NAUM 2:13 - PIPÏLIA

¹³ Lentöy ECHOTYON Kimuktoghin, “Oreyinyi we Ninawi. Opelan nkarineku cho pö poryot cho chutöy angoletinö. Oghan ketïgh pipö lïkenkwa ompö poryot. Osöreninyi tïkwïn löwïr cho kipörunenyi pikö walaka amelö töketerchini ngat kïgh nyo mwoghöy piköku.”

NAUM 2:13 ပူးပေါင်းရင်းမြစ်များ

2 PÖYTOGHÏ 18:17

Kïyonta pöytoghintonay pö Asirya Tartan nko Rapsaris nko Rapsyake nko lïk nyo wow ompö Lakis, kïpa kïporyö nko Esekia ompö Yerusalem, kintöghoghchini chane lïkononi. Nyini kitïta chane Yerusalem, kughyongö ara pögh nyo kingwïno ngarpïl nyo kimi wölo to, ompö ara mït nyo wetöy kutöngöy wölo kiwuno

2 PÖYTOGHÏ 18:19

Kïlenchï Rapsyake chane, “Olenchinö Esekia, kölö pöytoghinto Asirya nyo wow, kïgh ne nyï itwoytonyi kegh?”

2 PÖYTOGHÏ 19:23

Kemwaghanyi Echotyon ompö piköku chï keyonunyi kïpka kïkwölö kegh tawunyan aimwaghanyi lö, ‘Ompö nkarinechan cho chang, karïntan Lepanon, ntowongwï kutïngkot löwïr cho koghöch. Kotörön keti tarakitkachi cho koghöch akïlchan kegh keti saypras cho pïchighöch. Kolïtön ompö wudö wölnö kidïrö.

2 PÖYTOGHÏ 19:9

Nyini kilïm pöytoghinto Asirya lö kiset pipö Misri cho kintöghoghchini pöytoghinto Tiraka nyo pö Etopya. Kïyonta pich wölo mi pöytoghintö Esekia nyo pö Yuda

2 OTÖPTINO OSIS 32:19

Kïngalana Tororöt pö Yerusalem kumustö tororötin cho kigh ptangengmöt ompö ngwïny.

TUMWÖY 46:9

Wongöy nyinte poryotïn ompö ngwïny kïmïkul akïrïng kïwantis nko ngötwö akïpel longoy.

YEREMIA 21:13

Konömchinyi lat we Yerusalem, oporyegheninyi! Nyi nyo imi ghat parak ompö ato syolote. Nyi nyo ilentöy, ‘Ekï ngo köny nyo muköy kungwïn akïlïtï möngencha nyo ripote, akï ngo nyo muköy kïporyeghenecha?’

YEREMIA 46:14

“Amwatïtena kïghömï koro Misri. Nya kelïm kurel kanastina Mikdol, nko kanastina Mempis nko Tapanes. Olenchinö kïtïpï kïpsach, ompöwölo kikuwitakwa ngot lö tïlkwïch.

YEREMIA 50:31

“Akwa pipö Papilon, kogh nyaye kyachopakwa kong pipö Israel nko Yuda.

YEREMIA 51:25

Ilatenyi kutïng nyo awes nyo le kinyorin, we Papilon. Kinyaranyi ngwïny kïmïkul. Wölo ichinyi punyontenyan nyoman. Kamwaghan ante ECHOTYON lenyoni. Osyolchininyi ewunyan, atyorunyi rökunenö koghichona mi parak, aghinyi kara kegh nko kutïng nyo kinagh lömïs,

ESEKEL 13:8

Kïlenyona lentöy Echotyon TORORÖT, “Ompöwölo le otinö putintön ngalekwa nko sïwïyaghtinekwa oghöchinokwa nyoman.

ESEKEL 21:3

lentöy ECHOTYON, ochan punyon ompö akwa. Ongwïsunan chokenyan aparekwa lömïs cho karamach nko cho ghach.

ESEKEL 26:3

“Kïlenyona lentöy Echotyon TORORÖT, koghöchan Tiro opïsunan punton cho chang kïpka kïporyegheninyi le wölo ipuntoy puseryonta ket.

ESEKEL 28:22

lentöy Echotyon TORORÖT, ‘Koghöchanïkwa we pipö Sidon, ongwïnan oporu ororyenyan ompö kwenunkwa. Nkïtu nyu pich lö ochan ECHOTYON otini korwokyan chane akïsïwa tïlilïntanyan.

ESEKEL 29:10

Kïlenyona keghöchaninyi akïghochanïn lalwatïneku. Oghan koro Misri kïlïkwï kïratyan, kïngeta Mikdol ntökwit Aswan, rotyo Etopya.

ESEKEL 29:3

Lentöy Echotyon TORORÖT, Rosa keghöchinyi nyoman nyi Parao, pöytoghinto Misri. Ichinyi moroy nyo mamïnïng nyo irïwöy lalwatïneku ailentöy, ‘Nyinyan lalwa Nile nyo kyoghchan kegh.’

ESEKEL 35:3

Lenchinö kutïngï lentöy Echotyon TORORÖT ighöchinaninyi, olïwinyi, aghinyi lïkuna kïratyan nyo tuw.

ESEKEL 38:3

‘Lentöy Echotyon TORORÖT keghöchaninyi nyoman we Kok, yetïn pö Mesyek nko Tupal nyo wow.

ESEKEL 39:1

Lentöy Echotyon TORORÖT, “Wero chi, nya kïngor möt Kok, lenchinö kighochaninyi nyoman we Kok, yetïn pö Mesyek nko Tupal.

ESEKEL 5:8

Kïlenyona lentöy Echotyon TORORÖT, kyonörekyokwa nyoman, amungekwa ompö tawu puntonichï.

NAUM 2:12

Kisökosöy ngötïny ntökïnyorï pentanyi, akïpachpach kïpagha warechi nko korkenyi, akunyïghit köpönenyi pany cho kikïpachpach.

NAUM 3:1

Mengötunenyinye, we kanasyantanï pïröch morïn akï cheputyon! Kanasyan nyo kinyïghï mökosyö mi kïpsach kesara!

NAUM 3:12

Lekït rulöto nïyet pö kanastinekwa cho otighonekwa kegh, karkegh nko akwa arol cho kirïrö, nyo ato kitimtim ketït, kïchïnchï lödak kuti chi nyo omöy!

NAUM 3:15

Wölo kïrkegh agha lenyoni, pelokwa ma owonyenö, akepörokwa ompö poryot. Wonyokwa ngot le talam cho omöy pagh ompö par. Kyoyiyökwa, achangitï le talam, oyiyekwa le kaperon!

NAUM 3:5

Lentöy ECHOTYON Kimuktoghin, “Oreyinyi we Ninawi! Ongonyan cherötöyengu kughegh möt, atolapay opïsyan pipö koros kïtopön chïrutyengu, nöminyi arasï ompö tawu pöyunötin.

YOSWÖ 11:6

Kilenchï ECHOTYON Yoswö, “Meway chane, ompöwölo atotenö nyete asïyech kikepar chane lömïs, itörenyi nyu chepkintolay angoletinekwa aipel nkarinekwa.”

YOSWÖ 11:9

Kighchï Yoswö chane le wölo kimwochï ECHOTYON, kitör angoletine chepkintolay akïpel nkarinekwa.