NAUM 2:5 - PIPÏLIA

⁵ Kikïkur yetïntinekwa kïpa tagh, kukïskus kegh akupïtyotoy otini kipetöy. Kïryögh lawel lïkonay kïsor nayat, atökïyar longa kunyïk nyo kïwiro nayat.

NAUM 2:5 ပူးပေါင်းရင်းမြစ်များ

ISAYA 21:5

Kyasïwan ompö sïwïyaghnoni, mesa nyo kikigh, akekarkar sakwïr cho tïpisot toyeko ichon. Omisïyi chane akïgheghsïyi. Akïtökïnyini lawel kwitï kut nyo lentöy, “Opisatinechï! Anapa longoykökwo!”

ISAYA 5:27

Möminye ompö akong ompö chane nyo oghököy, anta nyo pïtyini ngwïny. Amöminye nyo muköy anta rï rïwön. Möminye angwa mu nyo kipörchochöy anta angwa kweghyon nyo kingat.

YEREMIA 46:12

Kikïlïm pipö koros lö kikïnamakwa arasï, akikïlïmakwa oriryoney. Köryöp kegh nyökonkökwa ntökupïtyï ngwïny.

YEREMIA 50:29

“Okurunö pich cho nkït kïwutïtoy kotï kïpka kïpar Papilon. Arika kanastinechi lö tïlkwïch ntömömi ompö akong nyo muköy kïchïwït. Otönö chane lenyini kisom, aghchï chane lenyini kighchï pikö walaka. Ompöwölo kïsasanyi ECHOTYON Tororöt pö Israel nyo Tïlil.

NAUM 2:6

Atolapay kïyat pung kukot cho kimi okumpö lalwa, kïwir nyu otyogh nyo wow pipö ka pöytoghin.

NAUM 3:18

Nyi we pöytoghinto Asirya, kikïmeghö yetïntineku, kikïnam rïwöntö nyo pö kokay piköku cho echön! Kitoyechï piköku kutïngkot, puryö chi nyo ghömïtu chane kïpka kaw ngat.

NAUM 3:3

Kangwïnta kegh poryeghï cho pegho angoletin ompö poryot. Keryölsyö chokonï, kukwörkwerisyö ngötwö, kuköposisyö mïntïruchtino pich cho kikïpar, muntïruch cho makïrar cho kikwötöy pich!

APAKUK 1:8

Pïrtït angoletinekwa kïtïl möril cho sutyote akï ghach kïtïl suyï cho köromöch, komtoy angoletinekwa ompö anisa siwu askarin cho kötöy angoletinechoni cho pkono wölo low, pilu chane le sichtin cho nömöy kïgh.