NAUM 3:18 - PIPÏLIA

¹⁸ Nyi we pöytoghinto Asirya, kikïmeghö yetïntineku, kikïnam rïwöntö nyo pö kokay piköku cho echön! Kitoyechï piköku kutïngkot, puryö chi nyo ghömïtu chane kïpka kaw ngat.

NAUM 3:18 ပူးပေါင်းရင်းမြစ်များ

1 PÖYTOGHÏ 22:17

Kuyokyï Mikaya lö, “Kasïwan pipö Israel cho pö lïk kitoytoyö ompö kutïngkot le kechir cho puryö mösöwon. Atolapay kïlö ECHOTYON, ‘Mötïngcha pïchï kintöghoghin, nya kïmïlonchö chane kestonikwa ompö kalya.’ ”

WUWÖT 15:16

Köchïnchï chane nyarïl nko mïghö, kösisyö chane le muntïruch otini kisïwa owesyengu, we ECHOTYON, ntökïtenö kuwer piköku chay kisörunenyi sekeynön.

ISAYA 13:14

“Pertoy pich atoni cho le pïnot cho möngöy Papilon kutöngöy wölini kipkana. Toytoyot chane le cheptirkich nyo kïyonöy ato kïsökosöy, akïlata kechir cho puryö mösöwon.

ISAYA 47:1

Lentöy ECHOTYON, “Rökunenö we Papilon, ngacharungu nyo pö paytagh, rökunö aingwïn itöpö terïtyon. Kilatenyi tagh chepkïltït, kanasyan nyo awes, melö tökïkurinyi pich ngat lö nyo tapïlïl akï nyo ngarngar! Kelïkunyi ye nyu sekeyon!

YEREMIA 50:18

Kïlenyona, kamwaghan nyu ante ECHOTYON Kimuktoghin, Tororöt nyo pö Israel lö, omungan pöytoghinto Papilon nko pikachi le wölo kyomungön pöytoghinto Asirya.

YEREMIA 51:39

Ato sïru mutïnö owetan opöghöy chane opöghonan kumïn kïtömesyö kumes. Ruyot nyu nyo mötïny kïngetyö. Mwoghöy ECHOTYON.

YEREMIA 51:57

Oghan kïtömesyö yetïntinekwa cho pö lïk nko piko lïk tömesyot tïkwïl pikökwa cho ngöghomöch nko kintöghoghï löwïr. Nyoru rïwön nyo mökïngetyonye kokay. Kamwaghan ante nyo ochï Pöytoghin, ECHOTYON Kimuktoghin kaynenyan.

NGONGUT 6:15

Atolapay kïpechï pöytoghi ngwïny nko pich cho owesöch cho echön nko echot nko monkor nko cho owesöch nko chi anka tïkwïl nyo le sekeyon anta nyo tyakate, kïwïnya kegh chane köpönot nko kutïngkot.