïp kegh nko wölo kightoy chane ighisyö nko pipö Lawi cho kitïng pïkantis cho kikïtumchinegho ECHOTYON cho kigh pöytoghintö Daudi cho kiyokyinegho ECHOTYON sörö, ompö chomnyenyi nyo pö kokay otini kipïtöy Daudi kutötoy sörö ompö onkuntö anka, kïmi tïsï kïkutöy kontin akighyongöy nyu Israel kïmïkul.

ESRA 6:16

Kïngörekyö nyu pipö Israel löwïr cho le tïsï nko pipö Lawi nko pïnotkö löwïr cho kimïlisyö. Atolapay kutïlil köyay pö Tororöt ompö ngörekyö.

NEEMIA 11:20

Kimang pipö Israel cho kingötï nko tïsï nko pipö Lawi möngengwa ompö kanastina Yuda.

NEEMIA 12:43

Kitötö chane amörostin cho echön asisoni akïngörekyö, ompöwölo kegh Tororöt chane kïngörekyö nyoman. Kingörekyö korï tïkwïl nko monïng ntökelïma ngörekyononi kimi Yerusalem wölo low.

NEEMIA 8:17

Kïtek pïchay kipkana pïnotön löwïr tunkun akïmang, ompöwölo melö kitökwigh pipö Israel lenyoni kïngata osiswo Yoswö wero Nun. Kïnyorï nyu ngörekyö nyo wow.

TUMWÖY 149:3

Asala kaynatenyi ompö nyalat, otumchinö nyinte ompö kwïrkwïris nko pïkantis.

TUMWÖY 30:1

Okusinyi, we ECHOTYON, ompöwölo kesörwaninyi amelö kepïsinyi pungköchan kïroröchanïn.

KINONO KIRURUT 16:11

Ngörökyinö nyu ECHOTYON Tororötïngu, nyi nko moneku nko mötworiku löwïr nko pipö Lawi nko ton nko panan nko mïsïk cho mi kanastineku. Igh lenyoni ompö wolini kakïl ECHOTYON kesagha nyinte.

KINONO KIRURUT 20:5

“Atolapay kïlenchï yetïntino pich, ‘Ngo chi nyo mi yi nyo katek konyi nyo rel akïtomönye kesoghchï? Nya kïmïla katanyi, atömökïpara poryot akïwö chi anka kïsoghchï konyi.

PILIPI 4:4

Ongörökyenö ompö Echotyon osis tïkwïl otösan ngat omwoghöy lö, ongörökyenö!

NGONGUT 5:8

Akwotini kimi kwighöy lenyoni, kupïtyï ngwïny tawu Wawa Kech tyonchay sötote le angwan nko poyichay le 24, akïtïng chi anka tïkwïl ompö chane pïkan nko pakuli koltin nyo kikinyïghit tïkwïn cho ngutoy nyo karam akï choni kï sowut pö pipö Tororöt.