NAUM 1:3 - PIPÏLIA

³ Melö kwïskwïs kïnarek ECHOTYON, wölo wow owesyö nyo tïng. Melö pïstoy mwokïyon kïchïwït mönyorï sitöt. Ngeto chepkiriri atoni kewerata ECHOTYON, poltoy kï terïtyon nyo ngetuno atona katïk kelyechi.

NAUM 1:3 ပူးပေါင်းရင်းမြစ်များ

2 SAMWEL 22:10

Kupun yïmwöy akungwïn ngwïny akimi polta nyo tuw kelyechi.

NEEMIA 9:17

Kitagh chane kïterunyi ngaleku, amökïyangcha töngönchintinechanya kighanyi ompö kwenungwa. Wölo kwigh chane mötöwekwa kwoghïghitu atolapay kïkïl kintöghoghintengwa, kuyoda chane kutang sekeynön ngat ompö koro Misri. Wölo ichinyi Tororöt nyo pö lastagh nko pöropchö nko kisyonchin. Melö inörekenyi lawel wölo wow chomnyengu nyo pö kokay nko nyoni melö kipïstenyi chane.

AYUPU 10:14

Iminyi iköngöy tesïwena aghan ngokï, tetaghanyi lösteghwanïn lelutkachu.

AYUPU 38:1

Atolapay kuyokyï ECHOTYON Ayupu ompö chepkïrïri lö,

AYUPU 9:4

Ngöghom Tororöt akwawes, ngo chi nyo kikumöl kegh tïkwïl ntökumï?

TUMWÖY 103:8

Tïngeto ECHOTYON kisyonöt akï karam, mïkukönöy nyinte ompö chomnyenyi nyo pö kokay.

TUMWÖY 104:3

aitek möngengu paraku pögho yïm. Kepöghisyeghenyi poltoy kïlïkwï nkaringu, aiweghö köpepoy pö yomat.

TUMWÖY 145:8

Tïngeto ECHOTYON pöropchö akï kisyonin mönörekönye lawel akï tïng chomnyogh nyo pö kokay.

TUMWÖY 147:5

Wow ECHOTYONtencha akwawes, mötïngnye ngöghomnyenyi söröm.

TUMWÖY 50:3

Ngwïnöy Tororötïncha amelö sisonu, mi lyopötö nyo ngwan tawunyi, chepkïrïri nyo wow nyo kiwit nyinte.

TUMWÖY 62:11

Kimwa Tororöt nyo mötïny alïman nyoman lö, pö owesyö Tororöt

TUMWÖY 66:3

Mwochinö Tororöt lö, “Pö töngönchin kïtya tïkwïn cho ighenyi! Wow tya owesyengu nyo ighöy punköku kïpotonchö.

ISAYA 19:1

Anyï ngölyon nyo ngölono koro Misri. Itu ECHOTYON koro Misri, akungwïno poltoy cho ryöghöy lawel. Potonchegho körkeyïntinö tawunyi cho soghöy pipö Misri. Wonyegho nyu nyakanat pïchoni pö Misri.

ISAYA 29:6

Sörunyi ECHOTYON Kimuktoghin ompö tïlöto ilat nko potanata ngwïny nko chöghöt nyo wow nko chepkiriri nko lyopöto ma nyo wuröy kor.

ISAYA 66:15

Ompöwölo ECHOTYON nko ma. Wegho nyinte köpepoy pö chepkiriri otini ngwïnöy kuchopöy kong pungkachi.

YEREMIA 4:13

Arose! Kechumï punyon le polta. Ghumotoy nkarinechï cho pö poryot le pïchpïch, pïrtït angoletinechi kïtïl sichtin, heywey wechï kakiwonyö!

DANIEL 7:13

“Asïwan ompö sïwïyaghpa oghö, kungwïn ompö polta akong nyo lata ptangengmöt akïwö wölo mi nyinte nyo kisöpöy kïngata könyisyok kïtöpö tawunyi.

OSEA 8:7

Ompöwölo kikatkat yomat akwil pïchpïch melö yinöy paghekwa Amelö rïröy paghekwa ompö par wölo kïrkegh kïrïr kwomo chane pich walaka cho le to

YOEL 2:13

Nyo kötö oköreröy sïrokökwo, akarer mïkuliskökwo. Omïlisyenö wölo mi ECHOTYON Tororötïngwo, nyo kinyïghï pöropchö nko kïsyonöt. Mönörekönye nyinte lawel akinyïghï kisyonötö akïlöstowecha ngokicho.

YONA 4:2

Kïlenyona kïsagh Yona lö, “ECHOTYON, melö so kïyete nyay kyamwaghan atanye kyomitan korenyan? Nka nyay kyapertan lawel atang Tarsis. Ompöwölo kyonkïtön lö ichinyi Tororöt pö chomnyogh nko kisyonöt, amelö nyïmnyïm kïnarek, akï nyo mi kïpsach kïmolchï kamas sitöt nyo kötetöni chi.

SAKARIA 9:14

Ngwïnchini ECHOTYON pikachi, akïwutïtö kotichi cho petöy le kiryalon. Kutöy ECHOTYON konti poryot, akuchumï nko pïpïch nyo ngwïno kumporö.

KIYITUT 14:18

‘Melö nyölo ECHOTYON lawel, tïng chomnyogh nyo möminye söröm akïlöstoghchini pich ghöyityö nko lelutkökwa. Töko monïng ghöyïntino papotïnekwa pïnta nyo pö sömök nko nyo pö angwan.’

MATAYO 26:64

Kuyokyï Yeso nyinte lö, “Kemwaghanyi! Wölo omwowokwa ye lö osïwïyekwa kïngeta ye Wero Chi kïtöpo ewu tagh nyo pö Kimuktoghin Tororöt akungwïno poltoy ompö yïm.”

YAKOPO 1:19

Anan ya ngölyontonï chamnkachu cho kïtupchö! Akanya kïkwïskwïsit chi anka tïkwïl ompö kïgh kïlïmöy nyo, wölo melö cho pulchini kïngalan anta narek lawel.

NGONGUT 1:7

Arose anyinö ngwïno poltoy! Akïsïwïyi chi anka tïkwïl nyinte nko ompö pïchini kipïsïgh nyinte. Teghsot puntoni ngwïny kïmïkul ompö nyinte! Lïku nyoni ngalechï nyo mötïny! Amen.