NEEMIA 10:33 - PIPÏLIA

³³ “Kitötocha tïkuchï kepöghisyeghö ompö Kö pö Tororöt: makatyan nyo tïlil nko ropöwo pagh cho pö osis löwïr nko amörostin cho kïpelöy osis löwïr nko ropöwo osiswo Sapato nko Ichontino Relïn pö Arawa nko ichontine walaka nko ropöwe walaka cho tïlilöch nko ropöwo ngoki pipö Israel nko ighisyewut löwïr cho pö Kö pö Tororöt.

NEEMIA 10:33 ပူးပေါင်းရင်းမြစ်များ

2 OTÖPTINO OSIS 2:4

Ompöwölo karich otekyan kö nyo kïsölo kaynata ECHOTYON Tororötïnyan, akï wölo kïpelchinegho nyinte amörostin cho ngutoy cho onyïn akïlïkwï nyu ato kitötegho amörostin ompö osis löwïr, nyo pö makatyanta kiporunöt nko amörostin cho kïpelöy tökwoghö nko mönon nko cho pö asispa Sapato* nko Ichon pö Relïn pö Arawa nko ichontino ECHOTYON Tororötïncha le otini kikïmwochï Israel kwigh lenyoni kokay.

WUWÖT 30:16

Ichengonyi pipö Israel suru kinyoryogh, atökïpöyit ighisyo Ema nyo mi ECHOTYON, atökïlïkwï ropöwontenkwa ompö tawu ECHOTYON.”

KOLOSAY 2:16

Kïlenyona makany kurwokwok chi ompö kïgh nyo kyomöy anta ompö nyo kïgheghöy anta ompö Ichon pö Relïn pö Arawa anta ompö ichontin walaka anta ompö asispa Sapato.*

EPRANIA 10:11

Akiwetöy tïsinto pipö Yaudi anka tïkwïl kïsoghöy asis anka tïkwïl akutötoy amörostinechaye kïnyïl cho chang, amörostin cho memuköcha kïmis ngokï.