NEEMIA 10:37 - PIPÏLIA

³⁷ “Kepchï tïsï makatina poretayi pagh nko ropöwecha cho pö dipay* nko akwa ket löwïr nko mwaghpa arol ompö korïn cho mi Kö pö Tororöt. “Atolapay kepchicha pipö Lawi karerantina taman cho pö tïku parenicha, ompöwölo chane cho ghömïtöy karerantina taman ompö kanastinecha.

NEEMIA 10:37 ပူးပေါင်းရင်းမြစ်များ

2 OTÖPTINO OSIS 31:6

Kwipï pipö Israel nko pipö Yuda cho kimöngöy kanastina Yuda karenanpa taman nyo pö tïch nko kechir nko nyo pö tïkwïn cho kikisir aketïlilchï ECHOTYON Tororötïngwa, kwipï tïkuchoni kutïkumö.

NEEMIA 13:10

Osöwan ngat lö melö kitöketö pipö Lawi nko tumï cho kipöghisïyi karerantangwa, kïlenyona kïpa nyu chane kutang parenikwa.

NEEMIA 13:12

Atolapay nyu kwipï pipö Yuda löwïr kareranpa taman nyo pö pagh nko dipay nko mwagh, ketö töpoton cho mi Kö pö Tororöt.

NEEMIA 13:5

Kichomchï nyinte Topiya kïmang kö pö ori nyo wow, wölo kikïrorchini ropöw nko tïkwïn cho ngutoy cho onyïn nko karïn cho kïpöghisyegho ompö Kö pö Tororöt nko kareranpa taman nyo pö pagh nko dipay* nko mwagh cho kikïkonï ketö pipö Lawi nko tumï nko ripi Kö pö Tororöt lenyini mwoghöy kirurut.

NEEMIA 13:9

Atolapay amwatïtan ketïlil korichay awan oyokwï ngat kari Kö pö Tororöt nko ropöwo pagh nko tïkuchay ngutoy cho onyïn.

WUWÖT 13:12

otïlilchinekwa ECHOTYON poretay löwïr. Twatan löwïr cho pö twaku cho le kiru kïpö ECHOTYON.

WUWÖT 13:2

“Otïlilwanïn poretay löwïr cho pö pipö Israel nko cho pö kyak.”

LAWIN 23:17

Opunonekwa kestonikwa makatin odeny cho lïku ropöw cho sis cho kikigha akonga pïsya kilen odeny cho kakïtasta mumar aketö ECHOTYON le ropöwo poretayi pagh.

MALAKI 3:10

Opunö töpotenyan ropöwo kareranpa taman löwïr tökïmi Konyan omisyö atyamanïn nyu. Mwoghöy ECHOTYON Kimuktoghin. “Ato aghakwa lenyoni, oyotwokwa tïrisyeni yïm, akonokwa kisoyönut cho möngörï.

MALAKI 3:8

Wölo otepokwa ye nyu lö, ‘Ayo, karam kïchor chi Tororötï? Ewo, mökaramnye. Kïlö ne nyu tachoranïkwa?’ Wölo otepekwa lö, ‘Kakïchorichanyi ompö or ne?’ Kachoranïkwa ompö ropöwo kareranpa taman nko ropöwe walaka cho opkanïkwa.

KIYITUT 18:15

Poret anka tïkwïl nyo pö chi nko twatan anka tïkwïl nyo pö kïgh nyo satate nyo kïropchini ECHOTYON kï lïku nyengu, wölo iolenyi poret nyo pö chi nko nyo pö tyony nyo le sïmnyon.

KIYITUT 18:18

Lïku chikwa panye, pempö takat nyo pö chat pö okumpö tagh cho kitötoy le amöros pö kiwiswisöt.

KIYITUT 18:21

Kïlö ECHOTYON, “Kyotönön pipö Lawi kareran pö taman anka tïkwïl nyo pipö Israel kïlïkwï mïlatengwa, ompö ighisyengwa nyo ighöy ompö Ema nyo mi ECHOTYON.

RUMI 11:16

Ato kiketö Tororöt pïtöno makatyan, kïlïku nyenyi makatyante kïmïkul. Akwato kïropchï Tororöt ighin pö ket, kïlïku chechi mori tïkwïl.

KINONO KIRURUT 14:22

“Otötö kareranpa taman cho pö tïkwïn löwïr cho pkono parenikwa köny anka tïkwïl.

KINONO KIRURUT 18:4

nko poretayi pagh nko dipay* nko mwaghpa arol nko puto kechir.

KINONO KIRURUT 26:2

kïmïchini kwipö köröp chi anka tïkwïl ompö akwa poretayi tïkwïn cho ilo koronini kutang wölo kakïl ECHOTYON Tororötïnkwa kesagha.