NAUM 1:14 - PIPÏLIA

¹⁴ Mwoghöy ECHOTYON paraku pipö Asirya lö, “Mösïköcha monïng cho kinono kaynengwa. Onyoran körkeyïntin cho mi korïn cho sogho chane tororötinekwa. Owösinan chane pïrïm ompöwölo ghach nyo makïmïchininye kïsöpchö!”

NAUM 1:14 ပူးပေါင်းရင်းမြစ်များ

2 PÖYTOGHÏ 19:37

Kimi asistanka ato kisogho nyinte koto tororötïnyi Nisrok, kïpar werkachi odeny nyinte, chane kï: Adramelek nko Syareser. Atolapay kupertoy kutang koro Ararat. Kuker werïnyi akong kïpayta nyo kïkuro Esaradon.

2 OTÖPTINO OSIS 32:21

Kïyonta ECHOTYON malaykayan kïtïw nyökon pö lïk löwïr nko kighyongtoghi nko yetïntin cho kimi möngo pöytoghinto Asirya. Kïmïla pöytoghinto Asirya ompö arasï kïwö korenyi. Akwotini kïwö kïlït koto tororötïnyi, kïsöpchï werkachi walak kïpara rotwo chok.

AYUPU 18:17

Möminye chi nyo nonöy nyinte ompö ngwïny wutyegho pich kayne nyi ompö kor.

TUMWÖY 109:13

Nya kïmis meghat monechi lökïr akewutyeghö kaynatenyi ompö pïnta nyona.

TUMWÖY 71:3

Lïkuna köpönenyan nyo oghïpenan, teköwon nyo awes nyo sörwanïn, ompöwölo ichinyi köpönenyan nko teköwontenyan.

WUWÖT 12:12

“Ompöwölo oweran koro Misri oghononi apöran poretay löwïr ompö koro Misri nyo pö chi nko cho pö kyak arwokyinan tororötin löwïr cho pö Misri. Ochan ECHOTYON.

NGÖTÏNYÖ 10:7

Kenan pipö man kï kisoyönöt, wölo potöy kaynata chemwokïyon.

ISAYA 19:1

Anyï ngölyon nyo ngölono koro Misri. Itu ECHOTYON koro Misri, akungwïno poltoy cho ryöghöy lawel. Potonchegho körkeyïntinö tawunyi cho soghöy pipö Misri. Wonyegho nyu nyakanat pïchoni pö Misri.

ISAYA 33:13

Akanya kïlïm pich tïkwïl cho lekïtöch nko cho lowöch tïkwïn cho kaghan atö kunan chane wölo wow owesyenyan kïlïkwï.”

YEREMIA 50:2

“Amwatïtena lökoyechï kïghomï koros, osïtö pentera yïm, amwatïta! Amwagha, amawïny kïgh nyonikïny lö, ‘Kikerïnta Papilon, kimïgh akïnam arasï tororötïngwa Pel, potönöy tororötïngwa Merodak. Kiketyartyar körkeyïntinechay soghöy chane kunyorisyö.’

DANIEL 11:21

“Atolapay kïrïpta nyinte pöytoghintö anka nyo le mwokïyon nyo melö kimïchini kïlïkwï pöytoghin. Miröy pich akïcheng paytagh ompö lïs.

DANIEL 5:27

TEKELI kï: kikepiminyi kenyorï lö ichinyi kwïskwïs.

LAWIN 26:30

Onyornyoran ato osoghokwa körkeyïntin atörotörön ato opelokwa tïkwïn cho ngutoy cho onyïn, awirchan mïntïruchkökwa wölo köchïnchï körkeyïntinekwa akïwöchokwa mïkulöwunyan.

MIKA 5:13

Anyarnyaran körkeyïntinekwa löwïr nko pchörine cho otïngetekwa tömokïtïngchinekwa ngat tïkwïn cho kaghakwa morikwo.

MIKA 5:14

Arultenan körkeyïntin pö Asyera* cho otïngetekwa, anyoran kanastinekwa löwïr.

APAKUK 2:10

Kanyïkwïdekwa puntoni walaka, atö kegh arasï, otini kawanyakwa pipö punton, anyar kegh akwane.

1 SAMWEL 3:13

Kyomwochan Eli lö otöninan sitöt konyi kokay, ompö ghöyityö nyo kighwanïn werkachi aki nkït nyinte, wölo mömwochïnye nyinte chane kïpïstö.