NAUM 2:2 - PIPÏLIA

² (Karik kuyokyï ECHOTYON ororyö nko owesyö pikachi, pipö Israel nyo kitïng tagh kïtomö kïsara pungkökwa tïkwïn löwïr.)

NAUM 2:2 ပူးပေါင်းရင်းမြစ်များ

TUMWÖY 47:4

Kikïlwecha kor nyo kïmïlöy Yakopo nyo le chamanenyi.

ISAYA 60:15

“Melö tökewirtoninyi ngat anta ghöchin pich. Kanasyan nyo kikesurö akegh kïlïkwï kïratyan. Oghinyi yetune aipïchighitï, kanasyanta ngörekyö kokay nko kokay.

YEREMIA 25:29

Arosakwa! Opchinan meghat kanasyantanï kïkurtegho kaynenyan. Olentekwa so kïchïwïtyot monyorï sitenyan? Ompöwölo omitan opu ngot nyo wongöy pipö ngwïny löwïr!’ Mwoghöy ECHOTYON Kimuktoghin.

YEREMIA 48:11

“Kömöngisïyi su Moap ompö kalya, kitöpchï kegh ngwïny lö nyöm le kumïn cho mi ptarka, kumi cho tomönye kemïlchï kitö anka. Tomönye kerang pipö Moap kïpa pïnotnön, kïlenyona tökïchömtoy le nyo pö tagh atökïngutoy lenyini pö tagh.

YEREMIA 49:9

Ato kïpït sapipun olentan mi cho ngötu ketït. Ato pka chorï oghö olentan chengchini kegh tïkwïn cho kömököy opïn.

ESEKEL 37:21

Atolapay ilenchï chane lentöy Echotyon TORORÖT, opunan Israel kïpkana punton wölo kipa. Aghamïtwan chane löwïr ompö wölini mi amïtwan kïpka korengwa kegh.

ESEKEL 37:23

Melö tökusïmnyono kegh körkeyïntinekwa kokay nko tïkukwa cho ghach anta lelutkökwa walaka tïkwïl. Osörunenan chane ngokikwa löwïr cho kigh, otïlilan chane takïlïkwï nyu piköchan, alïkwan Tororötïngwa.

OSEA 10:1

Kilenye Israel sapipu nyo pïchigh nyoman nyo yinöy akwechi kuten. Le otini kiyï sapipun kïlïkwï, kïtösöy tagh kïtekyini kegh wölay kïpelo amörostin. Le wölini kitas tagh korengwa kïlïkwï, kïminöy chane tïkwïl wölo sogho.

NAUM 2:10

Wechï kinyara Ninawi akïtoyeghö pich! Kalïkwï kïratyan nyo tuw! Kimeghö pich mïkulis akïkwangkwang kïgh kutïngöy akïruronchö.

NAUM 3:14

Akwa pipö Ninawi, oghekwa ne? Arama pögh, atöpï kïpsach ompöwölo kikerikakwa! Okilö nïyet pö kanasyantengwo! Atyakatyaka norayonto mönö nyo kigho mataparen, anagh mat nyo kïpelo matapareni!

SEPANIA 3:11

Pikachu, melö tolïmchinekwa kegh ngat arasï asisoni, kïrïp kegh nko tighintönenkwa nyo pö tagh. Ompöwölo opuktenan menot kïpegha kwenunkwa amelö tosyolekwa kegh ngat ompö kutïngtanyan nyo tïlil.