NAUM 2:7 - PIPÏLIA

⁷ Atolapay kenam akep koko pöytoghin le ratan. Kïriryö korï cho le mötworichi le cheptuken, akïwir kegh töket ompö sönönöt.

NAUM 2:7 ပူးပေါင်းရင်းမြစ်များ

ISAYA 32:12

Arapaka töketwekwo ompö nyarïl ompö wölo kikewur parenikwa cho okwoghöch cho körïr sapipun.

ISAYA 38:14

Ki mïnïng kutinyan akïnyarkalal, kyateghan le cheptukwö. Kyoghochö konyichan otini kyotopönön yïm. Kïsörunenanïn Echotyon nyarïltanyu kïmïkul.

ISAYA 59:11

Kikïmïghyecha akewongwï. Kikïmitecha keköngöy Tororöt kïsörwecha kechïwïtyeghenö woköt nko kireyat, wölo melö mito kïgh nyo kigha.

ESEKEL 7:16

“Ryöghchini pich cho köchïwïtyö kutïngkot le cheptuken cho kakyotyeghö ompö mpöghoghöy, akïsönön anka tïkwïl ompö ngokichi.

NAUM 2:6

Atolapay kïyat pung kukot cho kimi okumpö lalwa, kïwir nyu otyogh nyo wow pipö ka pöytoghin.

NAUM 3:13

Körkör pipö lïkengu le kor ompö poryot. Makïmicha mïrön cho ghetöy pich ato pokï pung. Pelöy ma kari kukoti kanastinekwa lömïs.

MARKO 14:66

Otini kimito Petro kumpuröy wölo le sanypa kö pö Tïsintonay Wow, kungwïn työ nyo kile mötworin.

LUKA 23:27

Kïrïp söpïch pö pich nyo wow lötunyi. Kimi söpïchnoni korï cho kiteghsot akïrirchini nyinte.

LUKA 23:48

Kïkany kïsïwa pïchay kiryama atoni choni kighisyot, kïmïlonchö kestonikwa akïwirotoy töketwekwa ompö nyarïl.